Libait Lâka 20:16 - DAWAN BÎLA AISKA

¹⁶ “Mairin kum daiwan wal saura daukbia kaka, daiwra ba wal ikan kabia. Witin nani silp ai pruanka pâtka bribia.

Libait Lâka 20:16 ပူးပေါင်းရင်းမြစ်များ

Impakan Sturka 19:13

Il ra kangbi pâtkira takuya uplika nani ba, upla wala nani witin ra ai mihta ni taya ra kangbaia apia sa, kuna walpa ni sabaia, apia kaka trisbaya ni sabi ikan kaia sa. Upla kabia, daiwan kra kabia, sakuna raya swiaia apia sa. Upla nani ba, bîp aringka trumpitka ba puhbuya walbia kat, witin nani sip sa mahka baha ilka ra uli waia.

Impakan Sturka 21:28

“Bîp wainhka kum mita upla kum ra ai aringka wal sabi ikan kaka, baha bîpka wainhka ba walpa ni sabi ikaia sa bara wîna ba sin piaia apia sa, kuna dawanka ba lika pâtka kulkan kaia apia sa.

Impakan Sturka 21:32

Bara bîp wainhka ba alba waitna sapa, alba mairin kum ra sabi ikan sa kaka, bîp ba walpa ni sabi ikaia sa. Bara alba pruan ba dawanka ra silbar mâ 30 aibapaia sa, alba ba mana.

Impakan Sturka 22:19

“Yamna daiwan kum wal yapbia kaka, witin ba lâka aisi dauki ikan kaia sa.

Libait Lâka 18:23

“Daiwan nani wal yappara, baha dauki man tâski takma. Mairin sin daiwan nani wal yapaia apia, baha sika nina sauhkaia lâka saurka kau tara ba.

Libait Lâka 20:15

“Waitna kum daiwan wal rug takbia kaka, waitnika ba ikan kabia, daiwra ba sin.

Libait Lâka 20:17

“Upla kum ai lakra ba ai maya bribia kaka, ai yaptika luhpia wal rug daukbia kaka wâlsut ikan kabia. Tawan uplika kaiki kaka, baha ba swira lâka tara bamna, ya baha daukbia ba ai pâtka bribia.

Hibru Nani 12:20

Baha aisi ba lika, adar kum yaban kan bara naku wi ba sip wirhika twilki kan nani ba mita: “Daiwan kum pan il ba kangbia kaka, walpa ni sabi ikan kaia sa, apia kaka langsa ni.”