Libait Lâka 17:15 - DAWAN BÎLA AISKA

¹⁵ “Israel uplika kum kra, tringsar nani ba kum kra daiwan pruan kan saki pibia kaka, daiwan wail mita ikan ba pibia kaka, witin ai kwalka ba tuskan kabia, witin sin aihtabi takbia bara ban tâski kulkan kabia tihmia kat. Ningkara sunu takan kabia.

Libait Lâka 17:15 ပူးပေါင်းရင်းမြစ်များ

Impakan Sturka 22:30

bîpkam nani, sîpkam nani luhpia tawahkia ba sin yang ra aikaia sma. Witin nani sip sa ai yaptika wal kaia wik kum, kuna lapta 8 alki yua ba yang ra sal aikaia sma.

Impakan Sturka 22:31

“Man nani ba, yang dukira baman bâk mai saki briri uplika nani sma. “Daiwan wail mita daiwan kum wîna ba kalki pîs ra daukan kaka, wînka ba pipara; yul nani ra dakaks.

Isikiel 4:14

Bara yang bui witin ra wîri: “Sakuna, Dawan, yang rayaki aiska ra plun tâski nani piras katna. Aima kumi sin daiwan yakan pruan nani wîna piras katna, apia kaka daiwan wail nani mita ikan sin piras katna. Aima kumi sin wîna tâski nani pih kaikras sna.”

Isikiel 44:31

Prîs nani ba piaia apia sa piawira kumi sin, apia kaka daiwan wala klauna pruan kaka, apia kaka daiwan wail mita pîs ra daukan ba.

Libait Lâka 11:24

“Man nani naha daiwra nani na, kangbi tâski mai kulkan kabia. “Ya daiwan pruan ba wîna ra kangban ba, tâski takan kulkbia ban tihmia kat.

Libait Lâka 11:25

“Ya daiwan pruan ba alki bukbia sa kaka, tâski kulkan kabia tihmia kat, bara ai prâka ba tuskan kabia.

Libait Lâka 11:27

“Ani daiwra mina walhwal bara ai mina bilara taibi wapi nani ba, tâski baku kulkaia sa. Ya ya baha daiwan nani pruan wîna ra alkbia ba, wîna tâski kulkan kabia tihmia ba kat.

Libait Lâka 11:28

Baku sin, daiwan pruan wîna ba alki bukbia kaka, uplika ai prâka ba tuskaia sa, sakuna ban tâski kulkan kabia tihmia kat.

Libait Lâka 11:31

“Baha daiwan nani ailal ba tila wina, baha nani ba tâski pali kulkaia sa. Ya baha pruan wîna ba kangbia kaka, tâski kulkan kabia tihmia kat.

Libait Lâka 11:32

“Baku sin dîa dîa nani daiwan pruan ba purara kauhbia ba, baha tâski kulkan kabia. Dus kum, kwala pîs kum, daiwan taya kum, bîk kum, wark daukaia dukia kum kra, liura swin kabia, bara tihmia kat tâski kulkan kabia, baha ningkara klin daukbia bara sunu takbia.

Libait Lâka 11:39

“Sakuna ban kra man nani daiwan kum bri kapram bara pruan sa kaka, baha pruan ba ra kangban sa kaka, tâski kulkan kabia tihmia kat;

Libait Lâka 11:40

daiwan pruan wîna ba pibia kaka, ai prâka ba tuskan kaia sa, bara ban tâski kulkan kabia tihmia kat; bara daiwra pruan sakan uplika ba sin, ai prâka tuskan kaia sa, witin sin tâski kulkan kabia ban tihmia kat.

Libait Lâka 15:10

“Ani uplika kabia, baha uplika likia baku bri ba iwan pliska ra kangban sa kaka, tâski kulkan kabia ban tihmia kat. “Bara ya baha dukia nani ba kum brih wabia kaka, witin ai prâka ba tuskbia, bara ban tâski kulkan kabia tihmia kat.

Libait Lâka 15:21

“Ani uplika baha mairka aitnikan pliska ra kangban kabia kaka, witin ai kwalka ba tuskan kabia, ai wîna tara ba sin aihtabi takbia, ban tâski kulkan kabia tihmia kat.

Libait Lâka 15:5

“Bara upla wala, ya ya kra baha waitna aitnikan ba pliska ra kangban sa kaka, ai kwalka ba tuskaia sa, witin sin aihtabaia sa bara ban tâski kulkan kabia tihmia kat.

Libait Lâka 22:8

Daiwan mita daiwan wala ikan wîna ba pibia apia, baha tâka witin tâski takaia apia sa. Yang sika Dawan.

Libait Lâka 7:24

Daiwan pruan nani, daiwan wail mita ikan daiwra batanka ba lika sip sa, diara wala daukaia dukiara ban briaia, sakuna piaia lika apia.

Kulki Kaikanka 19:19

Waitna kum lâ kat sunu ba, witin mita tâski takan uplika ra yu yumhpa ra bara yu matlalkahbi pura kumi ra sin lî ba ni srikbaia sa. Bara yu matlalkahbi pura kumi yua ba kat sunu kulkan kabia, bamna upla tâski ba ai kwalka nani tuskbia, bara lî ni aihtabia, sakuna ban tutni kat tâski kulkan kabia.

Kulki Kaikanka 19:21

Naha lâka na man nani kulki ban kama. Upla mita upla wala ra sunu saki laya ni srikbi ba, witin ai kwalka ba tuskaia sa. Ya ya sunu sakaia laya ba ra kangbia kaka, witin ba tutni kat tâski kulkan kabia.

Kulki Kaikanka 19:8

Bîp mairin angkan waitnika ba sin, ai kwalka nani ba tuskbia, bara lâ ba kat daukbia, ban tâski kulkan kabia tutni kat.

Kli Smalkanka 14:21

“Man nani ba tawan uplika kum, yamni mai kulkan sa Dawan Gâd dukiara; daiwan pruan kaka, kumi sin man nani pipara, sakuna upla tringsar nani man tawankam ra iwi nani ba ra yabaia sip sma, witin lika piaia sip sa. Bara tringsar nani impaki ba ra sin atkaia sip sma. “Guts luhpia ai yapti tialka laya ra ba pipara.

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.