Libait Lâka 13:45 - DAWAN BÎLA AISKA

⁴⁵ “Lipar sukwanka bri uplika ba ai prâka kalkbia, ai lal pura prakbia apia, bara wini aisabia: ¡Tâski!, ¡Tâski!

Libait Lâka 13:45 ပူးပေါင်းရင်းမြစ်များ

Blasi Sturka 37:29

Ruben ba bâra âpu kan. Baha ningkara witin balan, bara Josep kaikaia liwanhta ba ra wan, sakuna witin liwanhta ra âpu kan. Bara Ruben sari pali taki, iwi ai prâka kalkan.

2 Samuil 13:19

ai lal ra yamhpus yakaban, ai prâka dimi kan ba kalkan, ai mihta bara ai lal ra alki, ini yabal ra taki wan.

2 King Nani 7:3

Kau baha aisi kan ba ra, liparkira waitna walhwal bâra kan tawan dimaika ra bara aisi banhwi kan: —¿Yawan nâra dîa daukisa pruaia baman bîla kaiki?

Job 1:20

Bara Job ba ai kupia wirhika wal ai mina ra buan bara ai prâka kalkan, ai tâwa klakan, bara bawan mayunra lâka dauki natka ra.

Job 42:6

Baha mita dîa sna ba wina kupi lakisna, tasba yuya bara yamhpus ra iwisna ba wina.

Lawana Nani 51:3

Yang daihra walisna mampara buri ba; saura daukri ba lukanki wina diwi takras sa.

Lawana Nani 51:5

Yang kasak daihra walisni, saurakira sna ba, aisubi takri ba wina. Saurakira sna, yaptiki biara ra kapri ba wina.

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Aiseya 6:5

Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Jirimaya 3:25

Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 36:24

Sakuna king ba wihta nani ba kumi sin baha angki ba dukiara sibrin daukras, sari takaia tukinka sin marikras kan.

Inanka Nani 4:15

“¡Tnaya ra taws, tnaya ra taws —witin nani ra wini wisa—; baha uplika nani ba tâski sa, kangbi banhpara!” “Witin nani ba tanis plapi taukisa —idan nani wisa—, kau sip nâra iwi kapras.”

Isikiel 24:17

Yukuwan ra sari taks, kwala siksa dimpara. Upla pruan nani pura mata dauki ba baku daukpara. Lamla srukras bara sûs sin âpu taukpara; mamwan sin bikpara sari sma wisi, plun sin pipara baha piua ra pi pata ba.”

Isikiel 24:22

Bara wis: Man nani sin, yang daukri ba baku daukma: lamla srungkpara sari wisi, bara baha piua ra pi ba pata sin pima apia.

Joel 2:13

Man nani, Dawan Gâdkam ra kli tawi bal, bara kupiam brinka saura ba kalki sâks, prâmka kalkaia watlika ra, Dawan ba kupia lukra swapni lupia sa, umpira kaikan lâka sin brisa, ai kupia alki takaskisa, latwan kaikan lâka sin marikisa, wilin sa klala maiki ba, mahka takaskaia sin.

Libait Lâka 10:6

Baha ningkara Moses bal Eran ra, ai luhpia nani Eleazar bara Itamar ra sin win: —Man nani kumi sin, tâmwa slingwan kabia apia, prâmka sin kalkma apia sari mai dauki baku; man nani baku daukma kaka pruma, bara Gâd kupia baiwanka upla nani purara balbia. Sakuna sari pali takan kabia ba lika, kiamkam nani ba, Israel luhpia nani sut, baha pauta klauhan Gâd blikan, witin nani angkan ba dukia.

Libait Lâka 13:44

baha waitnika lipar sikniska brisa, lal ra sukwan manis brisa. Waitna kum tâski sa, bamna prîs ba mita param wibia witin siknis sa.

Libait Lâka 21:10

“Prîs tara ba lal ra batana laikan ba mita, sunu daukan ai prâka ba dimaia, baha ba mita ai tâwa ba auban ban kabia, ai prâka ba sin kalkan kabia apia, sari tukinka ba bri kabia apia;

Miqueas 3:7

Baha nani ai nakra ni kaiki bara diara mangki kaiki ba, tanis swira lâka ra tawbia. Witin nani sut ba, ai bîla sâp takan kabia, Gâd wina pana witin nani ra diara aisaras kabia bamna.

Kulki Kaikanka 5:2

“Israel luhpia nani ra wis: Lipar bri uplika nani ba sut upla tila wina laihura saki swibia, tala plapan sikniska bri nani ba sin, bara upla pruan wîna ra kangban uplika nani ba sut sin.

Luk 17:12

Tawan sirpi kum ra balan ba ra, waitna matawalsip lipar sikniska bri kan ba taki wan witin wal prawaia, sakuna sut laihura man bûi takaskan,

Luk 5:8

Baku bamna, Pita naha kaikan ba ra, Jisas mawanra ai lula kriki, naku win: —¡Yang wina taks, Dawan, yang na upla kum saura sna bamna!