Libait Lâka 19:5 - DAWAN BÎLA AISKA

⁵ “Wal kli uplika takaia sakripaiska nani Dawan ra yaia daukisma ba, pain dauks, Dawan yamni kaikaia brin dauki ba kat.

Libait Lâka 19:5 ပူးပေါင်းရင်းမြစ်များ

2 Kronikas 31:2

Baha ningkara Ezequías bui prîs bara Libait nani ra warkka yan, piua kat ai warkka natka daukbia ba kat upla bani dîa warkka daukaia kan ba daukbia, sakripais angkbia bara kli Dawan wal ai uplika takaia ba, bara wih Dawan ra mayunaia, tempel durka ba kat ai warkka dauki kaia.

Impakan Sturka 24:5

Ningkara wahma nani tila wina kum blikan wan, bîp wainhka nani ikaia, bara baha ba angki, Dawan ra sakripais dauki yaia, wal kli ai uplika taki sakripaiska tânka.

Isikiel 46:12

“Tâ bri ba prisantka kum ai kupia lâka Dawan ra yabia kaka, ban kra daiwan kum angkuya ba, apia kaka sakripais wal kli wan uplika takaia dukiara, lalma durka ba kwâkbia bara ai sakripaiska yabia, sim ris yua nani ra yabi ba baku. Aima kum taki wan ba ra, dur ba prakan kabia.

Isikiel 46:2

Wihta tara ba lata tani ra dimi takaskaia pliska wina kutbanka painkira latara ba kat dimbia, bara utla playa ba kat takaskbia. Baha ningkara prîs nani ba sakripais daiwra ba angkbia, bara sakripais daukbia wal kupia kumi takaia ba dukiara wihta ba daukbia, baku witin ai mawanra bawbia dur bînka lama ba kat, ai mawan tasba kat kangbi, baha ningkara taki wabia. Dur ba prakan kabia apia tutni iwbia kat.

Libait Lâka 1:3

“Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,

Libait Lâka 19:4

“Aidul nani nina bliki wapara, bras aidulka nani sin paskpara. Yang sika man nani Dawan Gâdkam.

Libait Lâka 19:6

Sakripais daukan daiwra ba baha yua piaia sa, wîna kau swin ba yauhka kat piaia sin sip sa, sakuna yu yumhpa kat wîna ba sut angkaia sa.

Libait Lâka 22:19

daiwan wîna pain bara wainhka sa kaka Dawan ra bri balan kabia, baha aitani kulkan daiwra ba, bîp kum, sîp kum, guts kum,

Libait Lâka 22:21

“Ani uplika Dawan wal kli ai uplika takaia sakripaiska daukaia brih aula kaka, pramis kum taki aisin ba kat daukaia sa, apia kra prisant kum yabaia brih aula kaka, bîp wainhka nani, sîp nani, skahwa apia, watawan âpu ba bri balaia sa, aitani kulkan kaia mata.

Libait Lâka 22:23

Prisantkam man kupiam lâka bîp kum sîp mina ba skahwa kabia kaka, yang brimna apia.

Libait Lâka 22:29

“Prisant kum Dawan ra tingki wiaia brih balan ba ra, naku dauks, baha ba yamni briaia mata.

Libait Lâka 7:16

Sakripais wala, upla kum witin daiwan kum bri balan diara kum daukaia dukiara, Dawan wal aisi pramis takaia, witin aisin ba ai bîla kat daukaia dukiara, baha sika sakripais kum witin ai kupia brinka wina daukaia aula ba. Bara baha daiwra wîna ba sin, baha yua ba sut piaia, ban sakuna wîna ba ban pura luan kaka, baha lika ban sip sa tâka ba yauhka kat piaia.

Libait Lâka 7:18

Upla kum Dawan wal kli ai uplika takaia sakripaiska daukan daiwra wîna ba, pat yu yumhpa alkan bara upla kum ban baha ba brih pibia kaka, sakripaiska daukan lâka ba bahki kulkan kabia, daiwra wîna ba sin saura takan kulkan sa ba ra. Baha wîna pîsa uplika ba, baha saurka ba kulkuya.