Libait Lâka 20:8 - DAWAN BÎLA AISKA

⁸ Bîli wali lâika ba alki dauki lan taks. Yang sika man nani Dawan Gâdkam, yang mai briaia klin mai sakri bamna.

Libait Lâka 20:8 ပူးပေါင်းရင်းမြစ်များ

Impakan Sturka 31:13

“Man, Israel luhpia nani wal aisi, naku wis: ‘Man nani kasak pali yang riski briaia yua nani ba kulkaia sma; kan baha ba lika yawan wan tukinka kum sa, kiamkam nani sut ban kulki kaia. Witin nani tânka bribia, yang mita man nani ba bâk mai saki mai briri ba.

Isikiel 20:12

Sabatki yua nani ba sin marikri, baha ba tukin kum kaia witin nani, bara yang wal maipara, bara kupia kraukanka kum yang, Dawan, yang duki baman bâk sakri kan ba.

Isikiel 37:28

Tempelki holikira ba ban kaia ra witin nani tilara kabia ba ra, nisan wala nani ba ai dara walbia, yang bui Israel ba wahbi sakri ba, sim diara kasak sunukira baku.’ ”

Libait Lâka 19:19

“Lâika nani ba alki dauki bas. “Daiwram nani ba, daiwan wala ai sâtka apia ba wal yarka taibiara. “Namsla ra saumuk sât sât miks dauki mangkpara. “Kwala mapla sât sât daukan ba dimpara.

Libait Lâka 19:37

“Baku bamna, yang lâika nani bara adarki nani ba kat alki man nani sut baku dauks. Yang sika Dawan.”

Libait Lâka 20:26

Man nani holi kama, kan yang, Dawan, holi sna bamna, baku kama tawan upla sâtka wala nani tila wina aihka mai sakri.

Libait Lâka 21:8

Prîs ba bahmuna saura ba wina tnaya ra kabia, witin nani sika Gâd kaiki ba mawanra bal brit prisantka ba yabisa. Bamna sunu kaia sa, Gâd ba sunu sa bamna. Kan yang, Dawankam sunu sna, bara sunu mai daukisna.

Libait Lâka 22:32

“Nini holikira ba sauhkpara, baku Israel luhpia nani tilara holi ai kulkan kabia. Yang sika Dawankam, man nani holikira mai sakri ba.

Matiu 12:50

Kan ya ya Aisiki kasbrika purara ba kupia lâka daukisa kaka, baha lika muihki, laikra bara yaptiki sa.

Matiu 23:17

¡Sinskas diara kaikras tara nani! ¿Dîa ba kau tara sa: gul ba, apia kaka tempel ba, baha mita gul holikira dauki ba?

Matiu 5:19

Baha mita, ya ya lâ bîla kum kau sirpi ba kra bîla walras kaka, bara upla wala ra sin baku daukbia wisi smalkbia kaka, Gâd king aimaki ba lâka ra witin ba kau mâyara kulkan kabia. Sakuna ya mita lâ bîla nani ba bîla wali ai uplika ra sin baku daukbia wisi smalkbia kaka, Gâd king aimaki ba lâka ra witin ba tara kulkan kabia.

Matiu 7:24

“Bamna ya ya yang bîli nani wali yang dîa wisna ba kat dauki kaka, upla sinskira kum ai watla walpa purara mâkan ba baku sa.

Jan 13:17

Bamna naha diara nani na tânka brih baha kat sin daukma kaka, lilia kama.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

2 Tesalonaika 2:13

Muihki nani, Dawan mita latwan mai kaikan ba, yang nani lika piu bani man nani dukiamra Gâd ra tingki wiaia sna, kan patitara piua wina, Gâd mita bâk mai sakan sa, man nani pas sika swak takan lâka briaisma ba, Spirit Holikira karnika bâk Gâd uplika pali mai daukbia, bara kasak tânka ra kasak lukram ba mita sin.

Jems 1:22

Sakuna sturi yamni na walaia baman apia, dîa wi ba alki daukaia sa; kan baku daukras kaka, wînam ra kunin munisma.

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.