Libait Lâka 19:7 - DAWAN BÎLA AISKA

⁷ Yu yumhpa kat, baha ba kau brisa bara pibia kaka, saura pali kulkan kabia, Dawan baha aitani yamni kulkan kabia apia.

Libait Lâka 19:7 ပူးပေါင်းရင်းမြစ်များ

Aiseya 1:13

Sakripais bahki nani kau yang ra bri balpara; kiasmika ba kau brin ai daukras. Kati raya yua, bara ris yua liliaka daukaia dukiara, man nani upla paiwisma ba, sakuna, yang sip kau ban kupi alki takaskras sna, baha uplika nani ai saurka dauki ba.

Aiseya 65:4

witin nani raiti nani ra takaskisa, bahara yukuwaia watla untika nani ra, tihmia ba luisa; kwirku wîna pîsa, ai dakawa nani ra pilalka ba sin, baha saura pali kulkan ba dukia nani ba brisa.

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Libait Lâka 19:6

Sakripais daukan daiwra ba baha yua piaia sa, wîna kau swin ba yauhka kat piaia sin sip sa, sakuna yu yumhpa kat wîna ba sut angkaia sa.

Libait Lâka 19:8

Ya baha wîna pibia ba watawi lâka mana ba twilkbia, upla nani tila wina sin mawan tikbia, Dawan yamnika ba tâski daukan bamna.

Libait Lâka 22:23

Prisantkam man kupiam lâka bîp kum sîp mina ba skahwa kabia kaka, yang brimna apia.

Libait Lâka 22:25

Baku sin tringsar nani tilamra ba wina sin baha sât daiwra piaia maikbia sa kaka, bripara, baha saura, bara baku aitani kulkamna apia.”