Libait Lâka 1:17 - DAWAN BÎLA AISKA

¹⁷ Baha ningkara daiwra wîna ba, pîs wâl ra daukbia, tnawa kum ba wâl ra klahbia, sakuna tnawa wala ba lika kalkras kabia, bara baha ningkara wîna ba aiska altar purara angkbia, Dawan ra prisantka kum, kîa witin pain kiawali kaiki ba kat dauki yabia.

Libait Lâka 1:17 ပူးပေါင်းရင်းမြစ်များ

Blasi Sturka 15:10

Ebram baha daiwra nani ba lilak klaki baiki bara kli wal asla praki, Dawan ra bri balan; sakuna daiwan tnawira nani ba lika baku daukras kan.

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Lawana Nani 16:10

Man bui yang ba pruan tasbaya ra ai swima apia; man uplikam kasak aihwa ba, tasba untika kum ra lulki swima apia.

Libait Lâka 1:13

Baha ningkara ai sakripaiska dauki waitnika ba, kli baha wîna nani ba, kuhma nani, biara nani ba sut sikbia, bara prîs bui baha nani ba brih altar purara angki, kîa pain dauki Dawan pain kiawali ba, prisantka dauki yabia.

Libait Lâka 2:2

Baha ningkara witin bri si, Eran luhpia waitna prîs nani ba ra yabia, bara witin nani wina kum balbia, bara plawarka ba wina, batana laya ba wina, kîa pain daukaia dukia nani ba wina sin, ai mihta banhki kum bribia, bara altar purara angkbia. Baku Dawan ra ai kupia kraukaia prisantka dauki yabia, kîa pain Dawan kiawali ba.

Libait Lâka 3:5

Prîs nani ba baha nani ba brih, daiwra wîna ba sin brih, altar purara pauta muki angkbia, angkan prisantka kum kîa painkira Dawan yamni kiawali ba dauki yabia.

Libait Lâka 5:8

Daiwan nani ba prîs ra bri si yabia, bara saurka daukan mana sakripaiska ba pas daukbia, daiwra nana dusa ba warbi kriki ikbia, sakuna lal ba lika dakbia apia.

Libait Lâka 6:14

“Plun mâ nani prisantka ba nahki pura suni dauki yabaia tânka ba lika, naku sa: Prîs ba mita altar lamara Dawan kaiki ba ra baha prisantka ba yabaia sa.

Libait Lâka 8:21

baha ningkara biara nani bara kuhma nani ba sikbi klin saki, baha nani sin sut angkan. Kîa pain Dawan brin dauki ba baku daukan, witin mita baku daukaia adar win ba kat dauki.

Libait Lâka 9:13

Baha wîna aiska angkaia daiwra lal ba, wîna sirpika klakan nani ba sin witin nani bri si Eran ra yaban. Witin baha nani ba sin brih, altar purara angkan.

Kulki Kaikanka 15:3

bahara man nani bîp wainhka kum, sîp kum aikma, baha ba angki mayunra dauki aikaia dukiara, aiska angki kîa yamni aikbia. Bahara yang wal aisi lâ daukaia, baha sin kupiam aiska ni baku daukma, man nani yua tara lilia dauki aikisma ba piua ra.

Kulki Kaikanka 28:8

Bara tutni sîp wala ba ikbia, titan nahki daukan ba baku daukbia, sakuna baha purara prakbia barli mâ nani prisantka bara wain ba sin, Dawan ra yamni kulkanka yabaia, witin kîa pain kiawali prisantka ba.

Matiu 27:50

Jisas kli ai bîla baikra tara wini si, pruan.

Jan 19:30

Jisas baha wain swahwan ba din ningkara, witin bila: —Diara sut ba daukan sa. Baha ningkara Jisas ai lal makupan, bara pruan.

Roman 4:25

witin mita Jisas ba yan wan saurka tâwan pruan bara pruan wina kli buan, baku mika Gâd mita kasakkira wan kulkan kaia dukiara.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.