Kulki Kaikanka 3:25 - DAWAN BÎLA AISKA

²⁵ Dawan wal aisaia watla ra, Guersón luhpia nani warkka ba sika tint watla ba main kaikaika, tint watla pura prakaika ba bara tint watla durka kwalka ba sin.

Kulki Kaikanka 3:25 ပူးပေါင်းရင်းမြစ်များ

1 Kronikas 23:32

Witin nani ai mihta ra kata tint watla, Dawan wal aisaia tintka watla kan ba, bara sunukira pliska ba. Tempel ra wark dauki kan ai muihni kulkan kiamka nani ba aikuki, Eran kiamka nani ba sin.

2 Kronikas 31:2

Baha ningkara Ezequías bui prîs bara Libait nani ra warkka yan, piua kat ai warkka natka daukbia ba kat upla bani dîa warkka daukaia kan ba daukbia, sakripais angkbia bara kli Dawan wal ai uplika takaia ba, bara wih Dawan ra mayunaia, tempel durka ba kat ai warkka dauki kaia.

Impakan Sturka 25:9

Sakuna baha watla yang bal takaski kaia sna ba, baha bilara iwaika nani sut ba sin nahki daukaia ba yang bui man ra mamrikamna bara baku daukaia sma, sât wala lika apia.

Impakan Sturka 40:19

bara tint watla bahna prakaika kwalka nani ba sin mangkan, baha pura bâk kli pura prakaika wala mangkan, Dawan bui Moses ra nahki daukaia win ba baku daukan.

Impakan Sturka 40:28

Ba ningkara pamaia kwalka nani ba sin Moses brin bara dur nani ra paman.

Kulki Kaikanka 1:50

Libait nani ba lika Dawan wal aisaia tintka watla ra wark nani daukaia swis, bara tint watla ra diara nani bâra ba sut main kaiki kabia. Witin nani mita tint watla ba twilki brih wabia, dîa dîa warkka wala nani daukaia bahara ba baha warkka nani ba daukbia, bara tint watla lamara takaski kabia.

Kulki Kaikanka 10:17

Bamna baha nani tint watla ba slingban, bara Guersón luhpia nani wihki Merarí luhpia nani aikuki mahka twilki yabal ra impakan.

Kulki Kaikanka 3:24

Bara Guersón kiamka wihtka ba lika Eliasaf, Lael luhpia ba.

Kulki Kaikanka 3:7

Eran warkka ba witin nani hilp munbia, dakni aiska warkka ba daukaia tint watla ra; bara baku witin nani tint watla ra warkka nani daukaia ba brin.

Kulki Kaikanka 7:7

Wagin wâl bara bîp wainhka walhwal ba, Guersón kiamka luhpia nani ra yan, witin nani ai warkka daukaia baha want kan.

Mark 13:34

Sim waitna kum laihura impaki ba baku sa, bamna ai watla kau swiras ba ra, ai albika nani ra warkka yabisa, bara dur aihwakbia wisa.

Kolosi 4:17

Naha na Arquipo ra wis: “Dawan napakan warkka ra mangkan ba trai muni lâ kat tauki kabia.”

1 Timoti 1:18

Luhpi Timoti, naha lâka na man mihtam ra mangkisna, kasak lukan lâka wal bara sinskam pain brih, aiklabanka yamni ba aiklama, wan muihni nani Gâd nina brih, patitara man dukiamra aisi banhwan ba kat. Upla tila ba, ai kupia dara lukra ra bîla wali daukras ba mita, ai kasak lukan lâka ba sauhki tikan sa.