Libait Lâka 1:3 - DAWAN BÎLA AISKA

³ “Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,

Libait Lâka 1:3 ပူးပေါင်းရင်းမြစ်များ

Blasi Sturka 22:13

Bara Ebraham ai lal bukan bara ai ninara tawi kaikan, bara kaiks sîp wainhka kum kiaya tilara bâra sa, aringka ra kiwa ni aiblakwan; Ebraham wan bara sîpka ba alkan, bara baha wîna ni aiska angki dauki yabaia sakripaiska ba daukan, ai luhpia watlika ra.

Blasi Sturka 22:2

Bara Gâd bui witin ra win: —Man luhpiam waitna Aisak ba bris, luhpiam unhsak ba, man bui witin ra latwan pali kaikisma ba, bara Moria tasbaya ra taki was. Bahara wama ba ra, yang il kum mamrikamna, bara man baha ilka ra luhpiam ba angki sakripais dauki aik.

Blasi Sturka 22:8

Bara Ebraham pana witin ra win: —Yang luhpi, Gâd mita sîpka ba sâkbia, baha wîna aiska angki sakripais daukaia dukia ba. Bara witin nani wâl ban mahka wapi wan.

Blasi Sturka 8:20

Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan.

2 Kronikas 29:32

Upla nani sakripais daukaia daiwra nani brih wan kan ba lika bîp wainhka 70, sîp wainhka 100, sîp sirpi 200, baha sut ba Dawan ra ai prisantka yan.

2 Kronikas 35:12

Baha ningkara batanka nani sakaia kata ba sakan angkaia dukiara, kiamka bani tawan ra asla takan ba tânka kat, Dawan ra sakripais daukan Moses wauhkataya ra ulban ba baku; bara bîp wainhka nani ba wal sim baku daukan.

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Impakan Sturka 12:5

Daiwra ba, sîp sapa, guts sapa, kum bribia, mani kum bri ba. Bara daiwra wîna ba, sunu bara watawan âpu pali kaia sa.

Impakan Sturka 24:5

Ningkara wahma nani tila wina kum blikan wan, bîp wainhka nani ikaia, bara baha ba angki, Dawan ra sakripais dauki yaia, wal kli ai uplika taki sakripaiska tânka.

Impakan Sturka 29:18

Bara daiwan aiska ba altar ra suni angkbia, baha kîa yamni ba Dawan ra yamni kulki prisantka yabia.

Impakan Sturka 29:4

Ningkara Eran ra brih was bara luhpia nani ra sin tint watla dimaika ra, bara yas aihtabi klin takbia.

Impakan Sturka 29:42

Yang ra pain ai kulkaia naha prisantka nani angki na, piu bani aisika nani bara luhpia nani ba ban dauki kabia yang maiwanra, tint watla dimaika ra yang wal prawaia aula ba ra, bahara man wal prawi yang aisi kamna.

Impakan Sturka 32:6

Yu wala titan witin nani bûi banhwan ba ra, daiwan aiska angki sakripais daukan, bara kli wal ai uplika takaia lâka sakripaiska ba sin daukan. Bara upla nani ba iwi plun pin, diara sin di banhwan. Baha ningkara bûi banhwan, puli lilia briaia.

Impakan Sturka 35:21

baha ningkara upla bara baha prisantka bri balaia lukan ba, ai kupia param ni Dawan ra diara brih balan, baha dukia nani ba ni tint watla ba paskaia bara dîa diara wala nani sin daukaia kan kaka sin, bara kwala nani ba ni daukan.

Impakan Sturka 35:29

Israel waitnika bara mairka nani sut aitani lukan Dawan ra diara yabaia Moses ra win baku. Witin nani ai kupia param ni ai dukia wina mana luha Dawan ra brih balan.

Impakan Sturka 35:5

Man nani tilamra Dawan ra yabaia prisant kum dauks, ya baha yabaia luki ba ai kupia aiska ni brih balbia; gul, silbar, bras,

Impakan Sturka 36:3

Bara witin nani lika Moses mihta wina prisantka nani ba brin, Israel luhpia nani bri balan ba, bara utla mâkaia warkka ba mahka bukan. Bamna upla nani lika takaskras, ban yu bani kau ai kupia param ni diara brih balan. Bara upla nani ba titan bani kau ai kupia aiska ni diara brih bali kan mana luha.

