Libait Lâka 18:21 - DAWAN BÎLA AISKA

²¹ “Luhpiam nani kumi sin gâd Moloc ra prisant baku yapara. Baku dauki Gâdkam nina ba sauhkpara. Yang sika Dawan.

Libait Lâka 18:21 ပူးပေါင်းရင်းမြစ်များ

1 King Nani 11:33

Witin bui yang ba ai swin bara Sidón nani gâdka Astarté ra ai pura suni mayunan, Moab uplika nani gâdka Quemós ra, bara Amón uplika nani gâdka Moloc ra sin. Bara yabalki nani ra wapras, diara wapni daukras naikra nani ra, bara lâika bîla nani sin kulkras, ai aisa Debit daukan ba baku.

1 King Nani 11:7

Baha yua nani ra Salaman utla kum mâkan, Jerusalem lalma tani, unta tilara aidul bahki Quemós ra mayunaia; baha ba Moab uplika nani aidulka kan, baku sin Moloc ra, naha lika Amón uplika nani gâdka bahki kan ba.

2 King Nani 16:3

sakuna Israel kingka nani yabalka ra tauki kan, ai luhpia ba sakripais daukaia yaban, tasba wala nani Dawan yamni kaikras dukia nani dauki kan ba baku witin sin daukan, bara Dawan mita Israel luhpia nani ai mawan wina kangbi sakan.

2 King Nani 17:31

Avá uplika nani ba lika Nibhaz kum bara Tartac kum dauki bri kan, bara Sefarvaim uplika nani lika ai gâdka nani Adramélec wihki Anamélec wal ra mayunaia dukiara ai luhpia nani pauta ra angki sakripais dauki yabi kan.

2 King Nani 21:6

Baha purkara, ai luhpia waitna nani pauta ra angkan sakripais daukaia wisi, bara pirit bahki nani ra, smaya kakaira nani ra, pirit saura warkka dauki bara sukia lâka nani sin bukan. Saura pali Dawan nakra ra daukan, baha sât saurka nani dauki kan ba mita Dawan kupia sauhki kan.

2 King Nani 23:10

Josías sin Ben-hinom ilka biara langnika ra angkaia dukia kum bâra kan ba tâski daukan, upla kumi ra wiras kan ai luhpia waitna, apia kaka ai luhpia mairin Moloc ra sakripais angki daukaia.

2 Kronikas 28:3

bara Ben-hinom il langnika ra sakripais dauki dus mâka kîa nani angkan, saura dadaukra nani Dawan mita Israel luhpia nani mawan wina kangbi sakata ba.

Jirimaya 19:5

Baha purkara Baal altarka nani sin paskan, baha purara ai luhpia nani ba angki yabaia, baha daukaia yang aisaras, adar sin yabras katna ba, yang lukanki ra sin baku daukaia tânka sin lukras katna ba.

Jirimaya 32:35

Baha purkara Ben-hinom ilka bîla ra sin Baal altarka nani paskan, ai luhpia waitna ai luhpia mairin nani Moloc ra sakripais dauki yaia, baku dauki yan Juda saura daukaia, diara tâski yang adar yaras lukanki ra sin âpu kan ba daukan.

Jirimaya 7:31

Witin nani ba Ben-hinom ilka bîla ra altar kum paskan nina ba Tófet, bahara ai luhpia waitna nani ai luhpia mairin nani angkaia, witin nani ra wiras kapri baha daukaia, yang lukanki ra sin baha daukaia lukanka âpu sa.

Isikiel 20:26

Sans yabri tâski takaia, prisantka aidul nani ra yabi, bara pauta ra ai luhpia tawahkia sakripais dauki. Naha daukri sibrin daukbia wisi, bara baku ai tânka bribia yang sika Dawan sna ba.’

Isikiel 20:31

Baha prisantka, man luhpiam nani pauta ra angkisma ba, man nani kau ban tâski takisma aidulka nani ba wal. ¿Bara man nani baku brinkam sa ki, Israel luhpia nani, yang ra tânka plikaia aulma ba? Yang, Dawan, rayaki ni swer takisna mai swirika man nani ba yang ra bal diara tânka pliki walma apia.

