Libait Lâka 18:25 - DAWAN BÎLA AISKA

²⁵ Tawanka nani ba sut tâski sa, baha mita yang bui witin lâka daukri bara tawan bîla wina upla nani ba sait ra saki lulkan.

Libait Lâka 18:25 ပူးပေါင်းရင်းမြစ်များ

1 King Nani 21:26

Witin ba saura pali kulkan kata, gâdkas nani yabalka ra wapan, amorreo nani dîa pali daukan ba baku daukan, baha nani Dawan bui Israel luhpia nani wina lulkan ba.

Esdras 9:11

prapit albikam nani bâk yang nani ra aisaram ba. Yang nani ra ai wiram, baha tasbaya ra yang nani tasbayi briaia auna ba, uplika nani ba saurka lâka ba mita tâski pali takan sa, idan nani ai natka wal, misbara kaikanka nani, watawi dauki tâski pali takan kan baha tasbaika ba.

Lawana Nani 106:38

Tala pâtkas sin laikan, ai luhpia waitna nani, luhpia mairin nani tâlia ba sin; witin nani Kenan gâdka nani ra sakripais dauki yan, bara tasbaya ba tala ni tâski daukan.

Lawana Nani 89:32

ai kiama karnika bara ai watawika ba dukiara klala bara dus karna ba wal yabamni.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Jirimaya 14:10

Dawan naku aisisa Israel luhpia nani ba dukiara: “Naha uplika nani na iwi kapras ban tauki kaia lihkisa. Baha mita yang bui witin nani ra yamni kaikras sna. Bamna yang nanara witin nani saura dauki ba luki kaikisna, baha mana ba witin nani ra kulkaia.”

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Jirimaya 2:7

Tasba disang ra man nani ba mai bri balri, baha mâ nani ba wina man nani pima wisi mâ kau pain ba man nani piaia. Sakuna man nani balram bara tasbaya ba watawi daukram, kuntrika ba kaikisna bara âiya warbisa, yang prapatiki ba.

Jirimaya 23:2

Dawan, Israel Gâdka ba, sepad nani dahra aisisa, witin nani ai uplika nani wihtka tara nani aimaki ba: “Man nani mita sîpki nani ba aihka aihka yakabram, main kaikras munram sut plapan. Bamna aitani pali sa yang bui man nani ra klala maikaia daukankam saura nani ba tâwan. Yang, Dawan, kasak aisisna.

Jirimaya 5:29

¿Baha daukanka nani ba tâwan klala yabaia apia katna ki? ¿Baha uplika nani baku daukan mana ba kli yabaia apia sna ki? Yang, Dawan, kasak aisisna.

Jirimaya 5:9

¿Witin nani baha daukan ba yang klala yabaia apia sna ki? Tawan kum uplika nani witin nani dîa daukan ba, ¿yang bui witin nani ra baha praiska kat mana yabaia apia sna ki?

Jirimaya 9:9

¿Baha daukanka nani ba tawi klala yabaia apia sna ki? ¿Tawan kum dîa daukan ba mana, yang kli yabaia apia sna ki? Yang, Dawan, kasak aisisna.

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:9

Man nani aisawan pali takram, Guibeá yua nani ra takan kan ba baku. Sakuna witin nani watawi daukan ba dukiara Dawan lukbia, bara saurka nani mana klala yabia.

Libait Lâka 18:26

Sakuna man nani Israel luhpia nani, tringsar nani man nani tilamra iwi banhwi ba sut, yang lâ maikri ba daukaia sma, naha daukanka saura ba kumi wal tâski takpara,

Libait Lâka 18:28

Man nani sin daukankam ba mita naha tasbaya wina mai saki mai lulkbia, kainamra iwi kan nani saki lulkan ba baku.

Roman 8:22

Baha mita yawan kaikisa, paskanka aiska, Gâd paskan ba sut naiwa kat ban latwan bri ai mamna lulkisa, sim tuktan aisubi sakaia latwanka ba baku.

Kli Smalkanka 18:12

Naha dukia dauki uplika nani ra Dawan mita saura kaikisa. Bara Dawan Gâdkam man nani mamwan wina naha nisanka nani ra kangbi saki ba, kan baha daukanka saura bâra ba mita sika.

Kli Smalkanka 21:23

ai wîna tara ba tihmia aiska swika lalawaia apia, sakuna baha yua ra mahka bikaia, kan Gâd mapara saura kulkan sa upla kum dus ra pami ikan ba, bara Dawan Gâdkam bui tasba man nani dukiam maikaia ba ra tâski mai kulkbia apia.

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.