Libait Lâka 14:21 - DAWAN BÎLA AISKA

²¹ “Ban kra uplika siknis ba hilpkas sa kaka, diara ailal yaia âpu sa kaka, sîp kum bri balbia, prisant kum sakripaiska baku kulkan kabia, baku saurka pâtka ba swin tikan kabia. Baha purara plawar kau pain ba paun wâl oliv batana ra akbia, dus mâ prisantka nani ba bara oliv batana sin batil kum bri balbia.

Libait Lâka 14:21 ပူးပေါင်းရင်းမြစ်များ

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Sins Lâka 17:5

Upla umpira lawaska kiki uplika ba, ai Papaskrika ra mapara buisa, ai pâtka tara ba dukiara lilia taki ba sin, klala briras ban kabia apia.

Sins Lâka 22:2

Lalahkira bara umpira ba wal diara sin dukia bri ba; wâlsut ra Dawan mita paskan ba.

Isikiel 46:7

Bîp wainhka sirpi kumi prisantka yabaia ba plun mâ batil yawanaiska kum brih balbia, bara baku natka ra sin sîp wainhka ba dukiara daukbia, bara sîp luhpia nani ba dukiara witin dîa yabaia want ba kat yabia. Bara plun mâ batil yawanaiska bani ba, baha purara batana laya batil yumhpa pura bakriki sin brih balbia.

Libait Lâka 1:14

“Baha wîna aiska angki Dawan ra sakripais dauki yabaia ba daiwan tnawira kum sa kaka, butku tara kum, apia kaka butku sirpi kum kaia sa.

Libait Lâka 12:8

Yaptika ba sîp lupia sip atkras kabia kaka, butku talia lupia ba wâl bribia, apia kaka butku luhpia wâl, kumi ba aiska angkaia prisantka daukaia, bara wala ba saurka swih tikaia sakripaiska ba daukaia. Bara baku prîs ba witin pâtka ba swih tikaia makabia, bara baku witin klin takan kabia.

Libait Lâka 14:10

Bara yu 8 alkbia ba ra, sîp wainhka wâl bri balbia taya sauhkan âpu ba, sîp mairin sin kum taya sauhkan âpu, mani kum alkan ba. Baha purara plawar kau pain ba 5 paun oliv batanka ra akbaia, bara oliv batana ba batil kum.

Libait Lâka 14:22

Butku sirpi wâl, apia kaka butku kau tara wâl, dîa sip ba kat bri balbia, kumi ba saurka daukan sakripaiska mana, wala ba aiska angkaia.

Libait Lâka 27:8

Sakuna uplika ba umpira pali sa kaka ai pramiska aibapaia sip apia ba, prîs ra brih wabia, bara prîs ba witin wal aisi, bara nahki aibapaia praiska wala wibia, witin aibapaia sip ba praiska ba kat.

Libait Lâka 5:11

“Saura daukan uplika ba, butku tara wâl, apia kaka, butku sirpi wâl pan atkaia lalahka sin briras sa kaka, plawar kau pain ba wina paun wâl brih waia sa ai saurka daukan ba mana. Sakuna saurka daukan mana brih aula ba mita, plawarka ba purara batana laya laikaia apia, kîa yamni angki daukaia dukia nani sin mangkbia apia.

Libait Lâka 5:7

“Saura daukan uplika ba, sîp kum, apia kaka guts kum kra sin atkaia lalahka âpu sa kaka, butku tara wâl, apia kaka butku kau sirpi nani ba wâl brih wabia, Dawan mawanra buaia ai saurka daukan ba mana yabaia. Daiwra kum ba saurka daukan ba mana sakripaiska daukbia, daiwan wala ba aiska angki daukaia sakripaiska ba daukbia.

Luk 6:20

Jisas ai disaipilka nani ra kaiki, win: “Man nani umpira nani, liliam bas, kan Gâd king aimaki lâka ba, man nani ra maikan kabia.

2 Korint 8:12

Bamna upla kumi wilin pali diara yan daukisa kaka, Gâd mita baha prisantka bri ba pain bribia. Gâd bui upla dîa briras ba makabras.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

1 Samuil 2:8

Gâd ba umpira nani ra alki tasba wina bukisa, makakabra umpira nani ba dipasta wina sin, witin nani ra yabisa, wihta tara nani wal iwaia, upla tara kulkan nani ba tilara iwaika ra yan iwisa. Kan Dawan ba sika tasba playka nani bapan ba dawanka, bara baha nani purara sika tasba na mangkan sa.