Libait Lâka 20:26 - DAWAN BÎLA AISKA

²⁶ Man nani holi kama, kan yang, Dawan, holi sna bamna, baku kama tawan upla sâtka wala nani tila wina aihka mai sakri.

Libait Lâka 20:26 ပူးပေါင်းရင်းမြစ်များ

Nihimaya 10:29

ai taya nani aikuki, wihtka nani sut aikuki asla takan, bara swer takan Gâd lâka kat dauki kaia, baha Gâd napakan Moses mita lâ yaban ba, Dawan adarka nani, smalkanka nani ba, lâka nani ba sin alki daukaia.

Lawana Nani 99:5

¡Man nani bui Dawan wan Gâdka ra mayuns, witin ai mina ra lulam kriki banhs! ¡Gâd holikira sa!

Lawana Nani 99:9

Man nani bui Dawan ra mayuns, yawan wan Dawanka ba, ¡nina holikira ra ai mawanra lulam kriki bas! ¡Yawan wan Dawanka, witin ba holi sa!

Impakan Sturka 33:16

Kan man ba yang nani wal waras sma kaka, ¿nahki yang bara uplikam nani sin tânka bribia, man bui yang nani ra yamni lukisma sapa? Baku natka ra baman yawan wan tânka briaia, nisan wala nani tila wina aihka wan sakram ba.

Aiseya 30:11

Man nani yabal ba swis, yabal bîla pali wina tnaya ra taws, yawan mawan wina Israel Gâdka Holikira ba sâks.”

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Libait Lâka 11:44

kan yang sika man nani Dawan Gâdkam sna. Man nani klin pali takaia sma holi pali sin, kan yang holi sna ba baku. Daiwan ai lamara raswi tauki nani ba aikuki tâski takpara.

Libait Lâka 19:2

“Israel luhpia nani ra naku wis: “Man nani holi kama, kan yang, Dawan Gâdkam, holi sna baku.

Libait Lâka 20:24

Naha kuntrika na yang bui man nani ra maikaia wîri, bamna nanara yang tasbaya na maikamna man nani brima, tialka laya bara nasma sin baha tasbaya ra lî aubi baku sa. “Yang sika man nani Dawan Gâdkam, tawan wala nani wina aihka mai sakri ba.

Libait Lâka 20:7

“Man nani wînam aiska holikira taks yang ra. Yang sika man nani Dawan Gâdkam.

Libait Lâka 20:8

Bîli wali lâika ba alki dauki lan taks. Yang sika man nani Dawan Gâdkam, yang mai briaia klin mai sakri bamna.

Kli Smalkanka 14:2

Kan man nani ba Dawan Gâdkam mihta ra mangkan uplika nani sma; witin mita naha tasba ra iwi uplika nani sut tila wina aihka mai saki yamni mai kulkan sa, witin ai dukia kaia.

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Jasua 24:19

Sakuna Jasua bui witin nani ra win: —Man nani sip Dawan warkka daukras, kan witin lika Gâd kum holikira sa, bara ai nina tâwan lalawra sa, ban swibia apia kiamapara nani ra bara man nani saurkam daukisma ba sin.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba:

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”