Libait Lâka 14:14 - DAWAN BÎLA AISKA

¹⁴ “Baha ningkara prîs ba tala ba wina wirâ brih, pâtkira ba klin daukbia, kiama smihka tani ba, mihta wihtka tara aihkika ra bara mina wihtka tara aihkika ra yuki muni.

Libait Lâka 14:14 ပူးပေါင်းရင်းမြစ်များ

Impakan Sturka 29:20

Sîpka ba ikbia bara tâlia ba wirâ brin, Eran bara luhpia nani kiama aihkika untika ra yûkma, mihta aihkika kulkaika tâura, bara mina aihkika wihtka ba ra sin yûkma. Ningkara tâlia kau ba altar purara bara tnaya kir laikma.

Aiseya 1:5

¿Dîa muni man nani klala kau makabisma? Wînam aiska ba mai wipan sa. Lamla ba insauhkan sa, karnikam sin aiska âpu pali takram sa.

Libait Lâka 14:19

Baha ningkara prîs ba sakripais wala ba daukbia, saura daukan mana ba yaia. Warkka daukan ba ningkara, daiwan aiska angkaia sakripaiska ba daukbia.

Libait Lâka 14:25

sîpka skiru ni ikan kabia, saurka mana sakripaiska ba daukaia. Tâlia ba wirâ brih, klin taki ba uplika ra yukan kabia kiama playa aihkika ba ra.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 6:13

Bamna wînam tara ba saurka lâka mihta ra mangks, sim saura daukaia dukia kum baku. Sakuna, wînam ba Gâd mihta ra mangki banhs, sim upla kumi pruan bara ningkara kli raya takan ba baku. Gâd mihta ra wînam ba mangks, sim diara pain daukaia dukia kum baku.

Roman 6:19

(Naha na upla natka ba kat yang aisisni, kan man nani upla baku naha diara tânka nani ba sip param briras sma ba dukiara.) Kaina piua ra man nani wînam ba tâski lâka bara saurka lâka mihta ra mangkram kan, saura daukaia dukiara. Baha sim natka ba kat, nanara wînam ba kasakka lâka mihta ra mangks, aiska holikira lâka ra iwi kaia dukiara.

1 Korint 6:20

Gâd mita mana kum ni mai atkan sa. Baha mita man nani, wînam ra Gâd ra pain kulkaia sma.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Kli Smalkanka 24:8

“Lipar sikniska tânka dukiara, Libait nani mita nahki mai smalkbia ba baku dauks. Yang bui witin nani ra nahki smalkri ba baku daukbia.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.