Impakan Sturka 38:1

Bamna Besalel, akasia dusa ba ni daiwan aiska angkaia altarka ba paskan. Yarika ba 7 pît bri kan, bîla yahpika ba 7 pît, yarika yahpika ba wal kumi kata, bara paknika ba 4 pît bri kan.

Aiseya 1:11

Dawan aisisa: “¿Dîa dukiara man nani daiwan nani ban ailal angki aikisma ki? Sîp nani aiska angki aikisma, kau sin want ai daukras sa, bîp lupia nani batanka angkisma ba sin; bîp wainhka nani, bîp lupia nani, guts nani tâlia ba, brin ai daukras.

Isikiel 20:40

Israel luhpia nani sut ba maiyunbia ilki holikira ra, baha ilka Israel dukiara purara bukan ba, yang kuntriki ra bâra ba. Yang, Dawan, kasak aisisna. Bahara liliakira mai brimni; bahara makabamna prisant nani aikaia, bara brih balaia wimna dusam mâ tawahkia nani dakbi ba bara dîa dîa yang duki aikaia aihka sâkma ba.

Isikiel 40:39

Baha watla bilara man dimaia bara playa tara ba lamara tibil walhwal bâra kan, wâl ba tnaya kum ra, wala wâl ba tnaya wala ra. Baha tibilka nani purara sakripais daukaia daiwra nani ba iki kan, saura daukan ba mana, pâtkira takan ba sin ban swih tikaia mana.

Libait Lâka 1:10

“Daiwan wîna aiska angki prisant yabaia daiwra ba, waitnika ba witin ai sîpka bara ai gutska daknika ba tila wina, daiwan wainhka kum sunu ba bri balaia sa,

Libait Lâka 14:10

Bara yu 8 alkbia ba ra, sîp wainhka wâl bri balbia taya sauhkan âpu ba, sîp mairin sin kum taya sauhkan âpu, mani kum alkan ba. Baha purara plawar kau pain ba 5 paun oliv batanka ra akbaia, bara oliv batana ba batil kum.

Libait Lâka 16:7

Baha ningkara guts wainhka wâl ba bribia Dawan wal aisaia tint watla lamara bâra ba.

Libait Lâka 17:4

baha daiwra ba Dawan wal aisaia tintka watla ra brih waras ba prisantka kum yabaia tempel ra, witin baha tâlia laikan ba mana pâtkira kulkan kabia, baha tâwan witin ba upla nani tila wina mawan ba tikbia.

Libait Lâka 17:8

“Witin nani ra sin wis, Israel uplika wala nani ba bara upla tringsar nani wal ai tilara iwi ba, baha nani sut daiwan aiska angkaia sakripaiska daukaia sakripais wala nani sin,

Libait Lâka 17:9

Gâd wal aisaia tintka watla ra baman brih wabia, Dawan ra prisantka yabia, baku daukras sa kaka, uplika ba upla wala nani tila wina sakan kabia.

Libait Lâka 23:12

Baha yua mâ nani kiaubi wilkan brih aula ba ra, sîp mani kum alkan wîna pain ba kum bri balan kabia, aiska angki Dawan ra yabaia dukiara.

Libait Lâka 23:18

Britka nani ba aikuki sîp 7 sunu taya sauhkan âpu ba, bîp luhpia kum, sîp wainhka wâl, baha nani ba aiska angki Dawan ra prisant kum kîa pain ba dauki yaia dukiara brih wabia, baku sin ai prisantka nani ba tilara plun mâ nani bara wain sin bri balaia.

Libait Lâka 3:1

“Upla kum Dawan wal kli ai uplika takaia sakripaiska daukisa kaka, witin ai daiwra ba wina bîp mairin kum, apia kaka wainhka kum bri balaia sa, sakuna daiwra aiska ba watawan sirpi kumi sin âpu kaia sa.

Libait Lâka 4:15

Bahara Dawan kaiki ba ra, upla almuk nani ba wal bîpka ba lal ra ai mihta kahbia, bara baha kat skiru ni sabi ikbia.

Libait Lâka 4:23

witin nani ai dara walbia saura daukan ba. Ai tânka bribia ba ra, mahka pali guts wainhka kum watawan âpu pali ba, ai saurka mana prisantka yabaia brih wabia.

