Libait Lâka 2:1 - DAWAN BÎLA AISKA

¹ “Upla kum bui plun mâ sâtka nani prisantka kum Dawan ra yabaia bri balbia ba ra, plawar kau pain ba wina bri balaia sa, bara baha purara batana laya laikbia, dus nani mâka sin.

Libait Lâka 2:1 ပူးပေါင်းရင်းမြစ်များ

Impakan Sturka 29:2

Plawar kau pain ba brima, oliv batana laiki brit daukma. Tila brit nani ba, îs mangkras, wala nani ba sin. Turtiya nani sin daukma îs âpu, bara damni taya purara laikma.

Aiseya 43:23

Daiwan wîna aiska angki sakripaiska dauks yang ra bri balras kapram, sakripaiskam nani wal sin pain ai kulkan lâka ba yang ra aikras katma. Baku sin yang taibi mai munras katna prisantkam nani aiki kaia, kîa yamni dauki sakripaiska nani sin dauki aikma mai wiras katna.

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Isikiel 46:20

ai win: “Nahara sika prîs nani piakaia kabia, wîna sakripais daukuya ba saurka lâka tâwan, bara piakbia ba barli prisantka yabuya ba. Baku sâkbia apia kutbanka painkira latara ba ra, baku sin tawan uplika nani ba dimbia apia, bâk sakan ba pliska ra.”

Joel 1:9

prîs nani ba baku inbia; kan pura sunaia watla ra plun mâ prisantka bara wain laya sin Dawan ra brih waia nanara âpu sa.

Joel 2:14

Ban kra witin, man nani ra kli lukbia ba ra, kau ban klala maiki kabia apia, sakuna ai yamnika ni, puramra blîkbia: plun mâ nani, wain sin blîkbia, Dawan Gâdkam ra prisant nani dauki yabaia dukiara.

Libait Lâka 14:10

Bara yu 8 alkbia ba ra, sîp wainhka wâl bri balbia taya sauhkan âpu ba, sîp mairin sin kum taya sauhkan âpu, mani kum alkan ba. Baha purara plawar kau pain ba 5 paun oliv batanka ra akbaia, bara oliv batana ba batil kum.

Libait Lâka 24:7

Britka nani kumi bani ba purara kîa pain angkaia dukia nani ba mangkbia, wan kupia kraukaia prisantka dauki angki Dawan ra yabi ba baku.

Libait Lâka 5:11

“Saura daukan uplika ba, butku tara wâl, apia kaka, butku sirpi wâl pan atkaia lalahka sin briras sa kaka, plawar kau pain ba wina paun wâl brih waia sa ai saurka daukan ba mana. Sakuna saurka daukan mana brih aula ba mita, plawarka ba purara batana laya laikaia apia, kîa yamni angki daukaia dukia nani sin mangkbia apia.

Libait Lâka 6:7

Bara baku prîs ba, baha uplika ba dukiara ani ani saurka kum daukan pâtka ba, ban swih tikaia warkka ba Dawan kaiki ba ra daukbia, bara uplika saura daukan pâtka ba ban swih tikbia.”

Libait Lâka 9:17

Baha ningkara dus mâ nani prisantka yan ba bri balan, baha wina ai mihta banhki brih angkan altar purara, bara titan bani angki sakripaiska ba sin angkan.

Libait Lâka 9:4

Bara bîp wainhka wala kum sîp sin kau kum bri bal. Dawan naiwa man nani ra param takaisa, bamna baha daiwra nani ba, witin kaiki bara iki, witin wal kli uplika takaia sakripaiska ba daukaia. Bara plun mâ akban batana laya ra akbi dauki prisantka sin man nani bri balma.”

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Kulki Kaikanka 18:9

Plun mâ sâtka nani prisantka, saura daukan ba sakripaiska daukaia prisantka, swakwanka nani daukan ba sakripaiska daukaia prisantka yang ra angki aikaia Israel luhpia nani brih balbia ba, baha sut ba man bara luhpiam waitna nani dukiam sa.

Kulki Kaikanka 28:5

Plun sâtka nani wina prisantka bri balaia ba, plawar 4 paun pura brih, oliv batana litro kum laiki akbia.

Kulki Kaikanka 29:18

Baha purkara, barli mâ sâtka nani ba bara wain sin yabia, bîp wainhka nani an kulkan ba, sîp wainhka nani bara sîp lupia mani kum bri nani an kulkan ba kat, dîa Gâd lâ mangki win ba kat daukbia.

Kulki Kaikanka 7:13

Witin nani kumi bani ai prisantka bri balan ba naha dukia nani kata: Silbar baulka kum 50 auns bri kan, silbar bisinka kum 30 auns bri kan, tint watla lalahka wirhika kulkanka ba praiska kat. Baha watlika wâlsut ba plawar bara batana laya laiki akban plun mâ prisantka;

Kulki Kaikanka 7:19

bara Nahasón ai prisantka brih balan ba baku, witin sin brih balan.

Kulki Kaikanka 8:8

Baha ningkara bîp wainhka sirpi kum bri balbia, ai prisantka baku sin plawar kau pain ba wirâ lat laikan ba akbia, bara baku plun mâ prisantka daukbia, bara kli bîp wainhka sirpi wala kum bribia, baha ni saurka swih tikaia sakripaiska daukbia.

Jan 6:35

Bara Jisas pana win: —Yang sika raya kaia yabi britka ba. Ya yang ra aula ba kli plun daukbia apia; bara yang ra kasak luki ba, kli sin diran daukbia apia.

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.

Judas 1:20

Sakuna muihki laitwankira nani, man nani lika kasak lukankam lâka holi ba kat ban bûi bas. Spirit Holikira karnika ra puram suni bas.

Param Marikanka 8:3

Baha wina insal wala kum balan, witin lika dus nani mâka kîa pain angkaika watla kum gul ni paskan ba bri kan, bara altar ba mawanra bûi kan. Witin ra dus nani mâka kîa pain uya yan kan, Gâd uplika nani sut pura sunra nani ra praki gul altarka king iwaika mawanra kan ba purara.