Libait Lâka 10:3 - DAWAN BÎLA AISKA

³ Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Libait Lâka 10:3 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Job 2:10

Job pana win: —¡Mairin, man diara tanis aisapara! Gâd wina diara yamni wanki ba yawan wilinkira brisa kaka, ¿dîa muni diara saura wanki ba sin yawan briras kabia? Baku bamna, baha sut tilara Job ai bîla aisinka ni wiria pan saura yaras kan.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 148:14

Witin ai karnika ba ai uplika nani ra yaban sa. Witin ba ai uplika kasakkira nani mayunra sa, Israel luhpia nani, upla banhwi ba kum, witin ai lamara bri ba. ¡Dawan ba mayunan kabia!

Lawana Nani 39:10

Man klalka ai wipisma ba, yang wina sâks, yang na âpu ai daukuma sa, man mihtam ai prukanka ba mita.

Lawana Nani 39:9

“Yang bîlas baku, diara aisaras kapri kan, man sut daukisma bamna.

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Lawana Nani 89:7

Dawan tara bara sibrinkira kasbrika purara ba insalka nani, kutbi kir mai bri ba.

Lawana Nani 93:5

Dawan, man adarkam nani ba sip kitras pali sa; ¡Holikira lâka tempelkam prana daukan ba ban kaia ra ban kabia!

Impakan Sturka 14:17

Yang bui Idsip uplika nani ba kupia karna daukamna, bara witin nani sin Israel luhpia nani nina bliki kabu lilapas bâk lui waia wisi wabia. Bara bahara yang bui king fero ra, war aiklaklabra nani ra bara aras âiulra nani ba sut ra sin, karniki ba marikamni.

Impakan Sturka 14:4

Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 19:22

Prîs nani ba sin yang laimara balaia sa kaka, witin nani sin klin takaia sa. Baha apia kaka, yang bui witin nani ba sin âpu daukamna.

Impakan Sturka 19:24

Sakuna Dawan bui witin ra win: —Mâyara iwi was bara Eran brih, wal uli bal. Ban sakuna prîs nani ba bara upla wala nani sut ba lika, yang nâra sna na ra bal ulaia wisi, mark munan nani ba luaia apia sa, kan yang bui witin nani ra klala yabamna.

Impakan Sturka 30:30

“Eran bara luhpia nani ba sin, baha batanka ba ni laikma, bara sunu taki banhbia, bara yang prîski nani kabia,

Aiseya 39:8

Bara Ezequías mita Aiseya ra win: —Dawan bîla man aisaram ba kasak pali sa. Ba ningkara win: “Yang yui nani ra kupia kumi sibrin luha pan lika bâra kabia.”

Aiseya 49:3

Bara ai win: “Israel, man ba yang duki dadaukra sma, man ra ni yang praina daukamni.”

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Isikiel 20:41

Nanara man nani mai yakaban kuntri wala nani ra nisan nani tilara sma ba, baha wina asla mai daukamna ba ra, upla nani sut mawanra holiki lâka man nani tilamra brisna ba marikamna ba ra, baha lika yang bui man nani wina kîa yamni nani angki aikaia prisantka nani ba brimna.

Isikiel 28:22

Wis: ‘Naku wisa Dawan: Yang, man waihlam kaia param takri, Sidón; man tilamra nina mayunra lâka bukan kabia. Bara man mampara lâmka daukan kabia bara marikbia yang, holikira sna ba lâka; ai tânka bribia yang sika Dawan sna ba.

Isikiel 38:16

kira upliki Israel purara kauhma. Man, Gog, kasbrika siksa baku tasba na bikma. Baha piua nani ra yabrika tasba mapara balma, baku mika man bâk nisan wala nani ba ai dara walbia, yang sunuki lâka witin nani ra marikamna ba.

Isikiel 40:46

baha rumka wala yahbra tani ra kaikisma bara sin prîs nani altar ra wark dauki nani ba dimaia. Sadoc kiamka nani ba baman prîs warkka dauki kabia sa, witin baman sip sa Dawan lamara waia.”

Isikiel 42:13

Bara waitnika ba yang ra ai win: “Tempel latka ra yahbra bara waupasa tani ra rum nani bâra ba, baha nani tempel latka kutbanka bilara bâra ba, baha watla nani ba aihka sakan sa prîs nani baman bahara dimi kaia. Baha prîska nani altar ra Dawan lamara wark taki si aula nani ba; plun prisantka nani altar ra ridi daukan ba, bahara bri si pin. Bara plun laya prisantka nani sin daukan ba, saura daukan pâtkira takan mana sakripais daukan nani ba, sunu baha watla nani ra brih wan, baha watla aihka saki sunu daukan bamna.

