Kulki Kaikanka 8:12 - DAWAN BÎLA AISKA

¹² Bamna Libait nani mita bîp wainhka sirpi nani ba purara ai mihta nani kahbia, bara kumi ba saurka swih tikaia sakripaiska daukaia dukiara kabia, wala ba lika aiska angki yaia dukia, baha ba Libait nani saurka swih tikaia dukiara kabia.

Kulki Kaikanka 8:12 ပူးပေါင်းရင်းမြစ်များ

Impakan Sturka 29:10

“Baha ningkara bîpka wainhka lupia ba tint watla kat brih wama, bahara Eran ai luhpia nani aikuki ai mihta lal ra kahbia,

Libait Lâka 1:4

witin ai mihta ba, daiwan lal purara kahbia. Baku daukbia ba ra, Dawan baha prisantka ba yamni kulki bribia, ai saurka nani ban swih tikan kabia.

Libait Lâka 14:22

Butku sirpi wâl, apia kaka butku kau tara wâl, dîa sip ba kat bri balbia, kumi ba saurka daukan sakripaiska mana, wala ba aiska angkaia.

Libait Lâka 16:11

“Bîp wainhka ba lika Eran ai saurka sakripaiska baku daukbia, ai pâtka swih tikan lâka briaia, ai kiamka nani saurka sin swih tikaia.

Libait Lâka 16:21

Eran ai mihta wal daiwra lal ba kat kahbi, Israel luhpia nani saura daukan dahra ba aisabia, witin nani Dawan mapara buan ba sin. Baku dauki natka ra guts ba lal purara baman, upla nani saurka ba sut kahbia. Ningkara upla kum ra wibia, bal gutska ba brih waia, upla ra iwras tasbaya ra bri si lanhkaia.

Libait Lâka 16:6

Bîp wainhka ba lika witin ai saurka mana, ai taya nani saurka ban swih tikaia lâka ba daukbia.

Libait Lâka 4:15

Bahara Dawan kaiki ba ra, upla almuk nani ba wal bîpka ba lal ra ai mihta kahbia, bara baha kat skiru ni sabi ikbia.

Libait Lâka 4:20

Wibia kaka, baha bîpka ikan ba sika, tawan saura daukan saurka ba mana; baha mita upla saurka swih tikaia sakripaiska dauki ba baku, dauki angkbia, bara witin nani pâtka ba swin tikan kabia.

Libait Lâka 4:35

Baha ningkara daiwra wîna ba wina batanka nani ba sut sâkbia, kli wal wan uplika takaia sakripaiska dauki sîpka wîna batanka saki ba baku. Naha sîpka na wina sin batanka nani sut sâkbia, bara batanka nani ba sut altar ba purara angkbia, Dawan ra pain kulkan lâka dauki yabaia prisantka nani ba sut aikuki angkbia. Bara prîs ba baku daukbia bara saura daukan ba swih tikbia, bara uplika saura daukan pâtka ba ban swih tikbia.

Libait Lâka 4:4

Sakripais ba Dawan kaiki ba ra brih wabia, Dawan wal aisaia Tintka watla ra. Bahara witin ai mihta daiwan ba lal ra kahbia, baha ningkara Dawan kaiki ba ra daiwan ba skiru ni sabi ikbia.

Libait Lâka 5:7

“Saura daukan uplika ba, sîp kum, apia kaka guts kum kra sin atkaia lalahka âpu sa kaka, butku tara wâl, apia kaka butku kau sirpi nani ba wâl brih wabia, Dawan mawanra buaia ai saurka daukan ba mana yabaia. Daiwra kum ba saurka daukan ba mana sakripaiska daukbia, daiwan wala ba aiska angki daukaia sakripaiska ba daukbia.

Libait Lâka 8:14

Baha ningkara upla blikan wan, bîp wainhka lupia ba bri balan, saura daukan ba mana sakripaiska daukaia. Bara Eran ai luhpia nani aikuki, bîpka ba lal ra ai mihta nani kahban.

Libait Lâka 8:15

Bara Moses bal bîpka wainhka lupia ba skiru ni sabi ikan, bara tâlia ba ai mihta sirpika nani ra buski bara altar ra aringka nani ba ra yuki, altar ba tâski âpu sunu daukan. Bara tâlia ba altar lamara laikan, bara baku altar ba sin, Dawan yamnika yaban bahara wan saurka swin tikan sakripaiska ba dauki bara yamnika briaia.

Libait Lâka 8:18

Bara Moses win sîp wainhka ba kum bri balbia, baha ba aiska angkaia, bara Eran ai luhpia nani kira balbia bara ai mihta nani sîpka ba lal ra kahbia.

Libait Lâka 8:34

Naiwa yang daukisna ba sika, Dawan wina adar aikan dîa daukaia ai win ba baku daukisna, man nani saura daukram saurka nani ba, ban swih tikaia mata.

Libait Lâka 9:7

Bara witin Eran ra tawi kaiki, win: “Nanara man altar lamara was, bara man saurkam mana sakripaiska ba pas sakripais dauks. Baha angki puram suns, bara man saurkam ba ban swih tikan kabia. Israel luhpia nani saurka swih tikaia dukiara sin puram suns, upla nani ai saurka daukan mana angkaia prisantka nani bri balan ba sin bri bal, bara baha nani saurka ba ban swih tiki, Gâd wal kli uplika takaia pura sunra ba puram suns. Dawan adarka win ba kat daukaia.”

Kulki Kaikanka 6:14

Bara witin ai prisantka Dawan ra yaia sa sîp wainhka kum, pat mani kum alkan ba aiska angkaia prisantka yabaia, sîp mairin kum ba saurka ba wina pri sakaia sakripaiska daukaia, sîp wainhka kum pat mani kum bri ba sakripais daukaia kli wal uplika takaia dukiara; daiwra nani sut ba sunu, taya sauhkan âpu kaia sa.

Kulki Kaikanka 6:16

Bara prîs mita baha sut Dawan ra yabia, bara saurka mana kîa yamni ba ra daiwan aiska ba sin angki yabia.

Kulki Kaikanka 8:13

Bara Eran lupia nani mawanra brih wama, bara witin ba ai warkka daukbia yang ra aikaia.

Kulki Kaikanka 8:8

Baha ningkara bîp wainhka sirpi kum bri balbia, ai prisantka baku sin plawar kau pain ba wirâ lat laikan ba akbia, bara baku plun mâ prisantka daukbia, bara kli bîp wainhka sirpi wala kum bribia, baha ni saurka swih tikaia sakripaiska daukbia.

Hibru Nani 9:22

Lâ bîla wisa, diara nani aihkika ba tala ni klin daukan kaia sa; bara tala saki laikras kaka, saurka nani ba sip swih tikras sa.