Libait Lâka 19:15 - DAWAN BÎLA AISKA

¹⁵ “Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Libait Lâka 19:15 ပူးပေါင်းရင်းမြစ်များ

Job 13:8

Man nani lukankam ba pura praki aisisma, ¿dîa briaia mai dauki ba tâwan aisisma?

Job 32:21

Upla kumi ra sin mayunamna apia, sut lika kumi baku kulkamna.

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Lawana Nani 82:2

“¿Ahkia kat man nani kunin lâka ba dauki kama, bara upla watawikira nani hilpka wisi daukisma ba takaskaia?

Impakan Sturka 18:21

Man daukaia sma ba, upla nani tila wina pliki sâks waitna sip nani ba, Gâd sibrinka bri, kunin lâka wal iwras nani ba, ai mana saki briaia natka ra saura dauki pura praki hilp briaia lihkras uplika ba. Bara witin nani kum ra yas upla 1,000 lâka dauki kaia, wala ra upla 100 lâka dauki kaia, wala ra upla 50 lâka dauki kaia, bara wala kum ra upla matawalsip lâka dauki kaia.

Sins Lâka 18:5

Aitani apia sa lâ uplika mita watawikira nani ra yamni munaia, bara pâtkas ra raitka yaras munaia.

Sins Lâka 24:23

Baku sin naha bîla nani sin sinskira nani aisin bîla ba: Yamni apia sa lâ aisi daukaika iwaika ra upla mawanka kulkaia.

Sins Lâka 31:9

¡Bîlam baikra buks, bara kasakka lâka ba dauks; umpira nani ba tâ baiks bara bawikira nani ba sin!

Libait Lâka 19:35

“Diara paun ra mangkisma ba ra, skwir alkisma ba ra, lain mangki kulki kaikisma ba ra upla ra kunin munpara.

Jan 7:24

Man nani upla mawan kulki lâ daukpara. Lâ daukisma ba ra, wapni kat lâ ba dauks.

Apastil Nani Sturka 23:3

Sakuna Pal pana win: —¡Dawan mita man ra mai prukbia yu kumi, kuninkira! ¿Man baha iwaika ba wina lâ ba kat lâika daukisma ki? Sakuna kaiks, man mita lâ ba krikisma, ai prukaia adar yabisma bamna.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’