Libait Lâka 21:11 - DAWAN BÎLA AISKA

¹¹ upla kum pruan ba watla ra dimaia apia sa, aisika, yaptika kra kabia, bâra dimi tâski takbia apia.

Libait Lâka 21:11 ပူးပေါင်းရင်းမြစ်များ

Libait Lâka 19:28

“Upla kum pruan ba ra luki tamya ra klakpara. Tamya ra lilka sât sât sin daukpara. Yang sika Dawan.

Kulki Kaikanka 19:11

“Ani uplika upla pruan kum ra alkbia kaka, yu matlalkahbi pura kumi tâski kulkan kabia.

Kulki Kaikanka 19:14

“Upla kumi ai watla bilara prubia kaka, naku sa baha lâka nani ba mapara: Baha watla bilara uplika nani ba sut, upla wala ai watla ra diman ba sin, yu matlalkahbi pura kumi tâski kulkan kabia.

Kulki Kaikanka 6:7

ai aisika, ai yaptika, ai muihni, apia kaka ai lakra prubia sin apia, tâski takaia apia dukiara, kan witin blestu Dawan dukiara sunukira ban iwi kaia sa.

Luk 14:26

“Upla kumi yang ra aula, sakuna witin ai aisika, ai yaptika, ai maya, ai luhpia nani, ai muihni nani, ai lakra nani bara ai rayaka ba sin bahki kulkras kaka, witin sip yang disaipilki kabia apia.

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.

Kli Smalkanka 33:9

ai aisika bara ai yapti nani ra win: ‘Yang bui man nani mai kaikras pali’, bara ai muihni nani ra sin win: ‘Man nani ba yang mai kaikras’, bara ai luhpia nani ra win: ‘Man nani ya sma sapa yang nu âpu.’ Witin nani bîlam walisa, aiska pali man lâmka ra iwisa.