Kulki Kaikanka 3:7 - DAWAN BÎLA AISKA

⁷ Eran warkka ba witin nani hilp munbia, dakni aiska warkka ba daukaia tint watla ra; bara baku witin nani tint watla ra warkka nani daukaia ba brin.

Kulki Kaikanka 3:7 ပူးပေါင်းရင်းမြစ်များ

1 Kronikas 26:20

Libait wala nani ba lika tempel lalahka ba main kaiki kan, mana luha yan dukia nani suni swin ba sin.

1 Kronikas 26:22

Jehiel luhpia nani bara ai muihni nani Zetam bara Joel wal luhpia nani ra prias watla lalahka nani ba main kaikaia mihta ra mangkan.

1 Kronikas 26:26

Selomit ai muihni nani aikuki lika pura kaiki kata, diara nani Debit bui utla dawanka nani, war lalka tara nani sut bui Dawan ra sunu lâka ra yan ba.

Libait Lâka 8:35

Baha mita man Tintka watla ra dimaia durka ra wik kum bâra takaski kaia sma, kakna bara tihmia sut. Dawan lâ daukan lâka ba kulki kama, baku daukma bara man nani pruma apia. Naha lâka bîla na, yang na witin wina briri man nani ra maikaia, bara maikisna.”

Kulki Kaikanka 1:50

Libait nani ba lika Dawan wal aisaia tintka watla ra wark nani daukaia swis, bara tint watla ra diara nani bâra ba sut main kaiki kabia. Witin nani mita tint watla ba twilki brih wabia, dîa dîa warkka wala nani daukaia bahara ba baha warkka nani ba daukbia, bara tint watla lamara takaski kabia.

Kulki Kaikanka 1:53

Libait nani ba lika wal lâ daukan tintka watla latka tani ra takaski main kaiki kabia, baku mika Dawan lawanka Israel daknika nani purara âpu kabia.”

Kulki Kaikanka 3:32

Bara prîs Eran luhpia, Eleazar lika, Libait nani sut wihtka aimaki kan baha watla ra.

Kulki Kaikanka 3:8

Bara tint watla ra wark daukaia dukia nani ba sut main kaiki kabia, bara dîa dîa sut Israel luhpia nani warkka daukaia ba, witin nani ai mihta ra mangkbia.

Kulki Kaikanka 31:30

Israel luhpia nani ra yabisma ba daiwra nani 50 bani ba wina, kumi tnaya ra laki upla nani ba wina bris: Bîp 50 bani ba wina kumi, biriku 50 bani ba wina kumi, sîp 50 bani ba wina kumi, daiwan nani sut ba wina baku brih Libait nani ra yas, baha nani ba Dawan watla ra wark taki bamna.”

Kulki Kaikanka 8:11

Baha ningkara Eran mita Libait nani ba Dawan mawanra mangkbia bara baku Libait nani ba Israel luhpia nani mita ai prisantka baku yabia Dawan ra ai warkka daukaia.

Kulki Kaikanka 8:15

Baha ningkara Libait nani ba tint watla ra wabia witin nani bahara sunu wark daukaia, bara prisantki kum baku dauki aikma,