Kulki Kaikanka 32:14 - DAWAN BÎLA AISKA

¹⁴ Bara nanara man nani, saura dadaukra luhpia nani, papikam nani daukan ba baku kli daukaia lukisma, Israel luhpia nani mapara Dawan lawanka ba kli bri balaia dukiara.

Kulki Kaikanka 32:14 ပူးပေါင်းရင်းမြစ်များ

Blasi Sturka 5:3

Bara Adam mani 130 alkan ba ra, ai luhpia waitna kum baikan, witin wal ai talia pali, ai lilka talia kat, bara nina ba Set mâkan.

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

2 Kronikas 28:13

bara witin nani ra win: —Nahara war uplika nani silak ra mangkaia bri balpara, kan baha wal Dawan mapara pâtkira wan kulkbia. Man nani daukankam wal saurka nani kau aipaswisa, bara wan pâtka saurka nani ba uya pali sa, bara Dawan ba Israel wal uya ai kupia sauhkbia.

Esdras 10:10

Bara prîs Esdras witin nani mawanra buan bara win: —Man nani saura daukram, Israel mairka briras mairin tringsar mayam bri banhram ba mita, baku Israel pâtka ba kau tara daukisma.

Nihimaya 13:18

Man nani damikam nani baku daukan ba tâwan sika, wan Gâdka ba mita wan purara pât saura nani blikan naha tawanka purara. ¿Bara man nani kau Gâd kupia sauhkan mai daukisa ki Israel luhpia nani purara, ris briaia yua kulkanka ba yabras tâka mita?

Job 14:4

Upla kumi sin âpu sa diara tâski ba wina diara sunu sakaia.

Lawana Nani 78:57

ai aisika nani kan ba baku, Gâd ba lulki swin bara witin nani lukras kan; ¡sim pantamangka bahki baku kulkan!

Aiseya 1:4

¡Alai, upla saura dadaukra nani, watawi lâka man twilki banhwisa ba, saura dadaukra kiamka nani, watawi lâka luhpia nani! Dawan wina laihura takan nani, Israel Gâdka Holikira ba wina sin laihura takan, Gâd ba lulki swin.

Aiseya 57:4

¿Ya dukiara man nani lawaska kikisma? ¿Ya mapara mamwan aihka dauki misbara lâka dauki kapram? ¿Ya mapara twisam daiki mariki kapram? ¡Man nani saura dadaukra nani, upla kuninkira nani!

Isikiel 20:21

‘Sakuna witin nani luhpia nani sin maipara buan. Lâika bîla nani wali daukras kan, dîa daukaia wîni lâka ba sin alki daukras, baha ya daukbia ba raya kabia wîri ba, riski yua nani ba tâski daukan. Lukri yang kupi baiwanka witin nani purara blikaia, bara upla iwras tasbaya ra âpu daukaia, kupi baiwanka lamni daukaia.

Kulki Kaikanka 32:15

Man nani bui Dawan nina blikaia wilin apia sma kaka, witin mita Israel luhpia nani upla iwras tasbaya ra yaka kau takaskbia, bara man nani pâtkira kama witin nani sut sauhki tikbia kaka.

Luk 11:48

Baha wal marikisma, damikam nani dîa daukan ba man nani mampa ra pain; bamna damikam nani ikan, sakuna man nani lika raitika nani ba paskisma.

Kli Smalkanka 9:24

Man nani ra mai kakaira takri piua wina, Dawan mapara man nani lamla karna sma.