Isikiel 23:37

Witin mita lukras ai sakan bara ai mihta nani tâski daukan tala laikan bamna. Sip lukras ai sakan aidul ra mayunan man, bahara kulkanka yaia wisi ai luhpia waitna nani sakripais daukan pauta ra, baha luhpia waitna nani witin wal briri ba.

Libait Lâka 19:12

“Yang nini mâki pramis kunin daukpara, kan Gâdkam nina sauhkisma. Yang sika Dawan.

Libait Lâka 21:6

sakuna sunu pali Gâd lâka aiska ra sunu takaia sa, ai nina ba saura kulkaia apia, witin nani sika prisant nani ba, sakripais nani ba angki brit ba sin Gâd ra yabisa, bahamna witin nani sunu kaia sa.

Libait Lâka 22:2

“Eran ra bara ai kiamka nani ra sin wis, Israel luhpia nani yang ra diara aikaia brih aula ba, witin nani aman kaiki kaia sa, yang nini sunu ba sauhkaia apia tâwan. Yang sika Dawan.

Libait Lâka 22:32

“Nini holikira ba sauhkpara, baku Israel luhpia nani tilara holi ai kulkan kabia. Yang sika Dawankam, man nani holikira mai sakri ba.

Libait Lâka 24:15

Bara Israel luhpia nani ra wis: Ya Dawan nina ra aisi saura wibia, swira daukbia, witin ai saurka pâtka ba twilkbia upla sut bal witin ba walpa ni sabi ikbia. Tringsar kabia, apia kaka tawan luhpia kabia, Dawan nina ra saura aisi ba mita pruaia pâtka ba bribia.

Emus 2:7

Upla umpira nani ra taibi, ai raitka wina mâyara batakisa; bawikira bara umpira nani raitka yabaia kata ba yabras. Luhpia waitna ba ai aisika wal sim baku dauki, yang nini sunu ba tâski sakisa.

Emus 5:26

Man nani kingkam Sicut bara ai slilmika Quiiún mihtam ni paskram ba gâd bahki nani lilka ba, nanara bahara puram sunaia man nani baha ba ban twilki kaia sma.

Miqueas 6:7

¿Sîp nani 1,000 yang bri sal yabamna kaka, apia kaka oliv batanka laya, awala nani 10,000 baku yabamna kra, Dawan baha dukia nani brih lilia takbia ki? ¿Apia kaka, yang luhpi taiwahkia ba yabamna, Dawan mapara buri ba saurki mana aibapaia?

Malaquía 1:12

Sakuna man nani lika kupi baikisma, lukisma altarki, yang tibilki ba bahki kulkaia sip sa, plun nani baha purara kahban ba sin bahki kulki kaia.

Apastil Nani Sturka 7:43

Sakuna Moloc gâdka wal prawaia watla sika man nani twilki banhwi katma ba, bara Refán gâdka nani slilma lilka ba sin, baha lilka ra man nani mihtam ni daukram ba, bahara puram suni mayunaia wisi. Baha mita man nani tasbayam pali wina mai saki, laih Babilon kuntrika ra mai blikamna.’

Roman 1:23

kan ban kaia ra pruras, Gâd ra prana ba swi si, pruaia uplika lilka ra ni tawan, ban sin daiwan tnawira nani bara kwasi nani lilka ra, bara daiwan mina walhwal bri nani ra sin.

Roman 2:24

Bahamna Ulbanka ra aisi ba: “Idan nani ba Gâd mapara saura aisisa man nani pâtkam tâka kumi.”

Kli Smalkanka 12:31

Baku Dawan Gâdkam ra daukpara, kan bahki kulkan dukia nani ba sika, baha nisanka nani ai gâdka ra mayuni ba, Dawan pain kaikras ban ai luhpia nani sin, pauta ra sakripais daukisa.

Kli Smalkanka 18:10

Man nani wina kumi sin luhpiam pauta ra bri si sakripais dauki yapara, dahra pliki saki warkka sin daukpara, kainara dîa takaia ba aisi wipara, sukia warkka sin daukpara,