Kulki Kaikanka 7:10 - DAWAN BÎLA AISKA

¹⁰ Altar nani ba Dawan mihta ra mangkaia yua batana laikaia piua ra, Israel taika wihtka nani ba sin ai prisantka nani bri si yan.

Kulki Kaikanka 7:10 ပူးပေါင်းရင်းမြစ်များ

1 King Nani 8:63

Baku ba ra king Salaman, kumi wal kli uplika takaia sakripais Dawan ra daukaia dukiara, bîp bul nani 22,000 bara sîp nani 120,000 yan kata. Naku sika king bara Israel luhpia nani sut wal aikuki, utla ba Dawan mihta ra mangkan.

2 Kronikas 7:5

Bara king Salaman bui bîp wainhka 22,000 bara sîp 120,000 sakripais daukan. Bara baku Dawan watla ba king upla nani ba aikuki Dawan mihta ra mangkan.

2 Kronikas 7:9

Yapra wala ba asla takan liliaka painkira yu 7 daukan, altar ba Dawan mihta ra mangkan, bara kli yu 7 ba Utla Papakni liliaka ba daukan.

Nihimaya 12:27

Jerusalem tawanka walpaya kutbanka ba liliaka daukaia yua aimakan ba ra, Libait nani ani anira bâra kan nani ba sut pliki, Jerusalem ra brih balan mayunaia, aiwanaia, pân taya nani binka daukaia, arp pulaia, bara drum kungbi lilia daukaia dukiara.

Nihimaya 12:43

Baha yua daiwan ailal pali iki angki Dawan ra yaban, upla nani ba ai lilia tara brih banhwan, Gâd ai liliaka tara upla nani ra yaban bamna. Mairin nani bara tuktan nani sut lilia pali takan, bara Jerusalem lilia dauki ba laih wina binka ba wali kan.

Lawana Nani 30:1

Dawan, yang mamyunisna, kan man purara ai bukram bamna, bara waihli nani yang maipara saura aisi kikaia ba wina takaskram.

Kulki Kaikanka 7:1

Baku bamna, Moses tint watla ba buki mâki danh takan ba ra, altar ra kan ba sut, utla bara diara nani bilara kan ba, purara batana laiki holikira daukan.

Kulki Kaikanka 7:11

Bara Dawan bui Moses ra win: “Yu bani witin nani lika upla kulki wihtka nani kumi baman altar ra ai prisantka bri balbia, wala ba yu wala ra bri balbia.”

Kulki Kaikanka 7:84

Baku bamna, altar ba Dawan mihta ra mangkan ba ra, Israel kiamka nani lalka nani ba silbar ni paskan baulka 12 yaban, silbar nani bisinka 12 bara gul plitka nani 12.

Kulki Kaikanka 7:88

Kli wal ai uplika takaia dukiara sakripais yaban daiwra nani ba lika sut ba ra bîp lupia 24, sîp wainhka 60 bara guts wainhka 60 kan, sut ba mani kum daiwra atia. Naha prisantka nani na sika altar Dawan mihta ra mangkan ba ra yus munan ba, baha holi daukan ba ningkara.

Kli Smalkanka 20:5

“Ningkara lalka nani ba aisi bara wibia: ‘Man nani tilam wina upla kum kra utla raya kum paski kau bâra dimras sa kaka, sip sa ai watla ra dimaia, ban kra sip sa war ra pruaia bara upla wala baha watla raya ba ra dimbia.