Kulki Kaikanka 4:12 - DAWAN BÎLA AISKA

¹² Bamna ningkara holi pliska ra wark daukaia dukia nani ba sut pali asla bribia, bara sut ba kwala blu kum ra mangkbia, bara daiwan taya ni daukan kwalka maman ba ni pura prakbia, ningkara twilki brih waia dusa purara swibia.

Kulki Kaikanka 4:12 ပူးပေါင်းရင်းမြစ်များ

1 Kronikas 9:28

Naha nani tila ba ai mihta ra bri kan Dawan warkka daukaia dukia nani, baha nani ba pliska ra bri si dingki kan, bara sin saki kan, kulki sin kaiki kata.

1 Kronikas 9:29

Wala nani ba lika wark daukaia dukia wala sunukira nani ba ai mihta ra bri kan; baha purkara, plawar, wain, bara batana laya, diara angkaia dukia nani kîa yamni nani ba sin.

2 Kronikas 4:11

Hiram dikwa tara nani sin daukan ayan sâtka ni, mihta alkaika nani bara kâp tara nani sin. Bara baku warkka nani ba paski tnata alkan Salaman dukiara, Gâd tempelka watla ra.

2 Kronikas 4:16

baha purkara dikwa, nani, subil nani bara park nani sin paskan ba purkara. Diara wala nani sin Hiram paskan ba king Salaman ra yan Dawan tempelka watla ba dukiara, dukia nani ba bras painkira ni paskan.

2 Kronikas 4:19

Salaman sin adar yan Gâd tempelka dukia wala nani sin paskaia: gul ni altar ba paskaia, Dawan ra yaia britka nani kahbi kaia tibilka nani ba sin,

2 Kronikas 4:22

alahmi wisbaika nani ba, kâp tara nani ba, ispan tara nani ba bara masku auhbaika nani ba sut gul aihwa ni paskan. Tempel ra dimaia bilka ba, bilara dur nani dus wahia baku paskan ba, tempel bilara Holi Pali Pliska ra dimaika ba sut gul aihwa pali ni lalauban.

Impakan Sturka 25:5

sîp wainhka iki taya ink pauni dingkan ba, taya painkira, akasia dusa,

Impakan Sturka 25:9

Sakuna baha watla yang bal takaski kaia sna ba, baha bilara iwaika nani sut ba sin nahki daukaia ba yang bui man ra mamrikamna bara baku daukaia sma, sât wala lika apia.

Impakan Sturka 31:10

kwala nani mambia, prîs nani prâka sipbia, Eran prâka bara luhpia nani prâka sin sipbia, baha prâka dimi wark taki kaia.

Kulki Kaikanka 3:8

Bara tint watla ra wark daukaia dukia nani ba sut main kaiki kabia, bara dîa dîa sut Israel luhpia nani warkka daukaia ba, witin nani ai mihta ra mangkbia.

Kulki Kaikanka 4:11

“Gul ni daukan altarka ba, purara kwala blu, bara daiwan taya ni daukan kwalka maman tanta ni pura prakbia, bara twilkaia dusa nani ba purara swibia.

Kulki Kaikanka 4:13

Batana laya, yamhpus nani altar ra alkan ba sut klin daukbia, bara kwala blu ni pura prakbia.

Kulki Kaikanka 4:6

Bara baha purara daiwan taya ni pura prakaika pain nani daukan ba ni pura prakbia, bara kli baha purara kwala blu ni pura prakbia, bara twilkaia dusa nani ba sin untika ra dingkbia.

Kulki Kaikanka 4:7

Brit tibil ra kahban ba, Dawan lamara ba sin, kwala blu ni purara palkbia; bara baha purara plit nani ba swibia, ispan tara nani ba, kapka nani ba, kâp tara nani ba, wain laiki prisantka yabaia watla ba bara brit nani ba sin bâra ban kabia.

Kulki Kaikanka 4:9

Baha ningkara kwala blu ba, kiandil bapi angkaia dusa ba, lamp nani ba, diara alkaika nani ba, plit nani, glas nani ba, batana laya laikaia watlika nani ba sut pura prakbia.