Libait Lâka 14:7 - DAWAN BÎLA AISKA

⁷ bara baha tâlia ba ni uplika ba ra 7 taim srikban kabia, lipar ba wina klin takaia, bara wibia witin ba klin sa. Tnawira raya ba lika, swika wabia.

Libait Lâka 14:7 ပူးပေါင်းရင်းမြစ်များ

2 King Nani 5:10

Bara Ilaidsa sturi twatwilkra kumi blikan wan, bara wibia win: “Was Jordan awala ra, aima 7 aihtabi taks, bara man wînam tara ba klin takma lipar ba wina.”

2 King Nani 5:14

Baku ba ra Naamán wan bara aima 7 Jordan awala ra buswi takan, baha kat Gâd prapitka win ba baku takan, sikniska ba rawan wahma lupia baku takan bara klin sin takan.

Lawana Nani 51:2

¡Watawiki ba wina sikbi ai sâks! ¡Saurki ba wina sin sikbi ai sâks! Kupiam swapnika lâka tara ni.

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Aiseya 52:15

baku nisan nani sin taibia; king nani witin kaiki ai mawanra ai bîla prakbia, kan witin nani ra diara wiras kan ba dukia nani ba marikbia bamna, bara witin nani diara walras pali kan ba baha tânka sin bribia bamna.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Libait Lâka 13:13

Prîs bal sikniska ba aman kaikaia sa, lipar ba pat taya aiska ra pihni takan sa kaka, prîs ba mita param wibia klin takan sa, kan taya ba aiska pihnika takan bamna.

Libait Lâka 13:17

bara laki kaikan kaia sa. Prîs ba laki kaikbia bara sukwanka ba kli pihni takisa kaka, sikniska tânka ba param wiaia sa, kan pat klin takan sa bamna.

Libait Lâka 14:51

Ningkara yalam dusa ba, hisop ba, kwala pauni ba, tnawira raya ba sut bahara buskan kabia, tnawira pruan ba tâlia bara baha laya ba wal watla ba 7 taim srikbia.

Libait Lâka 16:14

Baha bîpka wainhka ikan tâlia ba wirâ bribia, bara lâ auhbaika watla pura bikaika ba purara srikbia lalma tani ra. Baha ningkara ai mihta sirpika ni baha pura prakaika ba purara 7 taim srikbia.

Libait Lâka 16:19

Bara tala ba ni altar ba ra 7 taim srikbia, baku Israel luhpia nani ba baku sunu daukbia, saura daukan tâskika ba wina.

Libait Lâka 16:22

Baku baha gutska ba upla sut saurka nani twilki brih wabia, upla iwras tasbaya ra, bahara langki ikbia.

Libait Lâka 4:17

Bara ai mihta sirpika tala ra buski, tempel kwalka paman ba lamara, Dawan kaiki ba ra 7 taim srikbia.

Libait Lâka 4:6

Bara witin Dawan kaiki ba ra, tala ba ai mihta sirpika ra buski, 7 taim tempel kwalka paman ba lamara srikbia.

Libait Lâka 8:11

Baha batanka laya ba ni sin altar ba purara aima 7 srikban, bara dikwa nani, diara wala nani bâra ba sut purara sin laikan. Lî laiki banhki diara sikbaika watlika tara bîla ba, utla playka ba sin batana laya ba ni laiki klin sakan.

Miqueas 7:19

Man bui yang nani ra kli umpira ai kaiki kama, saurki nani daukri ba, tasba ra minam ni taibi bikma, bara yang nani watawi daukri ba sut, man mita kabu tihuka ra rungki tikma.

Kulki Kaikanka 19:12

Yu yumhpika bara yu matlalkahbi pura kumika alkbia ba ra, witin baha laya ba ni sikbi sunu takbia. Bamna yu yumhpika bara matlalkahbi pura kumika ra klin takras sa kaka, sunu takbia apia.

Jan 19:34

Sakuna suldiar nani ba wina kum mita langsa ni tnaya mina ra sabi klauhban, bamna tala lî wal takan.

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Hibru Nani 12:24

Man nani lika Jisas lamara balram sa, witinka ba lâ raya daukan ba hilpka witin aimaki ba; witin ai tâlia laiki srikban ba ra sin, baha mita Abel tâlia ba purkara kau diara pain nani wan aisi ba.

Hibru Nani 9:13

Kasak pali sa bîp wainhka nani bara guts lupia nani tâlia ba, bîp mairin lupia yamhpuska nani altar ra angki ba bara baha ni tâski uplika nani ra srikbi ba sut mita sin, baha nani ra holikira bara pura tani mapa klin daukaia karnika brisa.

Hibru Nani 9:19

Moses mita lâ bîla wina lâ nani ba sut upla nani ra aisan; baha ningkara, witin ba sîp tâwa pauni bara hisop tnawa kum brih, bîp lupia nani bara guts lupia nani tâlia ra yuki, lî sin mangki, lâ wauhkataya purara srikban, upla sut purara sin.

Hibru Nani 9:21

Moses sin Dawan wal prawaia watla ba bara Gâd ra pura suni mayunaia dukia yus muni kan ba sut sin, tala ni srikban.

Hibru Nani 9:26

kan baku kan kaka, tasba paskan piua ba wina witin aima ailal pruaia kan. Baku watlika ra, piua nani na pat aimaki na ra, Kraist ba aima kumi baman latan takan ba, baha ba ban kaia ra aitani sa.

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

1 Jan 5:6

Jisas Kraist naha tasba ra balan tânka ba lî bara tala wal tânka ra wan marikan sa; lî ni baman apia, kuna lî bara tala wal praki marikan sa. Bamna Spirit pali naha diara na witniska sa, kan Spirit ba sika diara kasak tânka ba.