Libait Lâka 10:2 - DAWAN BÎLA AISKA

² Bara pauta klauhan Gâd wina blikan, witin nani aiska aman. Bara baku witin nani prui banhwan, Gâd kaiki ba ra.

Libait Lâka 10:2 ပူးပေါင်းရင်းမြစ်များ

2 Samuil 6:7

Sakuna Dawan Uzá wal ai kupia baikan, ai mihta takaskras ban diara alkaia want ba tâwan, baha kat ikan, Dawan lâka auhbaia watla arkka tnaya ba kat kauhi pruan.

1 King Nani 13:28

Bara prapit almuk ba taki wan, bara wîna tara ba yabal ra prawi kan sakan, biriku bara layan nani ba sin lamara kan, layan ba bui wîna tara ba piras kan, baku sin biriku ba ra sin watawi munras kan.

1 King Nani 18:38

Bara Dawan Gâd wina pauta klauhan bal iwan, bara aiska angkaia wînka ba aman, pauta ba, walpa nani ba, bara tasba yamhpuska nani, bara lî plapaika ra lî kan ba sut âpu lâwan.

2 King Nani 1:10

Bara Ilayas pana win: —Yang na prapit sna kaka, kasbrika purara wina pauta klauhan kauhi âpu mai daukbia man ra bara suldiarkam 50 ba sut ra. Baha aisin ba wal laih pura wina pauta klauhan bal iwan, baha nani sut angki âpu daukan.

2 King Nani 1:12

Bara Ilayas pana aisi, win: —Yang na prapit sna kaka, kasbrika purara pali ba wina pauta klauhan bal kauhbia, bara aiklaklabrikam 50 nani ba aikuki ami âpu tiwma. Bara pauta klauhan ba kasbrika pura pali wina balan, bara witin ai aiklaklabrika 50 sut aikuki angki âpu daukan.

1 Kronikas 13:10

Sakuna Dawan Uzá mapara ai kupia sauhkan, ai mihta sakbi baks ba alkaia trai munan bamna, bara pliska ba kat ikan upla sut mawanra.

1 Kronikas 15:13

Tâura man nani baku dauki banhras kapram, Dawan wan Gâdka yawan wan tila wina rayaka sakan, kan dîa daukaia ba dukiara yawan witinka ra tânka plikras kan ba mita.”

1 Kronikas 24:2

Sakuna Nadab bara Abihú ba kau ai aisa pruras kan kainara witin nani pas pruan luhpa nani sakras, bamna Eleazar bara Itamar wal prîs warkka alkan.

Job 1:16

Waitna ba dahra kau aisi danh takras kan, waitna wala kum wan bara Job ra naku win: —Imyula kum pura wina kauhan ba ra, sîp main kaiki nani ra bara sîp nani ba sin sut ikan. Yang baman baha tila wina swak taki aulna, sturka ba maisam pakaia.

Lawana Nani 50:3

Wan Gâdka ba aula, sakuna sâp lika balras sa; witin aula ba, ai kainara pauta klauhi, skwal baku diara sauhki tiki balbia.

Impakan Sturka 24:1

Dawan bui Moses ra win: —Eran, Nadab bara Abihú, man nani aikuki Israel luhpia nani 70 sin nâra sna pliska na kat bal uls. Sakuna itwi baku ra takasks, bara sut lulam kriks baha kat.

Aiseya 30:33

Kan piua wihka wina pat pliskam ridi daukan sa, Asiria kingka ba ai uplika nani dukiara sin, pliska ba tara pakni pali sa, upla angki ikaika pauta manis kir mukan klauhisa. Dawan wingka puhbra ba mita, pauta buki klauhbia sulpa lî aubi baku.

Libait Lâka 10:5

Taika nani baha nani lamara wan, bara ai prâka dimi kan ba kat tawan ba wina saki latara brih wan, Moses aisin ba baku daukan.

Libait Lâka 16:1

Eran luhpia waitna wâl Dawan lama pali ra wan pruan ba ningkara, Dawan ba Moses wal aisin.

Libait Lâka 9:24

Dawan mawan wina pauta blikan tasba ra, altar purara daiwan angkaia bâra kata ba aman. Baha kaikan ba ra, Israel luhpia nani sut ba ai lilia wini kira ai mawan tasba kat makupan.

Kulki Kaikanka 14:37

Baha waitnika nani baha tasbaya tânka ba saura aisin nani ba, Dawan mita sut ikan.

Kulki Kaikanka 16:35

Baha purkara Dawan pauta klauhan blikan bara 250 upla kan ba sin angki ikan.

Kulki Kaikanka 16:49

Baha kat pruan upla nani ba 14,700 kan, bara Coré Dawan mapara buan piua ra prui tiwan nani ba lika baha tilara kulkras kata.

Kulki Kaikanka 26:61

Nadab bara Abihú wal lika, Dawan altarka ra witin nani daukaia apia kan ba daukan tâka mita, prui banhwan.

Apastil Nani Sturka 5:10

Baha sim piua ra Safira lika Pita mina kat kauhi pruan. Wahma nani lata wina dimi balan ba ra, kaikan pat pruan kan, bara saki bri si ai maya lamara bikan.

Apastil Nani Sturka 5:5

Ananías naha walan ba ra, tasba ra kauhi pruan; bara upla sut baha sturka walan ba sibrin pali takan.

1 Korint 10:11

Naha diara nani sut wan damika nani ra takan, bara Ulbanka nani ra mangkan kata, naha tasba yua nani lui waia lamara yawan raya iwi nani ra, baha tânka wan mariki wan kupia kraukaia dukiara.

1 Samuil 6:19

Sakuna Bet-semes uplika nani sin Dawan bui klala yan, baha nani lâ auhbaia watla ba biki kaikan tâwan. Waitna 70 rayaka tikan, bara tawan aiska ba inanka tara bri kan Dawan baku upla iki tikan ba mita.