Libait Lâka 22:13 - DAWAN BÎLA AISKA

¹³ Sakuna witin ba piarka takbia, maya swibia kaka, luhpias kaka lika, kli ai papika watla ra aula ba ra ai papika pata ba piaia sip kabia.

Libait Lâka 22:13 ပူးပေါင်းရင်းမြစ်များ

Blasi Sturka 38:11

Bara Juda ai mula yapti Tamar ra naku win: —Man piarka ban bas bara aisikam watla ra bâra bas, yang luhpi Selá pâwi waitna takbia ba kat. Sakuna Juda baha aisin bara witin ai kupia ra sibrin luki kan, ban kra ai luhpia Selá sin muihnika nani pruan ba baku prubia kra wisi. Bara baku, Tamar ba ai aisika watla ra blikan wan bâra iwi kan.

Esdras 2:63

Baha purkara, wihta tara ba bui adar lakan plun nani pat sunu daukan ba pibia apia, ani yua prîs kum mita witin nani ba tânka pliki kaikbia ba kat, Urim bara Tumim ba bâk.

Impakan Sturka 12:43

Bara Dawan mita Moses bara Eran wal ra naku win: “Insal bal luan Yua lâka nani ba naku sa: Upla tringsar kumi sin, daiwan wîna sakripais daukan ba wina piaia apia.

Impakan Sturka 29:33

Witin nani baman baha pibia, kan witin nani ai saurka tikaia mana baha ikan. Witin nani ba sunu sakaia prîs warkka ra dimaia, karnika aiska ba briaia, ban sakuna naha diara nani ba tilara, upla wala nani yarka pibiara, kan baha ba sunu sa bamna.

Isikiel 44:8

Yang ra ai pura sunaia lâka witin nani ra yabri ba daukras, sakuna baha warkka ba tringsar nani ra yan daukaia.’

Libait Lâka 10:14

Bara lama dusa ba, baha sika prisantka kau pain ba, bara kuhma ba sin Israel luhpia nani kli wal uplika takaia sakripaiska yan ba wina maikan ba, man luhpiam waitna nani luhpiam mairin nani ba aikuki baha bri si holi daukan pliska kum ra piaia sma.

Libait Lâka 22:10

“Plun nani prisantka bri balan ba, upla wala kumi sin baha wina pibia apia. “Prîs wal wark taki ba sin apia, prîs ba watla takaski ra sin piaia apia.

Libait Lâka 22:12

“Prîs luhpia mairin ba upla taika wala wal marit takbia kaka, baha pata prisantka prîs ra yan ba wina witin piaia apia sa.

Kli Smalkanka 24:2

Witin utla wina taki wan ba ra, sip sa wala wal ai maya takaia;

1 Samuil 21:7

Baha pali piua ra, Saúl waitnika tara kum nina Doeg, utla ba ra kan, witin lika sepad nani kiaptinka ba, Edom wina, witin sin Dawan ra mayunaia wan kan.