Libait Lâka 12:7 - DAWAN BÎLA AISKA

⁷ bara prîs ba, baha nani ba Dawan mawanra angki, mairka pâtka ba swi tikaia makabia. Bara baku witin ba klin takan kabia ai tâlia taki ba wina.” Naha sika tuktan waitna nani bara tuktan mairin nani aisubi taki ba dukiara.

Libait Lâka 12:7 ပူးပေါင်းရင်းမြစ်များ

Job 1:5

Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Job 14:4

Upla kumi sin âpu sa diara tâski ba wina diara sunu sakaia.

Libait Lâka 1:4

witin ai mihta ba, daiwan lal purara kahbia. Baku daukbia ba ra, Dawan baha prisantka ba yamni kulki bribia, ai saurka nani ban swih tikan kabia.

Libait Lâka 12:6

“Klin takaia piua win ba aimakbia kat, luhpia ba waitna kabia, apia kaka mairin kabia sin, yaptika ba mita sâkbia. Sîp lupia mani kum alkan ba, ai prisantka aiska angkbia, bara butku luhpia kum, apia kaka butku talia lupia ba kum brih, Dawan wal aisaia tintka watla ra wabia. Baha sut prîs ra yabia, saurka wina klin takaia sakripaiska daukaia,

Libait Lâka 12:8

Yaptika ba sîp lupia sip atkras kabia kaka, butku talia lupia ba wâl bribia, apia kaka butku luhpia wâl, kumi ba aiska angkaia prisantka daukaia, bara wala ba saurka swih tikaia sakripaiska ba daukaia. Bara baku prîs ba witin pâtka ba swih tikaia makabia, bara baku witin klin takan kabia.

Libait Lâka 15:15

Bara prîs ba baha bribia, bara butku kum ba saurka mana sakripaiska daukbia; butku wala ba aiska angkbia, waitnika tâski ba klin takaia sakripaiska, baha sut Dawan kaiki ba pliska ra daukbia.

Libait Lâka 4:20

Wibia kaka, baha bîpka ikan ba sika, tawan saura daukan saurka ba mana; baha mita upla saurka swih tikaia sakripaiska dauki ba baku, dauki angkbia, bara witin nani pâtka ba swin tikan kabia.

Libait Lâka 4:26

bara daiwra batanka nani ba sut, altar ba purara angkbia, kli wal ai uplika takaia sakripaiska nahki dauki angki ba baku daukbia. Prîs ba baku dauki, wihta saura daukan ba pura sunbia, bara witin ai saurka ba ban swin tikan kabia.

Libait Lâka 4:31

Bara daiwra ba wina batanka nani ba sut saki bribia, kli wal uplika wan sakaia sakripaiska daukaia, daiwra wîna batanka nani saki ba baku naha daiwra ba wina sin sâkbia, bara kîa pain Dawan kiawali ba dauki angkbia. Prîs ba baku daukbia, bara uplika saura daukan saurka pâtka ba ban swih tikbia, bara ai saurka daukan ba ban swih tikan kabia.

Libait Lâka 4:35

Baha ningkara daiwra wîna ba wina batanka nani ba sut sâkbia, kli wal wan uplika takaia sakripaiska dauki sîpka wîna batanka saki ba baku. Naha sîpka na wina sin batanka nani sut sâkbia, bara batanka nani ba sut altar ba purara angkbia, Dawan ra pain kulkan lâka dauki yabaia prisantka nani ba sut aikuki angkbia. Bara prîs ba baku daukbia bara saura daukan ba swih tikbia, bara uplika saura daukan pâtka ba ban swih tikbia.

Roman 3:23

upla sut saura yan bara Gâd mawan wina sin laihura takan.

Roman 3:26

Baha ba tânka nanara upla nani ra marikaia, Gâd lika kasakkira pali sa, bara kau ban kasakkira kabia, ya ya Jisas ra kasak luki ba kasakkira kulki ba mita.

1 Korint 7:14

Kan kasak lukras waitna ba, ai maya mairin lalukra ba wal asla takan ba mita, holikira kulkan sa; bara kasak lukras mairka ba, ai maya waitna kristian ba wal asla takan ba mita, holikira kulkan sa. Naku apia kaka, man nani luhpiam nani ba idan nani luhpia banhwi ba baku kaia kan; sakuna naha mita, witin nani ba holikira nani kulkan sa.

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.