Kulki Kaikanka 3:10 - DAWAN BÎLA AISKA

¹⁰ Bamna Eran bara luhpia nani baman yarka prîs warkka dauki kabia, bara ani upla wala baha lamara wabia ba prubia.”

Kulki Kaikanka 3:10 ပူးပေါင်းရင်းမြစ်များ

2 Samuil 6:7

Sakuna Dawan Uzá wal ai kupia baikan, ai mihta takaskras ban diara alkaia want ba tâwan, baha kat ikan, Dawan lâka auhbaia watla arkka tnaya ba kat kauhi pruan.

1 King Nani 12:31

Idan nani ai pura sunaia watla nani sin mâkan, upla nani ba tila wina prîska nani sin mangkka, baha nani ba Libai daknika nani wina apia kan ba.

1 Kronikas 6:32

Dawan wal aisaia tintka watla ra witin nani aiwani kan, Salaman Jerusalem ra Dawan watla mâkan yua ba kat, bara ningkara Dawan watla ra witin nani ai natka ba kat ban aiwani kan.

Nihimaya 6:11

Sakuna yang pana wîri: “Yang baku waitna nani ba lika, plapras bara tempel ra sin dimras pruaia apia dukiara. Yang lika tempel ra dimamna apia.”

Impakan Sturka 29:9

Eran ra bara luhpia nani ra sin maisa wila ba wilkma, bara lal ra wilkaika ba sin wilkma. Bara baku natka ra karnika aiska yama, upla sut kaiki kaka, bara witin ai prîska lâka daukan ba baku ban kabia.

Isikiel 44:8

Yang ra ai pura sunaia lâka witin nani ra yabri ba daukras, sakuna baha warkka ba tringsar nani ra yan daukaia.’

Libait Lâka 22:10

“Plun nani prisantka bri balan ba, upla wala kumi sin baha wina pibia apia. “Prîs wal wark taki ba sin apia, prîs ba watla takaski ra sin piaia apia.

Kulki Kaikanka 1:51

Bamna tint watla buki brih waia sa kaka, Libait nani mita slingbia, bara anira takaskaia sa kaka, witin nani mita kli tint watla ba mâkbia. Bamna ani uplika Libait apia ba, baha lamara wabia kaka, prubia.

Kulki Kaikanka 16:10

Dawan brin daukan man bara kiamkam Libait nani ba sut sin, witin ai lamara kabia. ¿Bara nanara prîs lâka ba sin brin mai daukisa ki?

Kulki Kaikanka 16:35

Baha purkara Dawan pauta klauhan blikan bara 250 upla kan ba sin angki ikan.

Kulki Kaikanka 16:40

Baha takan ba Israel luhpia nani mapara smalkanka tara kata, bara marikisa sip apia sa kiamka wala kum Eran kiamka wina apia ba, kîa pain angkaia watlika ba lamara waia bara Dawan ra kîa pain angki yaia. Baha uplika ra sip sa, Coré bara ai uplika nani ra dîa takan ba baku takaia. Bara Dawan bui Moses ra dîa daukaia win ba baku, Eleazar mita daukan.

Kulki Kaikanka 18:3

Witin nani ba man mihtam ra sa bara tint watla ra warkka daukaia sin, sakuna holi pliska ra wark daukaia dukia nani ba lamara lika wabiara, kîa yamni angkaia pliska ba lamara sin wabiara, kan sip sa prui banhwaia, man nani sin.

Kulki Kaikanka 18:7

sakuna man nani bara luhpiam nani baman sip sma prîs warkka ba daukaia, baha kîa pain angkaia watlika ra, kwala paman ba nina tani ra; baha warkka nani ba man nani mihtam ra sa, bamna prîs warkka daukaia yang mita mihtam ra mangkri. Ani uplika prîs apia, sakuna ban prîs warkka daukbia kaka, witin ba pruaia pâtka ra lakan kabia.”

Kulki Kaikanka 3:11

Dawan ba Moses ra aisi, naku win:

Kulki Kaikanka 3:38

Tint watla ra lalma Dawan wal aisaia tintka watla ba lamara, Moses, Eran bara ai luhpia nani aikuki, ai watla mâkan. Witin nani baha Dawan wal aisaia watla ba main kaiki kan Israel luhpia nani nina ra. Bara upla prîs apia nani ba baha lamara wabia kaka prubia.

Roman 12:7

Upla wala dukia daukaia prisantka wankan kaka, yawan daukaia sa. Ya upla smalkaia tânka bri kaka, trai kaikaia sa smalkaia warkka ra aimakaia.

Epesus 2:19

Baha mita, man nani lika upla tringsar nani ai tasbaya pali ra iwras ba sâtka lika apia, sakuna man nani sut lika Gâd uplika nani wal aikuki sim kuntrika uplika nani sma. Man nani ba Gâd watla suliarka nani sma.

Kli Smalkanka 18:5

kan Dawan Gâd mita witin nani ba kiamka nani sut tila wina bâk sakan sa, Dawan dukia nani main kaikaia, witin bara ai luhpia nani sin.

Hibru Nani 8:4

Witin tasba ra kan kaka, prîs kaia sin apia kan, prîs nani kau nâra ba mita, bara witin nani ba Moses lâka kat prisant nani ba yabisa.

Wihta Nani 17:5

Micaías ai watla ba pura sunaia watla bri kan. Witin sin prîs dimaia, ‘‘efod’’ pîska kum daukan, gâd bahki wala nani sin bri kan, bara ai luhpia waitna kumi ba sin prîs mangkan.

1 Samuil 6:19

Sakuna Bet-semes uplika nani sin Dawan bui klala yan, baha nani lâ auhbaia watla ba biki kaikan tâwan. Waitna 70 rayaka tikan, bara tawan aiska ba inanka tara bri kan Dawan baku upla iki tikan ba mita.