Libait Lâka 4:3

“Prîs ba bahmuna saurka daukan kaka, bara baha wal tawan uplika nani baku pâtkira takan sa kaka, witin bîp kum watawan âpu pali ba iki, saura daukan ba mana sakripais daukbia.

Libait Lâka 4:32

“Baha uplika ba sîp kum brih balbia kaka, witin saura daukan ba mana prisantka yabaia, sîpka ba skahwa apia bara sauhkan âpu pali kaia sa.

Libait Lâka 5:15

“Upla kum ai brinka wina apia, ai tânka briras Dawan ra yan dukia nani pata pura suni swin ba alki saura daukan kaka, witin ai daiwra daknika ba wina, sîp wainhka kum skahwa apia, watawan âpu pali ba bri balaia sa. Witin pâtkira takan ba, kli aibapaia sakripaiska daukaia sa, baha Dawan ra brih waia sa. Baha sîpka mana ba, silbar ra kulkaia sa tempel lalahka paun ra mangki kulki ba praiska, pâtkira takan ba prisantka nani yabaia.

Libait Lâka 5:18

Baha ba mita, witin ai daiwra daknika ba tila wina, sîp kum skahwa apia pali ba bri balaia sa, daiwra mana ba man kulkaia sma. Bara prîs brih wabia, ai saurka daukan ba mana sakripais daukbia. Baku daukbia baha uplika ai dara walras saura daukan saurka ba, ban swih tikaia dukiara, bara ai saurka ba swin tikan kabia.

Libait Lâka 6:2

“Upla kum naha saurka nani dauki ba ai tahkia mapara, Dawan kaikisa ai uplika ra kunin muni aisi ba. Ai uplika witin ra diara kum yaban kan, sakuna pana mana, apia kra diara kum lin munan kan, apia kaka ai uplika dukia implikan, apia kra ai uplika dukia lâ tânka kat wina apia dakbi brin ba ra, baha dukiara kunin aisin kaka,

Libait Lâka 6:8

Dawan ba Moses ra aisi, naku win:

Libait Lâka 7:16

Sakripais wala, upla kum witin daiwan kum bri balan diara kum daukaia dukiara, Dawan wal aisi pramis takaia, witin aisin ba ai bîla kat daukaia dukiara, baha sika sakripais kum witin ai kupia brinka wina daukaia aula ba. Bara baha daiwra wîna ba sin, baha yua ba sut piaia, ban sakuna wîna ba ban pura luan kaka, baha lika ban sip sa tâka ba yauhka kat piaia.

Libait Lâka 8:18

Bara Moses win sîp wainhka ba kum bri balbia, baha ba aiska angkaia, bara Eran ai luhpia nani kira balbia bara ai mihta nani sîpka ba lal ra kahbia.

Libait Lâka 8:21

baha ningkara biara nani bara kuhma nani ba sikbi klin saki, baha nani sin sut angkan. Kîa pain Dawan brin dauki ba baku daukan, witin mita baku daukaia adar win ba kat dauki.

Libait Lâka 9:2

Bara witin bui Eran ra win: “Bîp wainhka lupia kum bris, sîp wainhka kum bri bal, wîna ra watawan âpu pali ba, bîp ba upla saura daukan ba saurka mana sakripais daukaia dukiara, sîp ba lika angki Dawan ra prisantka yabia dukiara.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Malaquía 1:14

¡Saura pali kabia baha uplika ra ai daiwra daknika wina daiwan sunu kum, sakripais dauki aikaia wisi, watlika ra daiwan skahwa kum aiki ba! Yang sika King Tara, nisan nani sut yang ra sibrin lukisa.” Karnika sut bri Dawanka ba naha aisisa.

Kulki Kaikanka 15:3

bahara man nani bîp wainhka kum, sîp kum aikma, baha ba angki mayunra dauki aikaia dukiara, aiska angki kîa yamni aikbia. Bahara yang wal aisi lâ daukaia, baha sin kupiam aiska ni baku daukma, man nani yua tara lilia dauki aikisma ba piua ra.

Kulki Kaikanka 15:8

Bîp wainhka kum aiska angki sakripais daukaia, apia kaka kli wal uplika takaia dukiara aiska angki yaia, apia kaka pramis kum daukaia sakripaiska kaka,

Kulki Kaikanka 19:2

“Yang Dawan mita naha lâka mangkisna: Israel luhpia nani ra wis, bîp mairin taya pauni kum brih balbia, taya sauhkan kumi sin âpu kabia, raskaia dusa kau lal ra wilkras ba.

