Libait Lâka 21:22 - DAWAN BÎLA AISKA

²² Sip sa baha britka ba piaia, plun wala nani holi pali bara sunu daukan ba sin piaia,

Libait Lâka 21:22 ပူးပေါင်းရင်းမြစ်များ

Libait Lâka 10:12

Baha ningkara Eran luhpia nani, Eleazar bara Itamar, ai aisika watla ra kan, bara Moses bui naku win: —Barli mâ sâtka prisantka angkan nani ba wina, kau bâra ba man nani bris, sakuna îs mangkaia apia, bara altar lamara piaia sma, kan baha ba pat holi pali daukan bamna.

Libait Lâka 10:17

—¿Dîa kan man nani saura daukan sakripaiska ba, holi daukan pliska kum ra dimi iwi pih banhras kapram? Baha ba holi pali daukan sa, bara Dawan bui baha man nani ra maikan, baku dauki upla nani saurka daukan ba, man nani twilkaia, bara Dawan wina witin nani ai saurka swin tikan lâka ba bribia.

Libait Lâka 14:13

Daiwan ikaia pliska ba ra sîpka ba ikan kabia, prîs ba holi takaia ba mata, saurka daukan mana sakripaiska ba. Baha angkaia pliska ra aiska angkbia, pâtkira sakripaiska, saurka daukan mana sakripaiska dauki ba baku, naha sin daukbia, baha ba holikira pali kulkan bamna.

Libait Lâka 2:10

Bara plun dîa kau angkras swin ba, baha pat Dawan dukia sakan kan bamna, baha lika Eran ra yabia, ai kiamka nani ra sin.

Libait Lâka 2:3

Bara plun prisantka yaban tâka kau swin ba, baha sika pat aihka saki Dawan ra yabaia sunu daukan prisantka sa. Bamna baha pat Dawan ra yaia kulkan ba lika, prîs Eran bara ai kiamka nani ra yabia.

Libait Lâka 21:23

sakuna kwala ni kutban ba ra lubia apia, altar lamara waia apia, yamni sunu pliska ba ra baha watawanka ba wal dimbia apia. Yang sika ai Dawanka, witin nani ra holikira sakri ba.”

Libait Lâka 22:25

Baku sin tringsar nani tilamra ba wina sin baha sât daiwra piaia maikbia sa kaka, bripara, baha saura, bara baku aitani kulkamna apia.”

Libait Lâka 22:7

Yu dimbia ba kat sunu takan kabia, baha ningkara sip sa plun nani sunu daukan ba piaia.

Libait Lâka 27:28

“Upla nani diara bri ba Dawan ra yabi lâ kat dauki sunu kulkan ba, upla ai taya nani, ai daiwra, ai luhpia nani, ai taya nani tasbaya sapa, pat Dawan ra yan ba, baha kli sip sa atki bribia apia, diara sut Dawan mihta ra swin ba, sunukira pali kulkan sa, baha Dawan dukia.

Libait Lâka 6:10

Wîna ambia ba ningkara, prîs ba ai prâka, ai draska sut pihni pali dimi, bara daiwan aman yamhpuska nani ba sut, altar purara ba wina saki, altar tnaya ra laki swibia.

Libait Lâka 6:29

“Baha sakripaiska ba diara kum tâski âpu pali kulkan sa. Bamna prîs nani ba baman baha wina piaia sip sa.

Libait Lâka 7:1

“Pâtkira takan ba mana kli aibapaia sakripaiska nani dauki ba, daukanka holikira pali kum sa. Bamna sakripaiska nani ba naku daukaia smalkan:

Libait Lâka 7:6

Bara prîs nani sut ba baha ba piaia sip sa, sakuna plis holikira kum ra daukaia sa, kan baha ba diara holikira pali kum sa bamna.

Kulki Kaikanka 18:19

Upla nani ai prisantka yang ra aikaia brih aula ba sut, man nani ra maikisna, luhpiam waitna bara luhpiam mairin nani ra, witin nani wamtla ra kau man wal bâra ba. Lâ kum man nani wal yang daukisna, naha sip kli aihka tawaia apia sa baku dauki ban kaia.”

1 Korint 9:13

Man nani kaikisma tempel warkka dauki uplika nani ba, tempel wina ai pata pîsa. Wibia kaka, baha nani altar ra sakripais nani dauki yabi banhwi ba, bahara daiwan nani iki sakripais dauki yabi ba wina, wîna ba pi banhwaia sip sa.