Kulki Kaikanka 6:12 - DAWAN BÎLA AISKA

¹² bara Nasariu ba baha yua wina ai lâka ba kli sunu kulkbia Dawan uplika sunu kaia dukiara. Tâura witin dîa pramis takan, luan piua ba kli kulkbia apia, kan ai tâwa Dawan ra yaban kata ba tâski takan bamna, baha daukaia witin sîp wainhka kum watawan âpu ba brih balbia ai saurka swih tikaia ba dukiara.

Kulki Kaikanka 6:12 ပူးပေါင်းရင်းမြစ်များ

Impakan Sturka 12:5

Daiwra ba, sîp sapa, guts sapa, kum bribia, mani kum bri ba. Bara daiwra wîna ba, sunu bara watawan âpu pali kaia sa.

Isikiel 18:24

“Kuna kasakkira ba ai natka kasak nani ba swibia kaka, bara diara saura nani sut ba kli daukbia saurakira baku; ¿man nani lukisma ki, witin ba raya kaia sa? Yang kli kupi kraukamna apia diara yamni daukan nani ba ra, ai kasakka lâka luha bara ai saurka ba tâka prubia.

Libait Lâka 14:24

Prîs baha bribia bara saurka mana sakripaiska sîpka ba sin bribia, oliv batana laya batil kum ba sin, bara Dawan kaiki ba ra baha prisantka ba yabia;

Libait Lâka 5:6

Witin ai daiwra daknika ba wina, daiwan mairin kum bri sal witin saura daukan ba mana Dawan ra yabi, sakripais daukbia. Sîp mairin kum, apia kra guts mairin kum, baha daiwra prîs ba bri sakripais dauki ba natka ra uplika saura daukan saurka ba swih tikbia.

Libait Lâka 5:7

“Saura daukan uplika ba, sîp kum, apia kaka guts kum kra sin atkaia lalahka âpu sa kaka, butku tara wâl, apia kaka butku kau sirpi nani ba wâl brih wabia, Dawan mawanra buaia ai saurka daukan ba mana yabaia. Daiwra kum ba saurka daukan ba mana sakripaiska daukbia, daiwan wala ba aiska angki daukaia sakripaiska ba daukbia.

Kulki Kaikanka 6:11

Bara prîs ba baha nani wina butku kum ba bribia bara saurka swih tikaia sakripaiska ba daukbia; bara wala ba lika aiska angkaia sakripaiska dukiara kabia, bara upla pruan ra alkan ba pâtka ba swih tikaia daukbia. Bara baha yua ba witin ai tâwa ba sin kli Dawan mihta ra mangkbia,

Kulki Kaikanka 6:13

“Bamna Nasariu ba ahkia kat ai piua ba danh takaia win ba, baha piua ba aimakbia ba ra tint watla dimaika ra balbia.

Matiu 24:13

Sakuna ya tnata kat ban bapi bubia ba, swaki sakan kabia.

Matiu 3:15

Sakuna Jisas bila: —Nanara lika baku ban swis; kan dîa Gâd wi ba kat yawan daukaia sa. Baku lika Jan aitani lukan.

Jems 2:10

Ya lâ aiska ba wina kumi ra sim kulkras kaka, witin lâ bîla ba sut krikisa.

2 Jan 1:8

Man nani aman pali kaiki bas, baku lika warkkam mana tikma apia, sakuna mamna aiska pali ba brima.