Kulki Kaikanka 28:6 - DAWAN BÎLA AISKA

⁶ (Sainai ra sika witin nani yu bani baha sakripaiska dauki aiki kan, kîa pain angki dauki Dawan ra yabi kan, kîa pain Dawan kiawali ba.)

Kulki Kaikanka 28:6 ပူးပေါင်းရင်းမြစ်များ

2 Kronikas 2:4

Man kaiks, yang Dawan Gâdki tempelka mâkaisna, bahara witin ra mayunra yabaia, kîa yamni nani angki brit nani painka ra tibil ra kahbaia bara ai piua kat Dawan ra tingki wiaia, titan ra bara tutni ra, daiwanka aiska angkaia ris yua nani ra, kati raya bara yua wala nani ra sin wan Dawan ra mayuni kulkaia, Israel luhpia nani tilara dauki ba baku.

2 Kronikas 31:3

Baha purkara king ba, witin dîa bri ba wina yan, titan bara tutni ra sakripais angkaia, ris yua ra, kati raya mayunra wala yua nani ra, sakripais angki daukaia, dîa Dawan lâka ra ulban ba kat.

Esdras 3:4

Baku sin Utla Papakni liliaka ba daukan, lâ ra ulbanka ba kat, yua bani sakripais dauki kan ai natka ba kat, daiwan iki aiska angki yabi kan, yu kum ra nahki yabaia kan ba kat,

Lawana Nani 50:8

Man sakripaiskam nani ba tâwan lawi mai daukamna apia; man daiwram nani aiska angkan ba tâwan sin apia.

Impakan Sturka 24:18

Moses kasbrika tila bâk dimi, il ra uli wan, bara witin bahara takaskan kakna yawanaiska wâl bara tihmia yawanaiska wâl sin.

Impakan Sturka 31:18

Dawan ba Sainai ilka ra Moses wal aisi swin ba ra, Dawan bui witin ai mihta tâ ni baha lâka nani ulban walpaya tanhta wâl ba, Moses ra yan.

Isikiel 46:14

Baku natka ra, titan bani Dawan ra prisant brih balbia, batil matlalkahbi pura kum barli baku, bara batana batil kum, plawar ba purara laikbia. Naha daukaia lâka na piua bani ra dauki kaia sa.

Isikiel 46:15

Sîp luhpia angkuya sakripaiska ra, bara barli baku prisantka ba bara batana ba, titan bani ra daukan kaia sa.

Libait Lâka 27:34

Naha lâka nani na sika Dawan mita Moses ra yan ba Israel luhpia nani ra smalkaia lâka, Sainai ilka ra.

Libait Lâka 6:9

“Man nani bui Eran ra bara ai luhpia waitna nani ra wis, daiwan aiska angkaia sakripaiska ba nahki daukaia lâka nani ba: Sakripais daukaia daiwra ba altar purara pauta aswan nani ba purara kahbi swibia, tihmia aiska ban bâra lalawbia, pauta klauhan ba sin daswaia apia.

Emus 5:25

“Israel luhpia nani: 40 mani bilara upla iwras tasbaya yabalka ra man nani tâm briri wapi katma ba ra, ¿wîna angkan prisantka, bara prisant wala nani sin dauki angki aiki katma ki?

Kulki Kaikanka 28:5

Plun sâtka nani wina prisantka bri balaia ba, plawar 4 paun pura brih, oliv batana litro kum laiki akbia.

Kulki Kaikanka 28:7

Wain prisantka yabaia ba naku daukbia, sîp bani dukiara wain litro kum bribia. Wainka na altar purara laikaia Dawan ra yamni kulki. Bamna titan sîp kum, wain litro kum brih prisantka ba daukbia.

Pilipai 2:17

Man nani kasakkam lâka mita Gâd ra prisant yabisma ba tnata alkaia dukiara, rayaki pali na sin sakripais dauki yabia kaka, yang lilia sni bara baha liliaka ba man nani sut aikuki brisni.