Kulki Kaikanka 33:3 - DAWAN BÎLA AISKA

³ Israel luhpia nani Ramsés wina takan, kati pas yua 15 ba. Insal luan yaprika liliaka pas ba dauki si, yua wala ba impakan. Witin nani Dawan wina karnika tara bri ba, Idsip uplika nani kaiki kan taki wan.

Kulki Kaikanka 33:3 ပူးပေါင်းရင်းမြစ်များ

Blasi Sturka 47:11

Bara Josep Idsip tasbaya ra tasba kau pain ba witin nani ra yan. Witin nani bahara iwan, king fero adarka win ba kat. Bara baku Josep aisika, muihnika nani sin Ramsés tasba pain kum brin bâra iwaia.

Lawana Nani 105:38

Idsip uplika nani ba lilia takan, witin nani ba mahka taki auya kan ba ra, kan sibrin tara bri banhwi kata.

Impakan Sturka 1:11

Nanara Idsip uplika nani ba, wark nani pura kakaira mangkan, Israel luhpia nani ra yaka wark karna taki kaia dukiara. Witin nani ra munan tawan wâl paskan: Pitón bara Ramsés. Naha tawanka wâl na sika plun mâ nani apahki suni briaika pliska bri kan ba king fero mita mâkan ba, witin lika Idsip kingka ba.

Impakan Sturka 12:2

“Naha katka na man nani tara kulki kaia sma, mani tâ katka ba.

Impakan Sturka 12:37

Israel luhpia nani mahka taki wapan Ramsés wina Sucot ra. Mairin bara tuktan nani ailal kan ba lika, kulki kaikras kan. Sakuna waitna nani baman suldiar aimakaia manka alkan ba 600,000 kulkan kata.

Impakan Sturka 13:4

Abib kati ba man nani naha wina taki auma,

Impakan Sturka 14:8

Bara Dawan mita king fero ba kupia karna kaia daukan, Israel luhpia nani ba ban nina bliki waia, baha nani karnika tara wal taki wan sakuna.

Aiseya 52:12

Man nani tawa tawa taki wama, plapi lika taki wapara; kan Dawan, Israel Gâdka ba wabia bamna, tnamya bani ra kainam kahbi kabia.

Miqueas 2:13

Gâd bui witin nani ai yabalka ba param sâkbia, witin nani bui nina blîkbia, bara tawan dimaika bâk taki wabia. Dawan, ai kingka ba, witin nani tâura aimaki impakbia.

Kulki Kaikanka 33:2

Witin nani plis bani ra takaski ba impakuya ba Moses ulbi bri kan pliska nani nina, dîa Dawan bui witin ra win ba kat dauki kan. Pliska nani bani wina takan ba naha nani sa.