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Kulki Kaikanka 23:27

Bara Balac pana win: —Bal, kaisa plis wala ra waia. Ban kra baha wina Gâd yamni kaikbia, Israel luhpia nani ra saura wiaia.

Kulki Kaikanka 23:3

Baha ningkara Balaam bui Balac ra win: —Man nâra bas sakripais nani na lamara, yang wih kaikaisna Dawan ba yang ra aisaia aula sapa. Ningkara mai wimna dîa witin ai wibia ba. Bara Balaam kiuhsi kum ra yakan uli wan,

Kulki Kaikanka 23:30

Balac lika Balaam mita dîa daukaia win ba kat dauki yan, bamna altar kumi bani purara bîp kum bara sîp kum angkan.

Kulki Kaikanka 28:11

“Kati bani, baha yua pas ba daiwan aiska angki Dawan ra yabi kaia, baha lika bîp lupia wâl, sîp wainhka kumi, baha sîp lupia ba mani kumi alkan kaia, taya sauhkan âpu ba.

Kulki Kaikanka 28:19

Sakuna daiwan aiska angki Dawan ra yabaia warkka baman daukma, bîp wainhka wâl, sîp wainhka kumi, sîp lupia mani kumi bri ba 7 taya sauhkan âpu nani ba bri balbia.

Kulki Kaikanka 28:31

Daiwan aiska angkaia brih aula ba, barli mâ nani, wain sin brih aula ba, baha purkara yu bani daiwan nani aiska angki ba sut taya sauhkan kumi sin âpu kaia sa.

Kulki Kaikanka 29:13

Pas yua ba kîa pain dauki Dawan ra yabaia bîp wainhka 13 aiska angkaia, sîp wainhka wâl, bara mani kumi alkan sîp ba 14 angkaia, taya sauhkan âpu ba.

Kulki Kaikanka 29:2

Daiwan aiska angki kîa yamni Dawan ra yabi ba baku, bîp wainhka lupia kum, sîp wainhka kum bara mani kumi bri sîp lupia 7 mani kumi bri ba taya sauhkan kumi sin âpu ba.

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Jan 1:36

Jisas bal luya kan kaiki, Jan mita naku win: —Kaiks man nani, witin sika Gâd Sîpka Luhpia ba.

Jan 10:7

Bamna Jisas kli parisi nani ra win: “Kasak pali man nani ra mai wisni: Yang sika sîp nani dimaia durka ba.

Jan 10:9

Yang sika dur ba: bamna ani uplika yangku dimbia ba, swaki sakan kabia. Bara witinka ba lika sîp kumi klarka ra dimi si, ai pata pliki taki auya baku kabia.

2 Korint 8:12

Bamna upla kumi wilin pali diara yan daukisa kaka, Gâd mita baha prisantka bri ba pain bribia. Gâd bui upla dîa briras ba makabras.

2 Korint 9:7

Upla bani dîa yaia ai kupia ra lukan ba kat yaia sa; saura luki baku taiban lâka ni lika apia, kan Gâd mita latwan kaikisa liliakira ni yabi uplika ra.

Epesus 2:18

Bamna Kraist ba mita, yawan Ju nani, Ju apia nani sut, Aisa lamara aula, Spirit kumi bri ba mita.

Epesus 5:27

bara baku mika witin ai mawanra bri balan sim serts pranakira baku, taya tâski âpu, bara taya sriwan âpu, dîa dîa bahmuna sâtka wala sin âpu, sakuna holikira bara kasakkira pali.

Kli Smalkanka 12:27

bamna bahara Dawan Gâd altarka purara sakripais dauki yas. Daiwan man nani sakripais daukma tâlia ba, Dawan altarka purara laiks, sakuna wîna ba lika sip sma piaia.

Kli Smalkanka 15:21

Sakuna witin pât kum brisa kaka, mina kum kunhku sa, apia kaka nakra âpu, apia kaka diara kum kau âpu sa kaka, Dawan lamara brih wapara.

Kli Smalkanka 17:1

“Dawan Gâdkam ra bîp wainhka kra, sîp kra pain apia skahwa pali kaka, sakripais dauki yapara, kan baha ba witin saura pali kaikisa.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.