Libait Lâka 17:11 - DAWAN BÎLA AISKA

¹¹ Ai rayaka bri nani ba sut, tala bri ba mita raya sa. Baha mita yang bui man nani ra mai wîri, tala ba ni baman altarki purara laiki upla saurka nani dauki ba pura mana aibapaia, kan tala ba sika upla rayaka mana aibapi ba.

Libait Lâka 17:11 ပူးပေါင်းရင်းမြစ်များ

Blasi Sturka 9:4

Sakuna wîna tala bri nani ba, man nani pima apia, kan tala ba sika upla rayaka sa bamna.

Libait Lâka 1:5

Dawan mawanra bri sal bîp wainhka ba skiru ni ikbia; baha ningkara Eran luhpia prîs nani ba bal, tâlia prisantka ba Dawan ra yabia, bara baha ningkara, tâlia ba ni, altarka pura tnaya nani ba sin kir srikbia, upla nani tint watla ra bal, Dawan wal prawbia dimaia durka lama lata tani ra ba ra.

Libait Lâka 16:11

“Bîp wainhka ba lika Eran ai saurka sakripaiska baku daukbia, ai pâtka swih tikan lâka briaia, ai kiamka nani saurka sin swih tikaia.

Libait Lâka 17:12

“Baha mita, Israel luhpia nani ra mai wisna: Man nani kumi sin bara tringsar nani tilamra bâra ba sin, tala ba piaia apia sa.

Libait Lâka 17:14

kan tala ba sika baha nani sut ba rayaka yabisa, baha mita pima. Yang mai wisna man nani tala pipara, kan tala ba mita baha nani sut ra rayaka yabisa, ya pima ba mai ikan kabia.

Libait Lâka 4:25

Baha ningkara prîs ba bal, daiwra ikan tâlia ba wina ai mihta sirpika tâura buski brih, kîa yamni dauki angkaia altarka aringka nani ba ra yûkbia. Baha wina tâlia ba sut, altar ba lamara laikbia,

Libait Lâka 4:26

bara daiwra batanka nani ba sut, altar ba purara angkbia, kli wal ai uplika takaia sakripaiska nahki dauki angki ba baku daukbia. Prîs ba baku dauki, wihta saura daukan ba pura sunbia, bara witin ai saurka ba ban swin tikan kabia.

Libait Lâka 8:15

Bara Moses bal bîpka wainhka lupia ba skiru ni sabi ikan, bara tâlia ba ai mihta sirpika nani ra buski bara altar ra aringka nani ba ra yuki, altar ba tâski âpu sunu daukan. Bara tâlia ba altar lamara laikan, bara baku altar ba sin, Dawan yamnika yaban bahara wan saurka swin tikan sakripaiska ba dauki bara yamnika briaia.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 26:28

kan naha sika yang tâilia, naha mita sika lâ daukan ba karnika yabi ba, bara upla ailal saurka swih tikaia dukiara laiwan sa.

Mark 14:24

Bara witin nani ra win: —Naha na yang tâilia sa, lâ daukan ba, bara upla ailal dukiara laikan sa.

Roman 3:25

Gâd mita Kraist ba saurka mana sakripais kum baku mangkan witin pruanka bâk, bara naha na ai karnika brisa kasak lukan lâka ba mita. Naha na baku takan, kan marikaia want sa, nahki Gâd kasakkira sa bara ai kupia alki takaski kan, patitara saura yan saurka ba ban swin tiwan ba mita.

Roman 5:9

Bara nanara, Kraist pruanka ba mita Gâd mita pri mai sakan sa, bara kau pali Gâd lawanka ba wina sin Kraist bâk pri mai sakan kabia.

Epesus 1:7

Gâd latwan pali wan kaiki ai Luhpia ai tâlia laiki, pruan ba tâlia ra pri wan sakan sa, bara yawan saura daukan pâtka ba swin tiwan sa.

Kli Smalkanka 12:23

Sakuna natka kumi ra sin tâlia ba piaia sma, kan tala ba rayaka sa; baku bamna rayaka wihki wîna aikuki asla piaia apia sma.

Kolosi 1:14

witin ai pruanka ba mita swaki wan saki, wan saurka nani sut ban swih tikan.

Kolosi 1:20

Bara Kraist ba mita, naha tasba aiska na, witin wal kupia kumi lâka daukaia, bamna Kraist dus prihni ra pruan ai tâlia laikan ba mita diara nani tasba ra ba, bara kasbrika purara ba sut kupia kumi daukan.

Hibru Nani 13:12

Baku sin, Jisas ba tawan getka lata tani ra prura pâtka ba wahwan, witin ai tâlia ni upla nani holikira nani daukaia dukiara.

Hibru Nani 9:22

Lâ bîla wisa, diara nani aihkika ba tala ni klin daukan kaia sa; bara tala saki laikras kaka, saurka nani ba sip swih tikras sa.

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

1 Jan 2:2

Jisas Kraist lika, witin ai wîna ba wan saurka dukiara sakripais mana yan; yawan wan saurka dukiara baman apia, kuna upla sut saurka nani ba dukiara.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;