Kulki Kaikanka 6:5 - DAWAN BÎLA AISKA

⁵ Nasariu kulkan ba piua wina, witin ai tâwa ba sin klakan kaia apia sa, sakuna swika pâwi ban kabia. Witin Dawan dukiara baman sunu ban kaia sa, ahkia baha piua aimakaia win ba aimakbia ba kat.

Kulki Kaikanka 6:5 ပူးပေါင်းရင်းမြစ်များ

Isikiel 44:20

“Tâwa aiska irbiara, tâwa yari sin swibiara; dauhbi baman swibia.

Kulki Kaikanka 6:4

Nasariu ba piua sut ra dîa dîa wain kiwka wina dauki ba, dus mâ sirpi nani bara dus mâ taya dingkan nani sâtka ba pibia apia.

Apastil Nani Sturka 18:18

Pal wan muihni nani wal yu ailal Korint ra takaskan. Ningkara, wan muihni nani ba lakula dauki si, Priscila bara Áquila aikuki duri tara ra aimaki Siria tasbaya ra wan. Witin kau duri tara ra aimakras kan ba ra, Cencreas ra wih ai tâwa irban, witin pramis kum daukan ba tnata alkaia.

Wihta Nani 13:5

man luhpa waitna kumi brima, bara witin tâwa ba klakpara, kan baha tukta waitna ba aihka sakan kabia Dawan warkka daukaia, Nasariu baku witin baiki sâkma ba wina pat tâwa ba yari kabia Dawan mihta ra pat mangkan kabia. Witin sika Israel luhpia nani ba filisteo nani mihta wina dakbi pri sakaia ba.”

Wihta Nani 16:17

baku ba ra witin ban ai dahra yukuki kan ba saki, Dalila ra win: —Yang sika tâiwa na upla kau klakras pali aihwa sa, yaptiki kau ai baikras kan Dawan ai dukia nasariu baku kaia pat ai sakan kan. Witin nani tâiwa na klakbia kaka, yang karniki ba sut wîni wina taki wabia, bara yang sin waitna wala nani ba baku takamna.

Wihta Nani 16:19

Dalila bui Samson ba yaban ai kuhma ra yapan, bara waitna kum winan balan, ai tâwa pitbanka 7 ba klakan. Bara witin mahka Samson ra saura munan,

1 Samuil 1:11

bara Dawan ra witin pramis daukan: “Dawan karnika sut pali brisma ba, albikam mairin kupia kriwan na maisa nihkaia yamni lukisma kaka, yang ra luks bara luhpa waitna kum aik, bara ai rayaka yua nani sut ra witin ba man warkkam ra maikamna, bara tukinka ba lika ai tâwa ba klakan kabia apia.”