Libait Lâka 1:9 - DAWAN BÎLA AISKA

⁹ Witin wîna ba kau angkras ba ra, tâura biara bara kuhma nani ba sut sikbaia sa. Baha ningkara lika prîs ba baha brih, altar ba purara suni angki, kîa pain dauki, Dawan pain kiawali ba dauki yabia.

Libait Lâka 1:9 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

1 Kronikas 6:34

witinka na Elcaná luhpia kan, witinka na Jeroham luhpia kan, witinka na Eliel luhpia kan, witinka na Tóah luhpia kan,

2 Kronikas 4:6

Lî alkaika sin matawalsip paskan bras ni, diara sikbaia dukiara bara sikbaika dukia nani matsip ba mihta aihkika tani ra mangkan, wala matsip nani ba smihka tani ra. Bahara ya ya sakripais daukan ba ai mihta sikbi kan, sakuna lî alkaika kau tara bara prîs nani baman ai mihta sikbaia dukiara mangkan kata.

Lawana Nani 51:6

Man upla kupia kunin luha ra latwan kaikisma ba, kasak sa, bara kupi mununhta kat, sins lâka aikram.

Lawana Nani 66:15

Altarkam purara, daiwan batana nani angkamna; bîp wainhka tara, guts wainhka prisantka angki maikamna, bara sîp wainhka, man yamni kaikisma ba kîa angki maikamna.

Impakan Sturka 12:9

Daiwan wîna pîs lupia kum sin raya, apia kaka piaki man nani pipara. Daiwan aiska, lal ba, mina nani ba, dikia dikia biara bilara sin angkaia sma.

Impakan Sturka 29:18

Bara daiwan aiska ba altar ra suni angkbia, baha kîa yamni ba Dawan ra yamni kulki prisantka yabia.

Impakan Sturka 29:25

Baha ningkara dukia nani ba, witin nani mihta wina saki altar ra suns, daiwan aiska angkaia wîna pliska ra swis, kîa yamni Dawan ra yabaia. Baha lika prisant kum Dawan ra yamni kulki yaban sa.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Isikiel 20:28

Yang pramis takri tasbaya ra yabri diman ba ra, kiahwak kaiki kan kiuhsi kum ba, apia kaka dus tara kum ba, bahara ai sakripaiska nani dauki kan bara prisantka nani yabi kan. Kupi tara pali sauhki ba sika, kîa yamni nani laiki kan bara prisantka nani ba wain ni laiki kan.

Isikiel 20:41

Nanara man nani mai yakaban kuntri wala nani ra nisan nani tilara sma ba, baha wina asla mai daukamna ba ra, upla nani sut mawanra holiki lâka man nani tilamra brisna ba marikamna ba ra, baha lika yang bui man nani wina kîa yamni nani angki aikaia prisantka nani ba brimna.

Isikiel 40:38

Kutbanka aiska ba bilara latka ba wina tempel latka ra dimaia yahbra tani ra getka playa tara ba lata tani ra tnaya ba kat sin utla kum bâra kan. Baha watla ba ra sika daiwan nani sakripais daukaia brih aula ba iki wîna ba sikbi kan.

Libait Lâka 1:13

Baha ningkara ai sakripaiska dauki waitnika ba, kli baha wîna nani ba, kuhma nani, biara nani ba sut sikbia, bara prîs bui baha nani ba brih altar purara angki, kîa pain dauki Dawan pain kiawali ba, prisantka dauki yabia.

Libait Lâka 1:17

Baha ningkara daiwra wîna ba, pîs wâl ra daukbia, tnawa kum ba wâl ra klahbia, sakuna tnawa wala ba lika kalkras kabia, bara baha ningkara wîna ba aiska altar purara angkbia, Dawan ra prisantka kum, kîa witin pain kiawali kaiki ba kat dauki yabia.

Libait Lâka 2:16

Bara prîs ba baha prisantka bri balan ba wina, wirâ saki bribia, batana laya ba wina sin kîa yamni daukaia, angkaia dukia mangkan ba sin bribia, bara wan kupia kraukaia prisantka kum angki, Dawan ra pain kulki lâka ba dauki yabia.

