Libait Lâka 16:29 - DAWAN BÎLA AISKA

²⁹ “Naha lâka na sin man nani ban baku dauki kama: mani bani kati 7 yua matawalsip aimaki ba ra, warkkam nani sut takaski si, Israel luhpia sut tringsar nani tilamra iwi ba sut, kaiki plun piras kaia sma.

Libait Lâka 16:29 ပူးပေါင်းရင်းမြစ်များ

1 King Nani 8:2

Bara king Salaman ba Israel waitnika nani sut aikuki asla takan kata, baha ba Etanim katka ra, baha lika kati 7 manka, naha piua ra sika Salaman Israel luhpia nani wal asla takan ba.

Esdras 3:1

Israel luhpia nani ba pat kati 7 alkan ba ra, ai pliska nani bani ra ai watla nani mâki iwi banhwi kan, bara upla nani ba aidrubi Jerusalem ra asla taki banhwan.

Esdras 8:21

Bara Ahavá tingnika un ra, witin nani sut ra maisa pakanka kum daukri, ai kupia kriwan lâka ra plun piras kaia, Gâd wan Dawan mawanra wan saurka dahra sakaia, bara baku sin witin ra makabaia yabal bâk yamni wan brih wabia dukiara.

Lawana Nani 35:13

witin nani siknis kan, yang ai sarka briri, sari prâka dimi bara plun piras kapri, bara yang kupi ra puri sunisna ba swiras kapri.

Lawana Nani 69:10

Inisna, plun wahwisna ba ra, witin nani laiwaska kikisa;

Impakan Sturka 12:16

Baha pas yua ba wina bara wik kum alkuya yua ba, man nani aidrubi Dawan ra puram sunaia sma. Baha yua nani ra man nani wark takaia apia sma, dîa piaia ba baman ridi sakaia sma upla bani dukiara.

Impakan Sturka 20:10

sakuna yua 7 ba lika ris yua sa, wark takaia apia yua sa. Dawan Gâdkam ra kulkanka yabaia ris yua ba, baha yua ra wark sâtka kumi sin daukpara, luhpiam waitna, luhpiam mairin, albikam waitna, albikam mairin, daiwram nani, upla wala tawankam ra takaski nani ba sin baku daukbiara.

Impakan Sturka 30:10

Altarka na Dawan baman altarka kaia, aihka sakan kabia. Mani kumi bilka ra aima kumi, Eran mita baha aringka nani ra, sakripais daukan tâlia ba laiki, pura sunra bri balbia, saura daukan nani ba ban swih tikaia, bara saurka swin tikan lâka ba alkaia.”

Impakan Sturka 31:14

Man nani lika sabat ba bâk saki bri kulkaia sma, bamna kulkanka yabaia sma. Ya baha yua ba kulkras kabia kaka, prubia. Baha purkara, ani uplika baha yua ra wark daukbia kaka, upla nani tila wina saki lulkan kabia.

Impakan Sturka 31:15

Yu matlalkahbi ba wark daukaia yua nani sa, sakuna yu 7 aimaki yua ba ris yua sa, Dawan mita ai yua kulkan ba. Bamna ani uplika baha yua wark daukbia kaka, pruaia pâtka ra lakan kabia.’

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Aiseya 58:3

Bara ban sakuna, witin nani wisa: ‘¿Yawan dîa muni kaiki plun wahwaia, Dawan tawi wan kaikras ba? ¿Yawan dîa muni mâyara bawi pât taki kaia, witin baha tânka sin briras ba?’ Sakuna damra wals, man nani kaiki plun piras sma ba yua ra, man nani brinkam ba kat hilpkam daukaia plikisma, bara warkkam tatakra nani ra diara dakbisma.

Aiseya 58:5

¿Man nani lukisma kaiki plun wahwaia sari takisma ba, baha yang yamni kaikisna, lamla makupisma ba snati lapatwan baku, yamhpus tasba ra yakabi kwala siksa dimi baha purara aitnikisma ba? Baha ba man nani wisma: ‘¿Kaiki plun wahwisma ba tânka’, bara baha yua ba yang yamni kaikisna?

Daniel 10:12

Bara ai win: ‘Daniel, man si bripara, kan baha pas yua diara karna nani tânka briaia munatna ba, bara Gâd ra mâyara bawatma ba piua ra, witin puram sunra ba walan. Baha mita sika yang balri na.

Daniel 10:3

Plun auhni nani piras katna, wîna bara wain sin kangbras katna, isint sin wîni ra mangkras katna baha wik yumhpa luan ba kat.

Libait Lâka 23:21

“Man nani baha yua ba lilia daukma, aidrubanka ba sunu, wark sâtka wala sin daukma apia. Naha lâka na baku dauki ban kama, aisa nani luhpiam nani ra smalki kama, baku ani anira iwi kama ba ra naku dauki kama.

Libait Lâka 23:3

“Man nani yu 6 wark taki bas, sakuna yu 7 yua ba wark sâtka kumi sin daukma apia; baha yua ba ris yua bâk sakan bamna, holi man nani aidrubi asla takaia sma. Ani anira iwi kama kra, baha yua ba holikira Dawan ra baman kulkanka yabaia yua sa.

Libait Lâka 23:36

Baha yua 7 nani ra Dawan ra pain kulkaia sakripaiska nani angkaia, bara 8 yua aimakbia man nani aidrubi bal lilia tara daukma, Dawan ra prisantka yaia, baha yua ba sin sunu kulki kama. Baha lilia daukaia yua bamna, baha yua ra wark sât wala bara wark karna daukma apia.

Libait Lâka 25:9

bara kati 7 yua matawalsip ba, baha yua sika upla pâtka nani ba sut swih tikaia yua. Baha yua trumpit nani, sîp wainhka aringka ni paskan ba, puhbia Israel tasbaya aiska ra.

Libait Lâka 3:17

“Naha lâka daukan na, aisika nani ba tawi ai luhpia nani ra smalki ban kabia, ai piua sut ra. Ani anira man nani wih iwma ba ra, man nani daiwan tâlia bara batanka ba pipara.”

Kulki Kaikanka 29:7

“Kati 7 yua matawalsip ra, man nani sut aidrubi balma, baha yua man nani kaiki, plun piras sunu takaia yua, baha yua wark wala kumi sin daukras kama.

Apastil Nani Sturka 27:9

Bahara yang nani piua wihka pali tikri, ba kat sin kabuk impakaia piua ba saura takan kan, lî auhan piua ba pat baila kan bamna. Baha mita Pal bui baha nani ra kupia krauki,

1 Korint 11:31

Sakuna yawan pali wan tânka nani ba aman kaikbia kaka, Dawan bui baku wan lâka daukaia apia kan.

Hibru Nani 4:10

kan ani uplika dimi Gâd wal ris bri ba, witin lika ai warkka ba wina ris brisa, sim Gâd ai warkka wina ris brin ba baku.

1 Samuil 7:6

Israel luhpia nani Mispá ra aidruban, bara lî panhki Dawan mawanra tasba ra laikan, prisant kum yabi ba natka kat. Baha yua witin kaiki plun piras, bara ai saurka Dawan mapara daukan ba dahra aisi sakan. Baha yua wina Samuil sin Israel luhpia nani wihtka aimakan.