Libait Lâka 19:31 - DAWAN BÎLA AISKA

³¹ “Pirit saura wal aisi, yapi kaiki uplika ra man nani wapara, witin wal aisi tâski takmara sîa. Yang sika man nani Dawan Gâdkam.

Libait Lâka 19:31 ပူးပေါင်းရင်းမြစ်များ

2 King Nani 17:17

Baku sin ai luhpia waitna bara ai luhpia mairin nani ba pauta ra angkan, baku sin ai kanra diara takaia ba kaiki wi uplika nani ra ai kaina kaiki kan, bara diara luki sakisa wisi dauki nani ra ai tânka pliki kan, baku sika witin nani Dawan mawanra diara saura dauki banhwi kan, bara baku Dawan kupia sauhki kan.

2 King Nani 21:6

Baha purkara, ai luhpia waitna nani pauta ra angkan sakripais daukaia wisi, bara pirit bahki nani ra, smaya kakaira nani ra, pirit saura warkka dauki bara sukia lâka nani sin bukan. Saura pali Dawan nakra ra daukan, baha sât saurka nani dauki kan ba mita Dawan kupia sauhki kan.

2 King Nani 23:24

Baku sin Josías ba sukia nani, diara wan kanra takaia nani ba nu wan munisa wisi kunin aisi nani ba, upla nani ai tila kat aidul nani bri kan ba, bara aidul wala saura nani Jerusalem bara Juda wal ai tilara bri kan nani ba sut âpu daukan, baha bîla lâka nani prîs Hilquías mita Dawan watla ra kan sakan ba wauhkataya ra ulban kan ba tânka kat.

1 Kronikas 10:13

Bamna baku Saúl ai saurka ba mita pruan, kan witin saura daukan bara Dawan lâ yan ba kulkras, sukia kumi ra ni wih wal aisin,

2 Kronikas 33:6

Bara ai luhpia nani sakripais angkan Ben-hinom langnika ra, pirit nani ra wih ai pura sunan, yapi kaiki nani ra wan, diara kaiki nani ra wan pirit saura ra winaia, ai pura sunaia lâka bukan, sukia lâka nani daukan. Ai daukanka Dawan saura pali ba Dawan nakra ra daukan, Dawan kupia baikaia dukiara.

Impakan Sturka 22:18

“Sukia sâtka kumi sin swirka raya kabiara.

Aiseya 29:4

Bara man ba mâyara mai ikan kabia, tasba kat mai batakbia; bara man bîlam baikra ba lasa kum aisi ba baku kabia, aisinkam ba yuya ba wina pusbi aisi baku kabia.

Aiseya 47:13

Lâ smalki, kupiam krauki nani ailal bri katma tilara, ban swapni takram. ¡Witin nani nanara bal bubia bara tâmwan aisabia, kasbrika pura tânka plaplikra nani ba mawanra, diara nani puramra aula ba kaikan dahra mai wiaia dukiara!

Aiseya 8:19

Âu, upla nani bui man nani ra mai wibia sika: “Sukia nani ra wals, yapi kakaira nani ra sin makabi wals, pusbi aisi nani ra bâra aisi ba. ¿Upla nani ba ai gâdka nani ra makabi walaia apia sa ki, pruan nani bara walaia raya nani ba dukiara dîa aisabia ba,

Libait Lâka 19:26

“Wîna ba tâlia ba wal ban pipara. “Yapi smaya kaikaia bara yu wala dîa takaia ba wiaia warkka daukpara.

Libait Lâka 19:3

“Man nani kumi bani papikam bara yaptikam pain kulki kama, “Ris briaia yui nani ba sin kulki kama. Yang sika man nani Dawan Gâdkam.

Libait Lâka 20:27

“Waitna kum, apia kaka mairin kum yapi kaikaia piritka wal aisisa kaka, yu wala dîa takaia ba aisisa kaka, baha nani ba walpa ni sabi ikaia sa bara ai pâtka ba twilkbia.”

Apastil Nani Sturka 8:11

Baku upla nani ba ai bîla wali kata, kan piua wihka wina sukia aimaki upla nani ra kunin muni kan.

Galesha 5:20

aidul nani ra mayunaia, sukia warkka daukaia. Upla ra misbara kaikaia, tar baiwan lâka, bara nina tâwan lawaia nani. Diara bahki dukiara wan kupia baikaia, bara wan kupia lâka baman pliki daukaia, dakwi takaia lâka, bara dakni sât sât paskaia sin.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

1 Samuil 28:3

Baha piua ra Samuil pat pruan kan, bara Israel luhpia nani sut pat ini luan kan, pruan ba pura mata; baha ningkara ai tawanka Ramá ra bikan, witin aisuban tasbaya ra. Bara Saúl bui diara kakaira nani, upla pruan piritka wal aisi uplika nani kan ba sut ai tasbaya wina kangbi sakan.