Libait Lâka 2:2

Baha ningkara witin bri si, Eran luhpia waitna prîs nani ba ra yabia, bara witin nani wina kum balbia, bara plawarka ba wina, batana laya ba wina, kîa pain daukaia dukia nani ba wina sin, ai mihta banhki kum bribia, bara altar purara angkbia. Baku Dawan ra ai kupia kraukaia prisantka dauki yabia, kîa pain Dawan kiawali ba.

Libait Lâka 2:9

Bara prîs ba baha wina wirâ bribia, altar ba purara angkaia, kupia kraukaia prisantka, kîa pain Dawan baha kiawali ba prisantka dauki yabia.

Libait Lâka 3:11

Baha ningkara prîs ba bal wîna nani ba sut altar purara angki, plun prisantka kum dauki, Dawan ra pain kulki ba yabia.

Libait Lâka 3:5

Prîs nani ba baha nani ba brih, daiwra wîna ba sin brih, altar purara pauta muki angkbia, angkan prisantka kum kîa painkira Dawan yamni kiawali ba dauki yabia.

Libait Lâka 4:31

Bara daiwra ba wina batanka nani ba sut saki bribia, kli wal uplika wan sakaia sakripaiska daukaia, daiwra wîna batanka nani saki ba baku naha daiwra ba wina sin sâkbia, bara kîa pain Dawan kiawali ba dauki angkbia. Prîs ba baku daukbia, bara uplika saura daukan saurka pâtka ba ban swih tikbia, bara ai saurka daukan ba ban swih tikan kabia.

Libait Lâka 6:14

“Plun mâ nani prisantka ba nahki pura suni dauki yabaia tânka ba lika, naku sa: Prîs ba mita altar lamara Dawan kaiki ba ra baha prisantka ba yabaia sa.

Libait Lâka 8:21

baha ningkara biara nani bara kuhma nani ba sikbi klin saki, baha nani sin sut angkan. Kîa pain Dawan brin dauki ba baku daukan, witin mita baku daukaia adar win ba kat dauki.

Libait Lâka 8:28

Moses kli baha pata nani ba witin nani mihta ra ba wina brih, bara altar purara suni wîna aiska angki prisantka Dawan ra yaban, kîa pain Dawan kiawali ba lâka kat angkan.

Libait Lâka 9:14

Baha ningkara biara ba wîna sirpika nani ba, kuhma nani ba sin sikbi tâski âpu dauki, baha sin altar purara angkan, daiwan wîna aiska ba angkan baku.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Kulki Kaikanka 15:3

bahara man nani bîp wainhka kum, sîp kum aikma, baha ba angki mayunra dauki aikaia dukiara, aiska angki kîa yamni aikbia. Bahara yang wal aisi lâ daukaia, baha sin kupiam aiska ni baku daukma, man nani yua tara lilia dauki aikisma ba piua ra.

Kulki Kaikanka 28:11

“Kati bani, baha yua pas ba daiwan aiska angki Dawan ra yabi kaia, baha lika bîp lupia wâl, sîp wainhka kumi, baha sîp lupia ba mani kumi alkan kaia, taya sauhkan âpu ba.

Kulki Kaikanka 28:7

Wain prisantka yabaia ba naku daukbia, sîp bani dukiara wain litro kum bribia. Wainka na altar purara laikaia Dawan ra yamni kulki. Bamna titan sîp kum, wain litro kum brih prisantka ba daukbia.

Kulki Kaikanka 28:8

Bara tutni sîp wala ba ikbia, titan nahki daukan ba baku daukbia, sakuna baha purara prakbia barli mâ nani prisantka bara wain ba sin, Dawan ra yamni kulkanka yabaia, witin kîa pain kiawali prisantka ba.

2 Korint 2:15

Kan yawan na lika Kraist mita, Gâd ra kîa damni yamni painkira angki yabi ba baku sa, bara baha dus nani mâka kiawalisa, swaki saki uplika nani bara tanis tiwi uplika nani sin.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Kli Smalkanka 12:27

bamna bahara Dawan Gâd altarka purara sakripais dauki yas. Daiwan man nani sakripais daukma tâlia ba, Dawan altarka purara laiks, sakuna wîna ba lika sip sma piaia.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.