Kulki Kaikanka 30:8 - DAWAN BÎLA AISKA

⁸ Sakuna ai maya waitna baha ba walan ba ra, âu takras sa kaka, pramis Dawan ra win ba witin daukaia apia sa, bara Dawan mita sin baha aitani kulkbia.

Kulki Kaikanka 30:8 ပူးပေါင်းရင်းမြစ်များ

Blasi Sturka 3:16

Mairin ra witin win: —Sarkam lâka ba uya pali daukamna, man kwihra tiwisma ba piua ra; wînam latwanka tilara luhpiam nani baiki kama; bara man kupiam brinka ba mayam kat kabia, bara witin ba man wihtkam aimaki kabia.

Jirimaya 44:19

Mairin nani ba sin kau pura prakan: —Yang nani sin Kasbrika Purara Kwinka ba lilka ra turtiya dauki witin ra yabi kapri, kîa pain ba angki wain sin prisant yabri. Baha ba sin yang nani mayi waitna ai win bara baku daukri. Bamna yang nani ban baku dauki kamna.

Libait Lâka 5:4

“Upla kum pain ai dara wali luki kaikras kira, diara kum yamni, apia kra saura kum kra daukaia dukiara swer taki aisin, sakuna baha minitka ra kau ai tânka briras kan, ningkara witin ai dara walan ba ra, baha swer taki aisin saurka ba mana pâtkira kulkan kabia.

Kulki Kaikanka 30:5

Sakuna papika ba walan ai luhpia mairin dîa daukaia wi ba papika ba âu takras sa kaka, tiara ba dîa aisi daukaia win ba daukbia, bara ai papika âu takras ba tâwan Dawan aitani kulkbia apia.

Kulki Kaikanka 30:7

bara ai maya waitna walan naha pramiska ba, sakuna baha mapara diara aisaras sa kaka, mairin ba daukaia sa ai pramiska daukan ba.

Kulki Kaikanka 30:9

“Piarka mairin kum pramis takisa kaka, apia kaka wal swiaia wauhkataya ulban kaka, sakuna witin Dawan nina mâki aisin sa kaka, Dawan ra diara dauki yaia win ba witin dauki yaia sa.

1 Korint 14:34

mairin nani ba serts ra sâp kaia sa, naku daukaia lâ apia sa bamna. Kiama lihni nani kaia sa, Moses lâka wi ba kat.

1 Korint 7:4

Maya mairin ba ai wîna tara dawanka apia, sakuna baha ba ai maya waitna dukia sa. Bara baku sin, maya waitna ba ai wîna dawanka takras, sakuna baha ba ai maya mairin dukia sa.

1 Samuil 1:23

Ai maya Elcaná bui pana win: —Man nahki daukrika kau yamni kaikma ba kat dauks; bamna nâra bas, tukta ba tiala dakma ba kat. Bara Dawan daukaia win ba yaka ban aimakbia. Bara witin takaskan, ai luhpia waitna paki kan tiala dakban ba kat.