Kulki Kaikanka 7:13 - DAWAN BÎLA AISKA

¹³ Witin nani kumi bani ai prisantka bri balan ba naha dukia nani kata: Silbar baulka kum 50 auns bri kan, silbar bisinka kum 30 auns bri kan, tint watla lalahka wirhika kulkanka ba praiska kat. Baha watlika wâlsut ba plawar bara batana laya laiki akban plun mâ prisantka;

Kulki Kaikanka 7:13 ပူးပေါင်းရင်းမြစ်များ

1 King Nani 7:43

Plaika nani ba karnika matawalsip paskan, baha purara lî plapaika matawalsip paskan.

1 King Nani 7:45

Baha purkara dikwa tara nani, subil bara kâp tara nani sin paskan. Bara dîa dîa wark daukaia dukia nani Hiram bui Salaman ra dauki yan ba Dawan tempelka watla dukiara, baha nani ba bras dukia lalalni ni daukan kata.

Esdras 8:25

bamna silbar bara gul nani ba paun ra mangki ningkara diara wala nani bâra kan ba sut witin nani mihta ra mangkri, baha dukia nani king bara ai uplika nani wina Gâd tempelka ba dukia tâura prisantka yan ba, naha ba witin nani sut mawanra daukri.

Impakan Sturka 25:29

plit nani bara diara wala nani sut ba sin gul ni paskaia, ispan tara, sumi, bara plapta nani ba sin, diara laya prisant nani bri balaia.

Impakan Sturka 30:13

Baha nani ai nina ulbi bani, silbar silin kum Dawan ra yan kaia sa, tempel lalahka kulkanka praiska kulki ba wina bakriki prais.

Impakan Sturka 37:16

Bara wark daukaia dukia yus muni nani sut, tibil purara suni swin kata: plit, ispan, lî watla bara kâp nani, wain laiki prisantka yaia watlika nani ba sut, gul ni paskan.

Jirimaya 52:19

Baha nani daukan ba baku sin, aihwawakra nani kamandantika ba sin, gul ni, silbar ni paskan dukia nani ba sut brih wan: bisin nani ba, pauta aswan auhbaika nani ba, kâp tara nani ba, yamhpus auhbaika nani ba, wain laiki kahbaika kapka tara nani ba.

Daniel 5:2

Wain ba bui king Belsasar ra munan, ai aisika Nabucodonosor Jerusalem ra Gâd watla ba wina gul bara silbar kapka tara bara sirpi nani brih balan ba, win wih brih balbia.

Libait Lâka 2:1

“Upla kum bui plun mâ sâtka nani prisantka kum Dawan ra yabaia bri balbia ba ra, plawar kau pain ba wina bri balaia sa, bara baha purara batana laya laikbia, dus nani mâka sin.

Libait Lâka 27:25

“Diara mana bara praiska sut ba, tempel lalahka praiska kulki ba wal mana ba kulkaia sa, siclo kum ba 20 gera kulkaia.

Libait Lâka 27:3

Waitna kum 20 mani wina 60 mani kat bri ba, mana ba silbar mâ 50 kulkbia, Dawan watla lalahka praiska kulki ba kulkanka ba kat;

Sakaraya 14:20

Baha yua ra, aras nani nana ra bil lupia nani wilki ba taya ra sin naha bîla na ulban kaia sa: “Dawan mihta ra mangkan sa”. Bara tempel bilara dikwa tara nani ba, kâp tara nani altar ra ba sin aihka sakan kabia Dawan dukia.

Kulki Kaikanka 15:4

Ani uplika ai prisantka yabaia aula ba, baha purara plawar pain ba 4 paun pura brih, batana laya litro kum laiki akbi bri balbia.

Kulki Kaikanka 28:5

Plun sâtka nani wina prisantka bri balaia ba, plawar 4 paun pura brih, oliv batana litro kum laiki akbia.

Kulki Kaikanka 29:6

baha purkara, kati bani daiwan aiska angki bara yu bani daiwan aiska angki ba, plawar plun mâ sâtka nani, bara wain sin, baha sakripais nani Dawan win ba baku daukbia. Baha ba kîa pain angki Dawan kiawali ba kulkanka yaia dukiara kabia.

Kulki Kaikanka 3:47

bahamna 273 nani kumi bani ba lal mana silbar mâ matsip makas, baha tint watla ra lalah praiska kulki ba kulkanka kat.

Kulki Kaikanka 7:12

Pas yua ba Nahasón, Aminadab luhpia ba ai prisantka bri balan, witin lika Juda kiamka ba wina.

Kulki Kaikanka 7:14

gul plitka kum auns walhwal bri kan kîa pain angkaia dukia banhki kan,

Kulki Kaikanka 7:73

bara ai prisantka ba wala nani yaban ba baku yaban.

Matiu 14:11

Baha ningkara plit kum ra brih balan, bara tuktika mairin ra yaban, bara tukta mairin ba ai yaptika ra bri si yan.

Matiu 14:8

Bara yaptika mita smalki munan ba ra, Herod ra win: —Jan Tatahbra lal ba plit kum ra mangki aik.