Libait Lâka 18:20 - DAWAN BÎLA AISKA

²⁰ “Uplikam maya ba yappara, baha tawan tâski mai kulkbiara.

Libait Lâka 18:20 ပူးပေါင်းရင်းမြစ်များ

2 Samuil 11:27

sakuna witin ai sarka ba luan ba ra, Debit upla blikan mairka ba mata, bara witin king ai watla ra brin ai maya, bara witin luhpia kum baikan. Sakuna Debit daukan ba, Dawan bui yamni kaikras kan.

Impakan Sturka 20:14

“Man marit lâka sauhkpara.

Sins Lâka 6:25

Witin wîna tara painka ba kaiki kupiam ra brin mai daukbiara; ¡ai nakra mai kaiki ba wal, yabrika kupiam alkbiara!

Isikiel 18:6

Il nani plahpia ra plun pi aidul nani ra pain kulkaia dauki ba witin baha mayunras, kunin gâdka nani Israel bri ba ra sin ai lukanka bâra mangkras; ai uplika maya sin dakbras, ai maya kati siknis bri ba lamara waras;

Libait Lâka 20:10

“Israel uplika kum ai uplika maya wal yapbia kaka, wâlsut ba ikan kabia.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Kulki Kaikanka 5:13

waitna wala wal mairka ba yapbia, maya waitna baha nu âpu kan kaka, daukanka ba dauki tâski takan ba, upla kum sin nu âpu yukuwan ra ban sa kaka,

Roman 2:22

Man wisma marit lâka sauhkaia apia, ¿bara dîa muni man pali marit lâka sauhkisma ki? Man aidul nani ra misbara kaikisma ba, ¿dîa muni man pali ai tempelka nani wina implikisma ki?

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

Galesha 5:19

Karna apia sa ya nani wan wîna tara brinka warkka saura nani nina bliki ba: marit takras kira upla ai maya briaia lâka ba, tâski lâka daukaia, brinka saura nani lihkaia,

Kli Smalkanka 22:22

“Waitna kum mairin kum ai maya bri kaka wal prawbia kaka, wâlsut pruaia pâtka ra tawbia. Baku lika man nani saurka lâka Israel ra sâkma ba âpu daukaia sip kama.

Kli Smalkanka 22:25

“Sakuna waitna kum tiara sunu kum insla ra prawbia bara waitna wala wal pramis takan sa ai maya briaia, bara taiban lâka ra wal prawbia kaka, mairka wal prawan waitnika ba baman pruaia pâtka ra lakbia.

Kli Smalkanka 5:18

‘Man marit lâka sauhkpara.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.