Kulki Kaikanka 32:13 - DAWAN BÎLA AISKA

¹³ Bamna Dawan bui Israel luhpia nani ra lawi daukan, 40 mani upla iwras tasbaya ra wapi tauki kan, Dawan mapara saura daukan nani ba sut prui tiwan ba kat.

Kulki Kaikanka 32:13 ပူးပေါင်းရင်းမြစ်များ

Lawana Nani 107:4

Tiwi watauki banhwi katma upla iwras auhya tasbaya ra, yabal kumi sin sakras kapram ani tawanka ra iwaia.

Lawana Nani 78:33

Baha mita Gâd bui rayaka nani ba âpu daukata ai wingka puhbra kum baku ra, bara sibrin tara dingkan kata.

Lawana Nani 95:10

Baha kiamka nani ba wal 40 mani kupi sauhki katna, bara wîri: ‘Naha uplika nani sut tiwi wataukisa; yang lâika bîla nani wali daukras.’

Impakan Sturka 16:35

Israel luhpia nani ba upla iwras ba tasbaya ra 40 mani manâ baman pi kan, Kenan tasbaya piarkika upla iwi kan ba tasbaya lamara balan ba kat.

Emus 2:10

Yang bui Idsip tasbaya wina man nani mai sakri, mani 40 upla iwras tasbaya bâk mai brih tampahki kapri, witin nani tasbaya ba man nani ra maikaia dukiara.

Emus 2:9

Âu, man nani ra yamni mai munaia tâwan, yang bui amorreo nani ba sut mamwan wina âpu daukri, kiamka kumi sin swiras, sut pali âpu daukatna, witin nani yalam dusa baku tara pali pâwan kan, karnika tara sin bri kan usupum dusa karnika ba baku, ban sakuna sut âpu pali daukri.

Kulki Kaikanka 14:32

Sakuna man nani lika, wînam tara nani ba upla iwras tasbaya ra lulki sin kabia.

1 Korint 10:5

Ban sakuna, witin nani aihkika ba, Gâd bui yamni kaikras kata; baha mita witin nani sut upla iwras tasbaya ra prui tiwan.

Kli Smalkanka 2:7

Dawan bara man nani Gâdkam man nani diara sut daukram ba purara, ai yamnika maikan. Mani 40 witin ba man nani wal kan, main mai kaikan, upla iwras tasbaya tara ra, sakuna bahara man nani diara kumi sin luha apia kapram.

Wihta Nani 2:14

bara baha mita Dawan ba Israel luhpia nani mapara ai kupia sauhkan, bara âimplikra nani blikan bal ai dukia nani bri kan ba sut implikan. Ai waihla nani ai tnaya kir ba mapara sip aiklabras kan, bara baha nani bal aiklabi witin nani sut pura luan.

Wihta Nani 2:20

Ba mita Dawan ba Israel luhpia nani ba mapara ai kupia sauhki, bara win: “Naha uplika nani na ai damika nani wal yang lâ daukri lâka ba krikisa, witin nani lika yang bîli wali daukras.