Libait Lâka 21:15

ai kiamka nani kulkanka ba batakaia apia dukiara ai uplika tilara. Kan yang, Dawankam, yang mita sunu daukri bamna.”

Libait Lâka 21:17

“Eran ra wis nanara wina ai kainara kaiki kabia, kiamkam nani tilara prîs kum skahwa sa kaka, witin brit prisantka nani ba Dawan ra bri balbia apia.

Libait Lâka 21:21

Eran kiamka kum, apia kaka Eran luhpia kra kabia ai wîna ra watawan kum brisa kaka, plun angki prisantka yabaia Dawan mawanra bri balbia apia; baha mita brit prisantka ba sin bri balbia apia.

Libait Lâka 21:6

sakuna sunu pali Gâd lâka aiska ra sunu takaia sa, ai nina ba saura kulkaia apia, witin nani sika prisant nani ba, sakripais nani ba angki brit ba sin Gâd ra yabisa, bahamna witin nani sunu kaia sa.

Libait Lâka 21:8

Prîs ba bahmuna saura ba wina tnaya ra kabia, witin nani sika Gâd kaiki ba mawanra bal brit prisantka ba yabisa. Bamna sunu kaia sa, Gâd ba sunu sa bamna. Kan yang, Dawankam sunu sna, bara sunu mai daukisna.

Libait Lâka 22:9

“Wis yang aisari ba prîs nani sut baku daukbia. Bîli walras diara dauki ai purara saurka wirhika kahbiara, bara witin nani prubia apia. Yang sika ai Dawanka, witin nani sunu daukri sa.

Libait Lâka 8:35

Baha mita man Tintka watla ra dimaia durka ra wik kum bâra takaski kaia sma, kakna bara tihmia sut. Dawan lâ daukan lâka ba kulki kama, baku daukma bara man nani pruma apia. Naha lâka bîla na, yang na witin wina briri man nani ra maikaia, bara maikisna.”

Kulki Kaikanka 16:5

bara Coré nina blablikra nani ra sin win: —Yauhka titan ra Dawan mita mamrikbia yamna witin ai uplika sa bara yamna sin sunukira sakan ba, witin nani ai lukanka yamni diara bri sal yabaia. Yamna witin mita bâk sakan ba kaikma, baha nani baman ai mawanra balbia altar ra.

Kulki Kaikanka 20:12

Ban sakuna, Dawan bui Moses bara Eran wal ra win: —Baku man nani kasak ai lukras, Israel luhpia nani mawanra mayunra aiki banhras kapram bamna, naha uplika nani ra baha tasbaya yâri ba ra aikuki dimi banhma apia.

Matiu 10:37

“Ya ya ai aisika ra, apia kaka ai yaptika ra yang purkira latwan kaikisa kaka, yang upliki kaia sip apia sa; baku sin, ya ai luhpia waitna, apia kaka ai luhpia mairin ra yang purkira latwan kaikisa kaka, yang upliki kaia sip apia sa.

Jan 12:28

Aisa, ninam ba prana dauks. Bamna bîla baikra kumi kasbrika purara ba wina walan ba, naku win kata: “Yang baha ba pat prana daukri, bara kli sin prana daukamni.”

Jan 14:13

Diara sut man nani bui yang nini mâki makama ba, yang daukamna, bara baku mika Luhpia ba mita Aisa prana ba marikbia.

Kli Smalkanka 32:51

Man muihkam wal sin kasak apia kapram Israel uplika mawanra, Meribá-cadés laya ra banhwi kapram piua ra, Sin tasbaya upla iwras pliska ra, baha nani mawanra yang ra mayunras kapram.

2 Tesalonaika 1:10

Dawan baha yua balbia ba ra, ai uplika nani mita mayunra yaban kabia dukiara, bara lalukra nani sut bui sin prana yabi mayunbia dukiara. Baku bamna, man nani sin sturi yamni yang nani mita mai wîri ba, kasak lukram bamna.

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.

1 Samuil 3:18

Bara Samuil witin ra sturka ba sut pali win, diara kumi sin yukukras, bara Elí wini aisin: —¡Witin ba Dawan sika! ¡Witin yamni kaiki ba kat daukbia!

1 Samuil 6:20

Bamna Bet-semes uplika nani aisin: “¿Ya sip sa naha sât Dawan holikira na mapara buaia? ¿Yawan wina takbia ba ra, witin yaura wabia?”