Kulki Kaikanka 4:19 - DAWAN BÎLA AISKA

¹⁹ Baku witin nani holi pliska ra dimi, diara sunu nani ba alki prubia apia dukiara, man nani naku dauks: Eran ai luhpia nani wal bal, witin nani kumi bani ra wibia dîa daukaia bara dîa alkaia ba.

Kulki Kaikanka 4:19 ပူးပေါင်းရင်းမြစ်များ

2 Samuil 6:6

Plis kum kakaira nina Nacón Tasbaya Pîska ra bahara wan ba ra, bîp wainhka nani ba ai mina prukan, bara Uzá ai klahkla sakbi Gâd lâka auhbaia watla ba alkan kaina kahbaia luki.

Impakan Sturka 19:21

bara Dawan bui Moses ra win: —Mâyara iwi was bara upla nani ra maisa paks, mark nani mangkram ba wina kau ai kainara lui waia apia sa ai kaikaia dukiara, ban kra witin nani manis kauhi pruaia sip sa baku daukbia kaka.

Kulki Kaikanka 1:51

Bamna tint watla buki brih waia sa kaka, Libait nani mita slingbia, bara anira takaskaia sa kaka, witin nani mita kli tint watla ba mâkbia. Bamna ani uplika Libait apia ba, baha lamara wabia kaka, prubia.

Kulki Kaikanka 18:3

Witin nani ba man mihtam ra sa bara tint watla ra warkka daukaia sin, sakuna holi pliska ra wark daukaia dukia nani ba lamara lika wabiara, kîa yamni angkaia pliska ba lamara sin wabiara, kan sip sa prui banhwaia, man nani sin.

Kulki Kaikanka 4:15

Eran ai luhpia nani aikuki, holi pliska ra naha dukia nani sut ba pura prakbia. Bara utla ba mahka saki brih impakaia bubia ba ra, Quehat kiamka nani ba balbia baha twilki brih waia, sakuna diara holi ba kangbia apia, pruaia apia dukiara.

Kulki Kaikanka 4:18

“Ban swirka Quehat kiamka taika nani ba, Libait nani tilara bal prui tiwbiara.