Libait Lâka 23:17 - DAWAN BÎLA AISKA

¹⁷ Wamtla wina plawar brit dauki angkan kau pain ba, îs mangki daukan britka ba wâl brih wabia. Britka kumi bani ba 8 paun bri kabia, baha britka ba sika plun disang mâ nani sakan ba wina prisantka Dawan ra yaia.

Libait Lâka 23:17 ပူးပေါင်းရင်းမြစ်များ

Nihimaya 10:37

Yang nani sin aitani lukisna, Gâdki tempelka ra diara nani bri si apahki swiaia, yang nani yabaia sna ba, prîs nani ra plawar, dus nani sut mâ ba wina, wain, batana laya, mâ tawahkia disang daukisna ba wina, Libait nani ra yabaia, naisla daukisna ba wina matawalsip bani wina kumi yabaia mânka ba diara sut wina yabamna, insla nani wina, yang nani diara sut kukisna ba wina, witin nani ra yawan wark bani wina matawalsip mânka yabaia ba witin nani brisa.

Impakan Sturka 22:29

“Wain mâ nani, insla pata nani sut sakisma ba wina, yang ra prisantka sal aikaia ba wina, tumi takaski kapara. “Luhpiam waitna tawahkia ba sin,

Impakan Sturka 23:16

“Namsla ra patam nani mangkram ba wina, mâ tawahkia nani ba yabaia yua liliaka ba sin kulki kaia sma. Bara sin mani tnata ra patam nani sut insla wina kuki dingkisma yua ba sin, yua tara kulkaia sma.

Impakan Sturka 23:19

“Patam mâ tawahkia kanra yamni nani ba, Dawan tempelka watla ra brih waia sma. “Guts lupia ba, ai yaptika tialka laya ra mangki piakpara.

Impakan Sturka 34:22

“Wik nani liliaka ba dauki banhs, plawar mâ tawahkia nani dâkaia ba, mani tnata ra insla dâkan yua ba sin.

Impakan Sturka 34:26

“Man nani plun mangkram ba wina tawahkia mâ kau pain ba, Dawan Gâdkam watla ra brih waia sma. “Guts lupia nani ba, yaptika tialka laya ra piaki banhpara.”

Libait Lâka 2:12

Man nani sip sma îs bara nasma laya nani bri balaia, Dawan ra prisantka yabaia, disang mâ nani baku, sakuna altar purara kîa pain Dawan pain kiawali ba prisantka dauki ba baku lika apia.

Libait Lâka 23:10

“Israel luhpia nani ra wis: Man nani ra tasba kum maikaia wîri ba tasbaya ra dimma ba ra, plawar dâkma ba ra, baha mâ nani kiaubi wilkanka pas wilkma ba, prîs ra yama.

Libait Lâka 23:18

Britka nani ba aikuki sîp 7 sunu taya sauhkan âpu ba, bîp luhpia kum, sîp wainhka wâl, baha nani ba aiska angki Dawan ra prisant kum kîa pain ba dauki yaia dukiara brih wabia, baku sin ai prisantka nani ba tilara plun mâ nani bara wain sin bri balaia.

Libait Lâka 7:13

baha nani ba Dawan ra tingki wiaia, kli wal uplika takaia sakripaiska daukaia ba sut asla dauki bri balbia, îs mangki dauki angkan britka nani ba sin.

Kulki Kaikanka 15:17

Bara Dawan bui Moses ra aisi, win:

Kulki Kaikanka 18:12

Baku sin yang maikisna, Israel luhpia nani mani bani mâ tawahkia sal aiki ba, batana kau pain aiki ba, wain kau pain ba bara plawar mâ kau pain nani aiki ba sin.

Kulki Kaikanka 18:13

Baku sin insla mâ tawahkia nani wina yang ra aikaia brih aula ba sin, man ra maikisna. Ya ya man wamtla ra ba sunu sa kaka, witin sin sip sa baha piaia.

Kulki Kaikanka 28:26

“Plun mâ nani pas saki liliaka ra, plun disang wina barli mâ nani Dawan ra yabaia piua ra, wibia sa kaka, Wik nani liliaka ra, asla takanka sunu kum daukbia. Baha yua ra wark sâtka wala kumi sin daukan kaia apia sa.

Matiu 13:33

Naha maprika lilka wala na sin baha nani ra win: “Gâd king aimaki lâka ba îs wal baku sa. Baha ba mairin kum mita brih plawar paun yumhpa ra mangkisa, plawarka miks munan ba sut puskuya kat.”

Roman 8:23

Paskanka aiska ba baman pât wauhras, sakuna yawan pali na sin pât wahwisa, naika wan dukia briaia ba tawahkia baku pat yawan Spirit ba brisa kuna. Wan kupia mununhtara latwan kum brisa, bara yawan lika Gâd luhpia nani baku wan briaia piua ba bîla kaiki banhwisa, bara baha piua sika wan wîna tara aiska ba pri sakan kabia.

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

Jems 1:18

Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.

Param Marikanka 14:4

Naha nani sika mairin nani wal tâski taki banhras kan ba, bamna witin nani sunu ban sa. Witin nani na Sîp Luhpia ba nina blikisa ani anira wabia ba; witin nani na upla nani tila wina swaki sakan sa, bara naha nani sika pas upla nani Gâd dukia bara Sîp Luhpia ba dukia sin.