Libait Lâka 10:16 - DAWAN BÎLA AISKA

¹⁶ Bamna Moses, Eran luhpia wâl ba ra walan, guts luhpia kum saurka daukan mana sakripaiska ba dukiara bara pat angkan kata. Bamna witin Eleazar bara Itamar wal ra saura lawi dauki, win:

Libait Lâka 10:16 ပူးပေါင်းရင်းမြစ်များ

Esdras 7:5

Abisúa, Finees, Eleazar bara Eran, prîs pas pali takan ba.

Libait Lâka 6:17

Plawarka ba îs mangkras angkbia, baha plawarka yang ra prisant aikan angkan ba wina witin nani ra yabri sa kaka, baha ba sunu pali kulkan sa bamna, saurka swih tikan pâtka kulkras swin ba sakripaiska daukan ba wal baku kulkan sa bamna.

Libait Lâka 6:26

Baha prîska baha sakripaiska daukan ba, daiwra wîna ba, witin piaia sip sa, sakuna tint watla latka ra sunu pliska kum ra iwi pibia.

Libait Lâka 6:30

Sakuna upla saura daukan mana prisantka yabi sakripaiska daukaia daiwra nani bri balan ba tâlia tint watla bilara, Dawan wal aisi ba pliska ra bri balan ba, saurka nani ban swih tikaia tâski âpu kulkan watla ra dingkan ba, baha daiwra wîna ba upla kumi sin piaia apia sa. Baha sakripaiska ba pauta ra angkan kabia.

Libait Lâka 9:15

Israel luhpia nani ai prisantka bri balan ba sin, Eran brin. Guts luhpia ba brin, upla saura daukan ba mana sakripais dauki yaia. Baha ikan prisant baku dauki yaia, sakripais tâura pat daukata ba baku daukan.

Libait Lâka 9:3

Bara Israel luhpia nani ra wis, witin nani sin guts wainhka kum bri balbia saura daukan ba mana yabaia, bîp lupia sin kum, sîpka ba mani kum bri kaka, wîna ra watawan âpu kaia sa, baha wîna ba aiska angki Dawan ra prisantka yabaia.

Kulki Kaikanka 12:3

Kasak aisabia kaka, Moses ba waitna bawikira pali kan, tasba aiska ra waitna nani iwi ba sut tilara.

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Mark 10:14

Jisas baha kaiki baha nani ra lawi daukan, bara naku win: —Swis tuktan nani ba yang ra balbia, witin nani takaskpara, kan Gâd kingka lâka ba witin nani sâtka uplika nani dukia sa.

Mark 3:5

Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win: —Mihtam ba sakbram. Bara sakban, ai mihta ba pain takan.

Epesus 4:26

Ban kra kupiam baiwbia kaka, kuna saura lika daukpara; bara kupiam baiwanka ra yu dimpara.