Kulki Kaikanka 31:8 - DAWAN BÎLA AISKA

⁸ King nani Eví, Réquem, Sur, Hur bara Reba, Madián kingka nani matsip ba sut ikan, baha tilara Beor luhpia Balaam ba sin.

Kulki Kaikanka 31:8 ပူးပေါင်းရင်းမြစ်များ

Lawana Nani 10:2

Upla watawi prautkira nani ba mita, upla umpira bawikira ra lawi nina blikisa; sakuna baha diara saura nani, witin nani ai kupia ra luki paski kan ba ni, yarka kli ai mina ba alkbia.

Lawana Nani 9:16

Dawan witin bui ai tânka mairikan: ¡lâ wapni ba aisi daukan! Watawikira ba silak ra aimakisa, witin mita paski kahbi swin ba iliska ra.

Sins Lâka 11:3

Wapnikira nani ba ai lâka aihwa man bri mita tâ brih wabia, saura dadaukra nani ba ai saurka lâka dauki ba mita, sauhki tikan kabia.

Sins Lâka 13:17

Saki blikan uplika watawikira ba lika swira lâka baman twilkisa, sakuna saki blikan uplika kasakkira ba wan rakaika brih aula.

Abakuk 3:7

Cusán uplika nani ba kaikri umpira bara pât pali tilara iwisa, Madián uplika nani sin sibrin lâka mita taibi brisa.

Kulki Kaikanka 22:10

Balaam pana win: —Sipor luhpia, Moab kingka ba, Balac mita yang ra ai wiaia blikan,

Kulki Kaikanka 22:4

Bara Moab uplika nani mita Madián almukka nani ra win: “Naha uplika nani balan na wan tasbaya aiska na âpu daukbia, bîp wainhka kum insla ra dimi diara pâwi kan sut pi âpu dauki ba baku.” Baha piua Balac ba Moab kingka kata,

Kulki Kaikanka 22:5

bara witin bîla blikan Balaam Beor luhpia ba paiwaia. Witin Petor ra takaski kan, Éufrates awalka lamara, Amav kuntrika ra. Balac bui Balaam ra naku ai bîla blikan ai sturka twatwilkra nani wal: “Idsip wina upla nani dakni tara balan bara tasbaya aiska ra taukisa, bara nanara uplika nani ba yang laimara bal takaskan.

Kulki Kaikanka 23:10

Witin nani ba ailal tasba yuya baku sa; ¿ya ba sut kulkaia sip sa ki? ¿Ya sip sa baha numbika ba kulki sakaia? ¡Yamni kaia kan, baha waitnika kasakkira pat pruan ba baku pruri kata, yang pruamna bara witin nani wal baku kamna!”

Kulki Kaikanka 24:14

Baku ba ra tasbayi ra kli mahka auna, sakuna kau waras sna ba ra, mai wiaia sna naha uplika nani naika dîa daukbia ba man uplikam nani ba wal.

Kulki Kaikanka 24:25

Naha aisin ba ningkara, Balaam yabal ra aimaki mahka ai watla ra wan, Balac sin mahka ai yabalka ra wan.

Kulki Kaikanka 25:15

Madián mairka ba nina Cozbí, Sur luhpia mairin, witinka lika Madián kiamka daknika wihtka kata.

Kulki Kaikanka 25:18

witin nani ai kuninka lâka dauki man nani ra mai munan, man nani Baal-peor ra pura suni mayunaia, Cozbí daukan ba baku. Sur luhpia mairin ba, Madián uplika nani daknika kum wihtka kan ba, langsa kumi ni sabi ikan, Baal-peor ra ai pura suni mayunan tâwan pruaia pâtka ra blikri bara ikri.

Kulki Kaikanka 31:16

Baha mairka nani sika Balaam smalkanka ba wali, Israel luhpia nani ra brih wan, Dawan mapara bûi saura daukaia, bara Baal-peor ra mayunaia, baha tâwan Dawan bui klala blikan upla nani purara.

Kulki Kaikanka 31:9

Israel luhpia nani mita Madián mairka nani bara luhpia kau sirpi nani ba sin priski brih wan, bara daiwra nani sin mihta dakban, bîp nani, diara mana tara dukia nani kan ba sin brin.

2 Pita 2:15

Witin nani yabal wapni ba swin mita tiwi wataukisa. Beor luhpia prapit Balaam daukanka ba nina blikisa, bamna Balaam sika diara saura dauki lalah briaia baman luki kan;

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 2:14

Sakuna man mampara diara nani brisna: Pergamum ra Balaam smalkanka nina bliki ba tila nani bâra sa; Balaam mita sika Balac ra smalki win, Israel luhpia nani ra yaka saura daukbia, aidul nani ra sakripais daukan nani ba pih, bara rug lâka sin daukaia.