Kulki Kaikanka 32:23 - DAWAN BÎLA AISKA

²³ Sakuna man nani baku daukras kama kaka, luki bas, Dawan mapara saura daukuma ba. Bara yu kumi baha saurka mana klala brima.

Kulki Kaikanka 32:23 ပူးပေါင်းရင်းမြစ်များ

Blasi Sturka 13:13

Ban sakuna, Sodoma uplika nani ba upla saura pali kan, saurka lâka tara nani Dawan mapara dauki kan.

Blasi Sturka 4:7

Yamni daukram kaka, man purara mai bukan kaia kan. Sakuna man yamni daukras kapram bamna, saurka ba durkam kat bâra sa. Saura lâka ba puram luaia munisa, ban sakuna man mita baha ba sip muni pura luaia sma.”

Blasi Sturka 44:16

Juda witin ra win: —¿Yang nani pana man ra dîa mai wimna ki? ¿Yang nani pâtkas na tânka ba nahki aisi param sakamna? Yang nani watawiki lâka ba Dawan kaikan. Bamna nanara yang nani sut man mihtam ra sna; albikam nani takri sa, ya man kapkam bri kan ba aikuki alba sna.

2 Samuil 3:39

Baha mita, Gâd bâk ai saki king ai mangkan, ban sakuna swapni ai sakan daira walisna, Seruiá luhpia nani baku pali saurka tara daukan ba mita. ¡Naha watawika lâka na ya pali mita daukan ba, witin ai mana dîa briaia kan ba aitani sa Dawan bui witin ra yabia!

1 King Nani 2:32

Bara Dawan bui ai tâlia ba tahki witin lal ra sunbia, kan witin bui Ner luhpia Abner, Israel war wihtka tara wâl kan ba ikan skiru ni, bara Jéter luhpia Amasá ba sin, witin Juda war wihtka tara pali kan ba.

1 King Nani 2:33

Baha nani tâlia ba Joab purara kauhan sa, ai kiamka nani purara sin ban kaia ra; ban sakuna Debit bara ai kiamka nani purara bara ai king iwaika purara sin Dawan wina ban kaia ra kupia kumi lâka bâra kabia.

Lawana Nani 139:11

Tihmia tara ra dimi yukuwaia sip katna kaka, apia kaka ingni kir ai bri ba tihmia daukaia sip katna kaka,

Lawana Nani 140:11

Upla twisa yari nani ba wan tasbaya ra ban kabiara; diara saura dauki ba mita nina bliki bara sauhki tikbia.

Lawana Nani 90:8

Wan saurka bara wan watawika nani ba, man mamwanra kahbi swin sa.

Sins Lâka 13:21

Trabil lika upla saurakira nani nina blikisa, sakuna kasakkira nani ra mana diara yamni pali yaban kabia.

Sins Lâka 24:16

kan upla kasakkira ba aima 7 kauhan kaka kuna kli aima wala buaia sip sa; kuna watawikira nani trabil ra kauhi ba kau rungwan kabia.

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Aiseya 3:11

¡Saura pali kabia watawikira ba dukiara, witin nani saura ra wabia! Ai mihta warkka nani mana ba praiska kat, Gâd bui witin nani ra aibapan kabia.

Aiseya 59:12

Yang nani mampara buri diara ailal saura dauki; bara baha saurka nani ba maipara witnis sa; kan yang nani watawiki lâka nani ba yang nani wal sa, bara yang nani sin saurki nani ba kaikisna.

Jona 1:7

Duri ra wark taki nani ba lika ai tilara aisi banhwi kan: —Kaisa lat lulki kaikpi, baku lika ya pâtka mita naha trabilka tara wan alki na yawan kaikbia. Witin nani lat ba lulkan bara pât ba Jona ra kauhan.

Roman 2:9

Baku bamna, saura dauki nani ba mapara pât wahwaia lâka bara latwan wahwaia lâka sin bâra kabia, baha lika Ju nani ra pas, bara baha ningkara Ju apia nani ra sin.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

Jasua 7:18

Bara Zabdí watla bîla uplika ba wina, waitna nani ba kumi taki wan, bara Dawan Acán kat marikan Carmí luhpia waitna, Zabdí mulika bara Zérah snawika, Juda kiamka tila wina waitnika ba.