Kulki Kaikanka 8:8 - DAWAN BÎLA AISKA

⁸ Baha ningkara bîp wainhka sirpi kum bri balbia, ai prisantka baku sin plawar kau pain ba wirâ lat laikan ba akbia, bara baku plun mâ prisantka daukbia, bara kli bîp wainhka sirpi wala kum bribia, baha ni saurka swih tikaia sakripaiska daukbia.

Kulki Kaikanka 8:8 ပူးပေါင်းရင်းမြစ်များ

Impakan Sturka 29:1

“Yang prîski nani mangkaia lâka ba, naku daukaia sma, naha adarka nani na witin nani wal daukaia sma: bîp wainhka sirpi kum bara sîp wainhka wâl brima, baha lika sunu nani ba.

Impakan Sturka 29:3

Baha ba baskit kum ra mangks Dawan watla ra brih waia, bîp wainhka bara sip wainhka nani ba sin.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Libait Lâka 1:3

“Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,

Libait Lâka 16:3

Eran ba holi pali pliska ra dimaia sa kaka bîp wainhka kum brih, saurka mana sakripaiska aiska angkaia sa; sîp wainhka kum sin angkbia kli wal uplika takaia prisantka yabaia.

Libait Lâka 2:1

“Upla kum bui plun mâ sâtka nani prisantka kum Dawan ra yabaia bri balbia ba ra, plawar kau pain ba wina bri balaia sa, bara baha purara batana laya laikbia, dus nani mâka sin.

Libait Lâka 4:14

witin nani saura daukan ba ai dahra waluya ba ra, uplika ba mahka balbia, ai saurka ba ban swih tikaia sakripaiska daukaia. Bîp wainhka kum brih wabia, Dawan wal aisaia Tintka watla ra.

Libait Lâka 4:3

“Prîs ba bahmuna saurka daukan kaka, bara baha wal tawan uplika nani baku pâtkira takan sa kaka, witin bîp kum watawan âpu pali ba iki, saura daukan ba mana sakripais daukbia.

Libait Lâka 8:2

“Eran bara luhpia waitna nani ba bris, bara baku sin prîs prâka nani ba bris, laiki sunu dauki batanka ba, saura daukan mana sakripais daukaia bîpka wainhka luhpia ba, sîp wainhka nani wâl ba bara pân sirpi ra îs mangkras britka nani ba bris,

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.