Kulki Kaikanka 5:26 - DAWAN BÎLA AISKA

²⁶ Bara prîs ba baha prisantka ba wina ai mihta banhki bribia, baha ba kupia kraukaia mata, altar ra angkbia. “Bara baha angkan laya ba sin mairin ra yaka dibia.

Kulki Kaikanka 5:26 ပူးပေါင်းရင်းမြစ်များ

Libait Lâka 2:2

Baha ningkara witin bri si, Eran luhpia waitna prîs nani ba ra yabia, bara witin nani wina kum balbia, bara plawarka ba wina, batana laya ba wina, kîa pain daukaia dukia nani ba wina sin, ai mihta banhki kum bribia, bara altar purara angkbia. Baku Dawan ra ai kupia kraukaia prisantka dauki yabia, kîa pain Dawan kiawali ba.

Libait Lâka 2:9

Bara prîs ba baha wina wirâ bribia, altar ba purara angkaia, kupia kraukaia prisantka, kîa pain Dawan baha kiawali ba prisantka dauki yabia.

Libait Lâka 5:12

Plawarka ba, prîs ra bri si yabia bara witin ai mihta banhki bribia, pura sunra ba daukbia. Bara plawarka ba sut bribia, baku sakripais wala nani sin brih balan ba sut brih, kîa pain angki dauki Dawan ra yabaia altarka purara angkbia, baha ba saura daukan ba mana sakripaiska kum bamna.

Libait Lâka 6:15

Plawar bri balan uplika kum ba, plawar ba ai mihta banhki bribia, batana laya ba wina sin wirâ bribia, bara kîa pain angkaia dukia nani ba sin bribia; bara pata nani ba sut, altar purara angkan baku, kli ai kupia kraukbia. Dîa brin ba angki kîa yamni daukbia, Dawan pain kaiki ba dauki yabia.

Kulki Kaikanka 5:25

Baha ningkara prîs ba mita mairin ba mihta wina bribia, baha tâwan lawan sakripaiska Dawan yaia dauki ba, bara sakripaiska ba altar purara kahbia.