Libait Lâka 16:15 - DAWAN BÎLA AISKA

¹⁵ Baha ningkara, sîp ba ikbia upla nani saura daukan ba mana, bara tâlia ba kwala kutban ba bilara brih wabia, bahara lâ watla pura prakaika ba bilara bara lata tani ra srikbia, bîp wainhka tâlia ni daukan ba baku daukbia.

Libait Lâka 16:15 ပူးပေါင်းရင်းမြစ်များ

Libait Lâka 16:2

Gâd bui Moses ra win: “Muihkam Eran ra wis, holi pliska ra ani taim dimbia ba ra, kwala paman ba ninara, lâ auhbaika watla pura prakaika ba lamara wabia apia, bara witin lika prubia apia; kan baha kat yang kasbrika kum ra param takamna bamna.

Libait Lâka 4:21

Baha ningkara, bîpka wîna ba sut saki, tint watla lata tani ra angkbia, baha ba tawan saura daukan ba saurka mana sakripaiska bamna.

Libait Lâka 4:5

Ningkara Dawan lâka krikan prîska ba, witin mita bîpka tâlia ba bara wîna wiria brih, Dawan wal aisaia tintka watla bilara brih wabia.

Kulki Kaikanka 17:11

Bamna Moses lika Dawan bui witin ra dîa daukaia win ba kat daukan,

Kulki Kaikanka 28:15

Yu bani daiwan aiska angkaia ba purkara, guts lupia kum Dawan ra angki yan kabia saurka dauki ba mana, wain prisantka sin yabaia.

Hibru Nani 2:17

Baku bamna, Jisas lika diara sut mapa ra ai muihni nani baku takaia kan, bara baku mika witin sip kaia kan, kasak mapa ra bara umpira wan kaikan lâka ra sin Gâd mawanra prîs tara kaia, bara upla nani saurka nani ba sin sakripais dauki bâk saurka diki sakaia kan.

Hibru Nani 5:3

Bara witin ai wîna swapnika nani bri bamna sika, ai saurka nani dukiara sakripais nani yabaia sa, bara upla wala nani saurka nani ba dukiara sin.

Hibru Nani 6:19

Yawan wan kainara diara briaia lâka bri ba mita, wan sulka ba ban bapi brisa bara sip sin yaban kitbras, sim grapin ba duri tara bapi bri ba baku. Naha grapinka yawan bri ba lika kasbrika purara tempel dur pamaika kwalka nina mapa wina alki brisa,

Hibru Nani 7:27

Witin ba prîs tara wala nani baku apia sa; witin ba yu bani daiwan nani iki sakripais dauki yabaia want apia sa, ai saurka nani dukiara pas, bara baha ningkara upla wala nani saurka nani dukiara. Witin aima kumi baman sakripais daukan, baha sika witin ai wîna tara yaban ba.

Hibru Nani 9:12

Kraist ba Dawan wal aisaia watla ba kat dimi wan, bara guts lupia nani bara bîp wainhka nani tâlia sin sakripais yabaia wisi dimras kan, sakuna ai tâlia pali; bamna bahara aima kumi baman dimi wih ban kaia swaki sakan lâka ba alki yawan ra wankan.

Hibru Nani 9:13

Kasak pali sa bîp wainhka nani bara guts lupia nani tâlia ba, bîp mairin lupia yamhpuska nani altar ra angki ba bara baha ni tâski uplika nani ra srikbi ba sut mita sin, baha nani ra holikira bara pura tani mapa klin daukaia karnika brisa.

Hibru Nani 9:3

Tempel kwalka paman wala ba nina wala ra bâra kan, baha sika Plis Holikira pali mâki kan ba.

Hibru Nani 9:7

Sakuna kutbanka wala kum ba ra lika, prîs tara nani baman dimisa, bara baha ba lika mani bani bilara aima kumi baman. Witin dimi auya ba ra, daiwan nani tâlia brih waia sa, baha ba Gâd ra yabisa, ai saurka nani dukiara bara upla wala nani saurka nani dukiara sin.