Libait Lâka 15:27 - DAWAN BÎLA AISKA

²⁷ “Ani uplika baha dukia nani ra kangbia kaka, tâski pali kulkan kabia. Witin ai kwalka ba tuskan kabia, ai wîna tara sin aihtabi klin sakan kabia, ban tâski kulkan kabia tihmia kat.

Libait Lâka 15:27 ပူးပေါင်းရင်းမြစ်များ

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Isikiel 36:29

Ya tâski dauki ba sut wina swaki sakamna. Yabrika plawar mâ ba ailal takbia, bara kli plun wahwan blikamna apia.

Libait Lâka 11:24

“Man nani naha daiwra nani na, kangbi tâski mai kulkan kabia. “Ya daiwan pruan ba wîna ra kangban ba, tâski takan kulkbia ban tihmia kat.

Libait Lâka 15:13

“Baha waitnika ba ai sikniska ba pain klin takbia kaka, baha klin takan yua ba wina yu 7 kulkbia. Bara witin ai kwalka ba tuski lî kârma wina panhkan laya ba ni aihtabi klin takbia.

Libait Lâka 15:21

“Ani uplika baha mairka aitnikan pliska ra kangban kabia kaka, witin ai kwalka ba tuskan kabia, ai wîna tara ba sin aihtabi takbia, ban tâski kulkan kabia tihmia kat.

Libait Lâka 15:26

“Mairka ba ani pliska nani ra yapan ba, iwan ba kati sikniska bri kan piua ra, baha tâski pali kulkan sa, mairin ba ai katka sikniska bri ba baku.

Libait Lâka 15:28

“Tâlia ba takaskbia ba wina kulki kabia yu 7 kat, baha ningkara klin takan kaia sa.

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Kulki Kaikanka 19:22

Tâski kulkan uplika ba, dîa dukia ra kangbia ba sut lika, tâski kulkan kabia. Ya ya tâski uplika kum ra alkbia kaka, witin sin tutni kat tâski kulkan kabia.”

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.